| ماعدنا نتأمّل .. |

[دِيم]

من جد ..!
التقنية سلبت منّا الأفكار الحالمة قبل النوم ..
ومحاسبتنا أنفسنا ..
قبل تقنيات الـ bb والـ Apple
كنا نقرق حنا وخواتنا ..
نتفاتن ..
نحلم أحلام ب الهوا ..
نخطط وش بنسوي بكرآ .. مع الأهل ..
الحين والعياذ ب الله ..
فاهين .. أو بالأصح .. أصابنا داء الغفلة ..
حتى عن أنفسنا ..
زمان لمّن الواحد يخطيء ..
يلقى وقت يحاسب فيه نفسه قبل المنام ..
الآن .. مايمديك تحاسب نفسك إلا والجهاز طايح جنبك ..
ونايم ..
وقبل أضع جنبي الأيمن لأرفعه باسم الله .. ألقط الجهاز وأطالع وش وصلني .. > لمن خرب البي بي باليومين اللي فاتوا .. صرنا نجلس مع اهالينا .. الله يعفو .. شيبانا فرحوا بعيالنا وأمهاتنا زاحمنهن البنات ب المطبخ => تبي تعلمكم انها طبخت ..

عن جد الوضع صار يخوّف .. > شوي مو كثير ..

[نــف نــف]

دآئماً آقآرن حآلنآ آلحين مع آلتقنيه وقبل من دونهآ !!
فرق شآسع .. حتى عيوننآ رآحت فيهآ
آمآ عطل آلبلآك بيري آنقلبت أحوآلنآ فوق تحت حسيت فيه شيء غلط ..

[دِيم]

اقتباس:  المشاركة الأصلية كتبت بواسطة نــف نــف     دآئماً آقآرن حآلنآ آلحين مع آلتقنيه وقبل من دونهآ !! فرق شآسع .. حتى عيوننآ رآحت فيهآ آمآ عطل آلبلآك بيري آنقلبت أحوآلنآ فوق تحت حسيت فيه شيء غلط ..

بقوة راحت فيها ..
الناس يصير فيهم هالات سود وعيالنا يصير فيهم هالات حمر .. *_*
،
بالرغم من إنّي أستعمله أكثر شي للقراءة .. إلا إنه مش مريح أبد ..

،
يارب مايتعطل مرة ثانية

[عزف الحقيقة]

مرحبا ديم

ماكتبي كان بالامس يطرق فكري

كنا سابقا نتأمل ونعيد يومنا كيف كان وكيف انتهى

الأن للأسف كل شيءتوقف

[دِيم]

اقتباس:  المشاركة الأصلية كتبت بواسطة عزف الحقيقة     مرحبا ديم ماكتبي كان بالامس يطرق فكري كنا سابقا نتأمل ونعيد يومنا كيف كان وكيف انتهى الأن للأسف كل شيءتوقف

لأ .. خلاص جا الشتا ..
والله ولا ألف بلاك يقطعني عن شباكي أولة الفجر واآخر الليل ..

[آرتــيــآحّ ..♥]

جميل , ايقافه كان سبباً لإعادة النظر في ضرره , .

ديم , لا أخفيك أخي مهووس بالبلاك بيري وعند ايقافه جن جنونه واستسلم للنوم إلى حين اليوم التالي , .

الله يكفينا شر التقنيات و يقوينا على طاعته , .

~

[shahd2007]

من امس ..
احس اني فاضية نوعاً

هـــدوء بجوالتنا حضرنا كلنا قهوه المغرب وسولفنا
بالعاده كل واحد عيونه بجواله ويضحك مع نفسه
اليوم اخواني طفشانين وكل شوي سؤال هاه اشتغل

وش اخر تحديث جاك ..!

واشتغل الواتس اب بعد ماكنا حاقرينه

يارب مايطول انقطاعه لان بجد تعودنا عليه

[فسقــان]

اشد ابتلا يبتلى به الشخص يا { ديم } ان يفتن بهذي الاجهزه

شهدت بالمحدثه الايميل ياديم الي قالت { نعزي ابل } تذكرت سالفه حدثت لي قبل اسبوع بعد موت { ستيف جوبز } ضريفه ومبكيه ..فعلن مفتنونين بهذي الجهزه الله يفيكنا يارب

في عز نومي وبتلك الابتسامه البرئيه التي تعطي دليل على حلم يلفه لون وردي .. اخترق رقم جهازي الذي هو اسمه النورس واتصق هذا الرقم في شاشة جوالي طول فترة نقاهتي .. لا ارى المتصل اذا هو شخص اعرفه لايكل ولايمل من الاتصال .. تجهلته وماهي بدقائق حتى اتصل مره اخرى واخرى .. وبدا قلبي يدق كا دقات قطرة ماء على صخر .. وبدات اشعر بان شي حدث شيء خطير .. لكن كل شي يتم تاجيله معدى حلمي الوردي .. وبعده اخذت الجول وان النعاس يغلبني واحولت ان اغلبهن لكن وقف ضدي الحكم .. وضغطت با ابهامي حتى تحجر الدم فيه على اللون الاخضر وبعده رفعت السماعه ... وسكت المتصل فجاءة وبعده يطلق مافي عقله ونزل الى لسانه اول كلمه حزن واخره حزن .. وبدا يتاتا ويطلق الاهات ثم قال { قال مات راعي الحمايل والنسب } تصبب مني العرق كما يتصبب الزيت من الشورما .. وبدات انهد كانهدت اهل الروم عندما قتلو من جيش التتار .. من الذي مات { قال مات ستيف جوبز .. } واغلقت السماعه ..

وانا في حيره من امري .. من هو ستيف جوبز .. هل اصب سمعي شي اهل امسست من ملك الجن سوميبا واعونه .. من هول الصدمه جررت خماري وذهبت للذي هو اسمه لاب توب .. واوضعت في قوقل اسم { ستيف جوبز } .. شهت كل المنتديات تنقلت خبر وفاته .. حتى الصحف والموثع . وضعت له حداد وبعض من الذكريات بانه هو من صنع الجول وفعل .. وبدات ابكي على حالن .. اكافر نترحم عليه بكيت كا بكاء زوجه علمت ان زوجها سوف يشركها بضره .. البكاء انقسم قسمين ودمعتين على حل صديقي ومن يترحم عليه وبكا على تعاست حضي ..

ان لاخفيك ان لاعرف ستيف جويز مدير شركل ابل لا من هذي الصوره فقط .. الحمد لله
كافر مصيره صقر

والعذر ديم اخذنا مساحه اكبر مما هو لي بالموضوع .. لاهنتي
الله لايفتننا بهذي الاجهزه ...

[رحّــال]

مرحبا


أعتقد فيه موضوع بعنوان ( دعوة للتأمل )
هو لك وإلا أنا واهم ...؟



عموما ياما اشتكت وسايدنا من كثر تقلبنا قبل النوم
ومحاسبة النفس ماجابت نتيجة نصحى الصبح ونرتكب
أخطاء الأمس ...


الببي والآبل
قبل يومين كنت اسأل واحد من الشباب توه طايح بالبنات
كل ماشفته واثره خاشع مع جواله سألته كم عندك من بنت
قال سبع بنات وبحاول اصفيهن وأخلي ثنتين بس
قلت الحين عرفت وش سر الزين اللي نازل عليك
صاير تهتم بشكلك كثير حتى كلامك صاير حلو ..
راحت كلمة باتسر واويلاه وهماه ,,

[To Be]

الساعة قاربت للثانية
ابحث عن ما أضيقه فلا آري شي في ذهني :/
سوا مواقع وبرامج الكترونية
كانت قريبه لي دائماً اكثر من غيرها !!


ديم نحن لحقنا ساعة ما قبل النوم بدون اجهزة
برايك الأجيال القادمة ستعيش هذه الساعة ؟
*

[طايرتن بوهته]

الحمد لله الى اللحين وانا ظابطتن على عقلي مع انه يتفلت احيانا مااستخدمته
السبب :
الكل يبي يضيفني وانا مااحب اسحب على احد
بالتالي سااموت من التعب قلت ابعد عن الشر وادعيله بالهدايه

[ياويالهـا]

اعجبتن مشاركة مشغول
تشبيهاته .. وحديثه البلاغي قوي ...



ديم
اخذنه عاده والبعض صار جزء مكمل ليوميته اذا فقده ..
حس بان يومه لاطعم ولا لون له

[محارهـ]

* مرحباً
توقف البلاك بيري .. تسبب في عقم وقتي لتوالد الشائعات
ونقص في منسوب الانتقادات " عمال ع بطال "

شكراً *

[To Be]

قدمت شركة الاتصالات لجميع عملائها المشتركين بخدمة " البلاك بيري" اشتراكاً مجانياً لمدة ٣ أيام متتالية عوضا عن العطل الذي حدث من قبل الشركة المشغلة للخدمة في كندا، وقد شمل جميع دول العالم تقريباً .

[ابتسام محمد]

هه

بفعل افتقدت سهرات خواتي ,محاسبة نفسي قبل انام

التقنية خذت مني اكثر ما عطتني

ولها جانب حلو كثير اكتشفت اخوي اكثر من خلال تواجدي معه

بالتويتر والفيس بوك .