أبي سلف ...؟!!!

[" TWIX "]

قال الرسول صلى الله عليه وسلم :

( من فرج عن مسلم كربة فرجالله عنه بهاكربةمنكربيومالقيامة)
أما بعــد ..
بدوي سأل صديقه البدوي الآخر ..
كم عليك دين ..؟!!
قال : أك .. 150 ألف أريال ..
رد السائل متهكما : أوووه دين حرمــة ...
اللي فاكره .. أن دين الحرمة للحرمة : أستشوار براون.. وإلا شنطة فرز اتشي
وإلا فستان سهرة .. وإلا باروكة ..
تذكرون أحد الأعضاء هنا أفرد موضوعا يقول أنني ديَّـْنت صديقا لي 50 ريالا فقط
وسحب علي السيفون ..
بالله .. وش يبي يقول ذاك البدوي عن أبو خمسين رفيقنا ..
أتوقع .. يبي يقول : ياوجه الله .. خمسين .. خمسين ..
روح يا الرخمة يابو دين الشغالات لا تجلس مع الرياجيل ...
حتى من هوسهم بالدين ..أحدهم استقبل القبلة وقال :
اللهم ازرق ابن خضير على شان يدينِّـا ..
خلاص كل الوجوه تشابه .. يعني خلاص ..
أنت تسلف احد فلوس بتخسر أحد الأثنين :
أما فلوسك إذا سحب عليك .. وإلا صديقك إذا جرجرته بالمحاكم ..
يعني صك الباب من أول .. وقل أنا مزنوق وادرو الريال بذنب التسلب ..
لأن من يريد السلف يجي كأنه أبو بكر من الوقار والأمانة ولما تخلّص وتسلفه
ينقلب شخص آخر يجحد أم أمك .. وياويلك تطري دينه .. لغة الحوار تتغير عنده
ويقوّم الدنيا عليك وخلاك يا صاحب المعروف أنت نذل وابن نذل ..
هنا خربت مالطا .. هنا أصبحت التعاليم والقيم الإسلامية الرفيعة كابوس يطارد أي واحد
فيه خير ويحب ينفع من حوله .. !!
* أوت ..
وصدق الشاعر يوم يقول :
رفيق لاخسرته خسرت العمر كله ... ورفيق لا خسرته سلمت من الخسارة ..

إلكم ..

[احمد النجم]

اقتباس: اللهم ازرق ابن خضير على شان يدينِّـا ..

^^ نسمعها من يوم كنا صغار !
وهي كنايه بالتعلق بالسبب وترك (المسبب والرازق)
000000000
السلف والاقراض الحسن. أوله شهامه وأخره (ندامه) !

[هيبـاتيـا]

يعني اللحين بعض الناس خربوا على غيرهم

["غرك غلاك"]

ذكرتن ياتويكس مير أروح أفتح
اللسته اللي فيها قليلين الأدب
متسلفين وما رجعوهن..
شف ياعم أحلى مابالدين إذا فيه أحد دابل كبدة
ومالك خلق تشوفه سلف وارتاح
لأنك ماراح تشوف رقعة وجهه

[طقاقة بدون مايك]

اقتباس:  المشاركة الأصلية كتبت بواسطة تويكـس     يعني صك الباب من أول .. وقل أنا مزنوق وادرو الريال بذنب التسلب ..

وشدعوة يبو ...الــ نآس للـنآآآس والكل يقول الله ....وش ضيق ه النفس ..خويك ب زنقة وآنت آتنحش وآتنصل منهـ ...وش ه الرفآقة ي ‘خي....وعآد السلف صدز تلف ...بس خويك ولآزم توقف معوهـ...وش تبي تسوي بعد ...وعآد إذا دبرهآ وآتيسرت معوه رجع لك سلفك ع دوز بآرهـ..!:$|




ولآ تخآف ...

‘‘وصآنع المعروف لا يقع ..وإن وقع وقع متكئ‘‘..:$|

[SAGA]

يـــــــــــاكثرهم عايشين على الديـــون ولو يرزقهم الله مايفكــرون يسددووون ,,مغسولتن وجيههم بمرق,,
ما أقوول إلا الحمدالله إن الدين والسلف موعندنا يالحريم عاد صدق أنواع البلشه الواحد يسلف اخوياه وإلا صديقات حرمته,,
آجل البدوي يقول خمسين ألف دين حرمه
يهالبدو بهم طغى عاد مادري من الفلوس اللي عندهم وإلا دعدعه بس,,,

[جبل السكر]

انا استغرب بصراحه من هادي النوعيه
على بالهم امر الدين هين
يلي يفكر بالدين يضع هدا الحديث الشريف بعين الإعتبار:d
(من اخذ اموال الناس يريد اداءها ادى الله عنه ومن اخذ يريد اتلافها اتلفه الله)
اللهم صلي وسلم على حبيبنا محمد وعلى آله وصحبه اجميعن





تحيتي

[بسومة بريده]

لو اسلف احد 100 الف اهون علي من ان اتسلف من احد عشره ريال ...

اكره مااشوف السلف ومااحب فلوس الناس اذا اضطريت ياخي خذ قرض من البنك ولا من شاف ولا من دري...صح يغلبونك بس بقريح ولا يضيع ماء وجهك..

اقتباس: ذكرتن ياتويكس مير أروح أفتح اللسته اللي فيها قليلين الأدب متسلفين وما رجعوهن..

انا ولدت بنتهم وعجزت اكلم ابارك لهم اخاف يحسبوني بسال عن دراهمي...

الي يسدد كثر خيره والي يطنش عساه بحل..

[ابوغرام]

فيه نااس تدوره تعطيه فلوس وفيه ناس ماتعطيه ولا ذنب وهم الاغلب ولا ينفع فيهم المعروف

خله يزعل وقروشك عندك ولايزعل وقروشك عنده

والحين مايبين الرجال الا الماده يطلع المعدن الحقيقي

ولا كلن يعرف يقول اقلط ويضحك ويسولف معك ماراح تنصدم بالناس لين تتعامل معهم ماديا

فيه ناس خلق ومحافظ على صلاته بس بالماده يختلف عليك انت ماتبي منه شي

بس حقك كامل ولا ينصفك انس

[JησÖ̤̇ση4E̳̐√ΈЯ̤̈̇]

التسليف وماقرب اليه غثا ومشاكل البعد عنه غنيمه

ودك ماتبيزع لاتسلف احد ولا تكفل ولا شي علشان ماتخسر احد

[عاشق الخير]

اقتباس:  المشاركة الأصلية كتبت بواسطة بسومة بريده     الي يسدد كثر خيره والي يطنش عساه بحل..

بسومه معك سلف ..
وعساك بألف حل :d

[شهــــــــــــــــــد]

الحمدالله اني فقيره لارآتب ولا مصروف وخمس تريل بالمخبآت حق الفسحه < به احد يسلفن

انا ان شاء الله لاكبرت وتوظفت وجاء احد وتسلف من والله مايرده الابطآقتي وبحل تسآنه
مآيقدر يرجعهن ق1

[يزيد 2011]

بدوي سأل صديقه البدوي الآخر ..
كم عليك دين ..؟!!
قال : أك .. 150 ألف أريال ..
رد السائل متهكما : أوووه دين حرمــة ...


ههههههههههه استغفر الله اجل دين
مره اجل كم الدين حق الرجل
شفن يابو فلان انا اكثر منك دين
وهذاك مصدق ويروح يتدين عشان
يصير اكثر منوه دين

[المبصر]

حياك الله اخي الكريم

طرح جميل ورائع بارك الله فيك

اذكر قصة رجل كان يمشي في الصحراء راكب فرسه فرأي رجل يكاد يقتله العطش والجوع والانهاك فقال له الا تحملني فقال صحاب الفرس نعم

فلما اطعمه وسقاه وحمله اخرج سلاحا وقال انزل عن الفرس فاخذ فرسه وماله وطعامه وثيابه ومضي

فقال صاحب الفرس ان كنت لابد فاعلا فلا تخبر الناس حتي لاينقطع المعروف بين الناس

لماذ ؟ لانه يقدم صور سيئه لمقابلة الاحسان بالاسأه كابليس مع ربه

ان الناس الذين يطعنون في الظهر ويغدرون في مقام الائتمان يقدمون نموذج سي يجعل المعروف قليل بين الناس
وكم ترك الناس من افعال الخير بسبب هولا الذين ( لايرقبون في مؤمن الا ولا ذمه )

[" TWIX "]

احمد النجم...

اقتباس: ^^ نسمعها من يوم كنا صغار ! وهي كنايه بالتعلق بالسبب وترك (المسبب والرازق)

لا والله كناية عن الإدمان .. ناس تدمن أصناف متعوب عليها وهذا مدمن يجدع
وجهه عند خلق الله ويآخذ اللي بجيوبهم ..!!
ابن خضير .. ذا خرب العالم وخلى الدين يتوسع أمره حتى في صحيفة الوسيلة أشوف ناس
منزله إعلانات عن تسديد الديون .. وهذا أكبر دليل لـ توسع هذه الظاهرة ...!!
لكن هذولا أشطر ما تسدد الباب ..الباب .. للسجن
عاد بعد ما ينسجن يطلع بكفالة وتلاقيه عند بيبان المساجد يطر ويشوه صورة البلد .. سبحان الله
السعوديين ما خلوا للمصريين شيء ..!!

اقتباس: السلف والاقراض الحسن. أوله شهامه وأخره (ندامه) !

السؤال ..
من اللي خلّى هذا المعروف كابوس ..؟!!
الناس اللي تهتم في الكماليات والأشياء التافهة ..
أجل فيه واحد ما عليه جاء واحد يبي منه سلف 2000 ريال
قال ما تسوى : خذ عطية ما منها جزية .. وراح بعد كم يوم لقاه في مكان وذاك معه سلسلة يجر بها قطوة أمريكية
وسأله .. وش هذي ..؟!!
قال : أبد .. هذي قطوة اشتريتها من الرياض بـ 1500 ريال ...!!!
حتى هالفقارا مايعروف يستثمرون .. شاري قطوة .. والقطاوة كثر الأوادم
طيب من وين توكلها .. هذي متعودة على هارديز وإلا كنتاكي .. ما تبي تطبب بالزبايل
تحسبها مثل قطاوتنا .. الزبالة عندها فندق 5 نجوم واجهه بحرية ..

شكرا حمادة لمرورك ..