السلام عليكم ورحمة الله وبركاته
وشلونكم يااعضاء المجلس عساكم بخير
ادري مستغربين من الموضوع شلون عروس وله جاره!!
هذا ياطويليين البقاء والسلامه صديقتي له شهر متزوجه ربي يسعده كلمته وقعدت اسولف معه وطولت شوي بالمكالمه بحكم اني من زمان عنه لانه اجلت هالترم من الكليه عشان زواجه المهم مالكم بالطويله>>هع
وانا وياه نسولف سألته وش اخبار العرس زين ولاايام العزوبيه احسن قالت والله ياخيتي مااخفيك فيه شي بالعرس ازين وفيه شي بالعزوبيه احسن بس ككل ايام العزوبيه اريح واسع صدر والله يوم انا عزوبيه دايم عند اهلي نسولف ونتقهوى جميع ونستانس
قلت هوووووو >>للتعجب
وراه رجلتس مايقعد معك قالت بصراحه مااشوفه الاعند النوم دايم مقابل اللاب توب وياويلي اجي بجنبه واسولف يهاوش
يقول اذا بتجلسيين اجلسي وانطمي
تقول مليت طفشت طقت تسبدي
ياربيه احس ان اللاب توب جاره 24ساعه مناطحه
ومن اول اسبوع ولابعد ابشركم اخذه معه لشهر العسل
قلت ياحياتي لايضيق صدرتس موب بس انتي بذا الحال ترا اكثر الحريم يشتكن من هالاب توب
وهذا مشاهد عندنا بمنتدى بريده اكثر الاعضاء متزوج و24ساعه متواجد ومخلي الزوجه مرتزه لحاله حتى بالليل متاخر اشوفهم متواجدين!!
اترك التعليق لكم يالمملوحيين
تحيااتي
س ص
له جاره وهي عروس
العرض الشجري