وش ودك تصير اذا كبرت

[اسير عالمه]

يوم كنا صغار اهلنا يسألوننا :


وش ودك تصير اذا كبرت ؟

وكل واحد منا له اجابه غريبه كنت انا ودي اصير (طيار محارب ) للاسف ماصرت ولا طيار مسالم سؤالي لكم اليوم

وش كان حلم طفولتك او "وش كان ودك تصير اذا كبرت"

[oldman]

إييييه الله المستعان إلى الحين تذكر هذاك الحتسي
كنت ودي أكون
إيه ودي أكون شايب
لكن شايب هويدي ولا أنغث من أدنات الدون وزعول لا ابطوا ماحطوا الغدا أقوم واقول خلاص ابلعوه انتم وانا نفسي فيه وسلاعيبي تقوطر
ولا كل شي يزعلني ولا اتهاوش واتطاق مع ذباب وجهي
ولا ادور على البيت واقعد اطفي اللمبات واضيتز على عيالي واقعد اناتر بهم طف اللمبه طف الكنديشن وطف المكيف ووش فايدة المكيف مادامكم تتغطون ببطانيه !!
ولاكل شوي داخلن المطبخ واحبرش وانقث واحوس واقعد اصفف البيالات بدرج المطبخ
وللا ارفع السكاكين واحط لهم سكين وحده !! تكفيهم !!
ولا افكك الرادو والتلفزيونات يقالي ابصلحهن وان عجزت عنهن تركتهن ويضفونهن عيالي ويحطونهن بالمستودع (ممنوع الحلت بالشارع خلوه يمكن افضاله و ازينه بعدين)
ابي أكون آخذ الشي برواقه وطولة بال مابي اسمع الرادو ولا ابي اقعدج اتحرى أخبار الساعة تسع مابي اهتم بشي ما ابي كل شي يأثر بي وكل من مر من عندي معطت شعره وللا اخطرفله
وابيلي كم راس بعيره وبعير أعيش معهن بالصمان باقي أيامي
-------
وكانت هوايتي صيد الفراشات
وجمع الطوابع
ما احد سألك ادري بس كانت تقرقع بقلبي ودي اقوله ابي ارتاح ياناس
ترى انا يتيم ماعندي أم ولا أبو شوي شوي عليّ امسحوا على راسي
من يتبنان وله أجري كله

[hr]#a16464[/hr]

سبحان الله وبحمده
.... عدد خلقه ... ورضا نفسه .... وزنة عرشه .... ومداد كلماته ....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه

[بحر العطاء]

^^ هذا العضو يفحمني ب عادة قرآت مايكتب ..سلمان ..شي من عين الصح مغلف بروح مرحه مساءك فرح يـ خوي ..

من ناحيتي


مير الله يدفع البلاء كانت احلامنا وامنيتنا ماتعدى اصابع رجلينا من شدة الحرمان .. كانت امنيتي ان اعرس وصير لي غرفه لحالي عشان اختي ماتحوس علي اغراضي ..وعرست وانا ماتغطيت

وبتلت احلم واحلم واحلم والحين عجزت واناودي اصير شي لاكبرت .. لين يضفنا قبرنا

[عاشق ديرتي بريده]

يوم كنت صغير مادريت اني ابكبر ولا تمنيت

بس يمدين اتمنى الحين ؟

ودي اذا كبرت اصير الكوره الارضيه <<<< يحسبه تسذا التمنى

[التنين الصيني]

سلمان .... " والله من الأخطاء الإملائية "

جمع الطوابع لحاله .... ما تصلح

لازم .... معه التزلج على الجليد ....

......

انا .... واعوذ بالله من كلمة " انا " ....

كان ودي نلتقي .... في حياتي تشرقي

لالا .... الصدز كان ودي اصير " مدرس " <<< لأن البزران يخافون منهم خخخ

بس .... ولله الحمد ما صرت ....

[| ~ ســمــو ~ |]

مرحبا
مممممم موضوعك لونه زي مريولي الرمادي ..

كان طموحي اكون مدرسة لغة عربية

..

بس ماصرت .. ولعله خيره ههه

[روفه]

صرت الي اتمناه

وللحين كل ماجيت اكتب الوصفات

اتذكر شخابيطي عالاوراق

واتذكر عيادتي ببيتنا

[هنؤؤنه]

كان طموحي وانا صغيرة اصير طبيبة اسنان


بس صرت مساعدة طبيب اسنان
ربي يوفقني واكمل دراستي واحقق مبتغآي~

شوكرآ ع الموضوع

[نــف نــف]

كـآنت آمنيتي آصير مهندسه معمـآريه ههه
آشوف آبوي يلخبط بَ آلآورآق ويرسم خرآئط وأُعجبت بَ هَ آلمهنه ههه

[رمز الحياة]

اقتباس:  المشاركة الأصلية كتبت بواسطة هنؤؤنه     كان طموحي وانا صغيرة اصير طبيبة اسنان بس صرت مساعدة طبيب اسنان ربي يوفقني واكمل دراستي واحقق مبتغآي~ شوكرآ ع الموضوع

ماتقدرين تكملين لان الوزارة رافضين

اتذكر ايام الدراسة اذا سألنا المدرس عن طموحنا كنت اقوله ودي اصير مدرس عشان يستانس ويطيرن بالدرجات
بس الحمدلله ماصرت مدرس

[بريداويه كيوت]

انى امنيتي اني ادخل كلية تربية خاصة ثمن اتخصص صم بكم اه اه اه بس لو تتحقق الأمنية يااااااااااااارب تتحقق

[هنؤؤنه]

اقتباس:
المشاركة الأصلية كتبت بواسطة رمز الحياة

ماتقدرين تكملين لان الوزارة رافضين

اتذكر ايام الدراسة اذا سألنا المدرس عن طموحنا كنت اقوله ودي اصير مدرس عشان يستانس ويطيرن بالدرجات
بس الحمدلله ماصرت مدرس




انا سمعت انو التمريض مافي مجال يكملوا بس الاسنان ممكن!!!

[تيار الثقافه]

هههههههههه
تذكرت يوم كنا صغار المدرس يقول للي بجنبي وش ودك تصير اذا كبرت قال ودي اصير مصري

ههههههههه لحد اليوم اذا سمعت هالسؤال اتذكره واضحك المسكين يحسب فيه كليه تخصص مصري ......
موضوع حلووو الف شكر,,,,

[امرؤ القيس]

اقتباس: وش كان حلم طفولتك او "وش كان ودك تصير اذا كبرت"

حلمي الوحيد هو اني أكبر والحمدلله تحقق حلمي

[ناقه فسفوريه]

بصراحه كنت اتمنى أصير مديرة شركة ولي مكتب فخم

وسكرتيره وموظفين وحركااات "لاعمرتس تشوفين مسلسل

بس ماظنتي بتتحقق هالأمنيه ولا بالأحلام