أم شاطئ طاحت بالرياضة يا الله الخيرة ..!

[شاطئ الراحة]

أم شاطئ طاحت بالرياضة يا الله الخيرة ..!


أمي ليست رياضية و لكنها تتعاطف مع الرياضة لأنها تغشى و ترش على ابنها شاطئ ، فعاطفتها الرياضية تحفظ ملامح من التاريخ لرائد الذي لازالت تذكر مشاهد من انجازاته إلا أنها لا تكاد تجزم بأن الحادثة هي كذا و كذا بقدر أنها تذكر صور و مشاهد كانت على حافة هذا الانجاز ، فتقول عظم الله أجره : أبقول لك شيء بس لا تنقد على أمك ، قلت لها أدلي بدلوك يا أم شاطئ ، قالت : هاك السنة أنا جذعة من هالجذعات طملة بس كلي ملح ودّك تاكلن ، الكسافة يا وليدي الي عشناه و عاشوه الجيران على مرارته إلا أنه قرب و تواصل ... فأثارت عواطفي كثيراً ثم قلت لها : و الي يعدي عنتس خلينا من الكسافة ، و قالوا لتس ما تكسفنا هالحين ، قالت : وش وقفنا عليه ، قلت على أنتس طملة كلتس ملح ... قالت : مع المسيان الضعيف وقفت عند الباب الشمالي ، هالباب ما نسطي ناقف عندوه لأن الجذعان يمرون من عنده و لأن بالعاير جارن لنا يجتمعون عنده العيالين ... ثم قالت : مروا ولدين بهالعشرينات رايحين لك أنت يا الي بالعاير ، و يتساسرون ... واحدن يضحك و الثاني حمقن عليه ... فأخذتني العزة بالإثم فقلت : و أنتي وش الي موقفتس عند الباب الشمالي ، قالت تهوش أمك ... قلت لا الجذعة الطملة ألي كلة ملح ، فقالت : هالي تشوف يا وليدي بنا جهل و نيتن طيبة ، ما حنب مثل هالجذعات ، من تالي ... لحظظظظظة و ألي يعدي عنتس فتحتي بي شوارع ، قالت : وش وقفنا عليه ، قلت عند هالولدين ألي مروا من عندتس و أنتي عند الباب الشمالي ... ثم قالت : مرّ واحدن موذي بالحارة ، مدعين الحارة على قرن شيطان ، بس يعقد الشوش ، ما يخلي الدين بدينه و لا الكافر بكفره ، يوم قابل هالولدين قال ، مبروك الخمسة يا أهلاوي من هاك الساعة و هي ترن بأذني و منه تعافروا هالولدين و وصلوا القصى ، فقلت لها و أنتي وينتس ، قالت تدوكرت و صكيت الباب ... فقالت و الحياء يعتريها ، وش خمسة الأهلاوي ، فقلت لها : لقد سألتِ عن كبير يا أم شاطئ ، لقد ترابطت الألسن و ضاعت المبادئ من أجل الإعتراف بهذه الخمسة ، و هي لا تتعدى نتيجة فقط حفظها التاريخ ، فقالت و أنا و أنا ، فقلت و أنتِ ، فأنتِ جزء من وثائق التاريخ المحفوظة ، إلا أنكِ الله يعظم أجرتس بتس لقافة ما تلاحن ، و لكن من نعم الله أنها صارت من نصيب الأهلي ، قالت ، أنا .؟!!! قلت لا الجذعة الطملة الي كله ملح و ودّي آكله ..... أمهاتنا دائماً ما تسلك نهج و طريق عاطفياً مع قناعاتها بأنها ليست طرق موصلة لأي نتيجة ، و الرياضة واحد من الطرق التي سلكتها أمي ، لهذا لازالت تُراعي المشاوير في حاجاتها الخاصة .. حتى كان تضارب كبير ما بين مشاغلها و ما بين لقاءات الرائد و النصر ، فتوصلنا لخيار منصف ، وهو أن أهديها جدول الدوري في علبة العلاجات ، حتى تكون على علم أني في هذا اليوم مشغول ، فبدل أن تتصل لمشوار تتصل لرفع المعنويات ، و الحمد لله كانت بادرة خير ، فكان هذا الجدول نداء من بعيد لمؤازرتي و الدعاء الخفي لنادي الرائد و النصر ... لا تسألوا كيف عرفت الرائد من النصر لكثرة الأندية و الألوان .. قلت لها كل أحمر رائد و كل أصفر نصر ، فلم أتوقع بأنها تتسلل لبعض اللقاءات بدافع العاطفة ، لتطمئن على الرائد و النصر لأجلي فقط ... شاهدت الهلال و التعاون بالصدفة و اتصلت فرحة تبارك بالتعادل لتعاون تضن أنهم النصر ، فقلت لحظظظظظة هذا هو الشباب الذي هزم بالخمسة عندما كنتي جذعة طملة كلتس ملح ، فقالت : و الله يا وليدي تدوكرت ، قلت لها : إذا جيت علمتس وش ألوان الرائد و النصر و أرتب لتس الجدول لمبارياتهم فقط ، فقالت : هالحين لا تلومن بشيء ، بس و الي يعدي عنك كبّر الخط و أفهق اللقاءات المؤجلة .... الغريب أنها تسأل عن مصيدت التسلل ، لأنها ذكرت هدف النصر على الهلال ...

يا زين إذا راهنت على شيء و سندت على أمك مهب جريدة أو كاتب .. هههههههه

عذراً على الإطالة ، لكنه موقف بحاجة لذكره ..


تحيتي لكم ..

[عقب العصر]

الله يخلي لك أمك
ما تسأله عن اول مباراة جمعت بين الناديين وكان الرهان فيها على إغلاق النادي .؟

شكله تعرف توكا ونجيب .! هع

[حانين]

-

حـَلوَ=)
كِآنَ هِـآذي آمكَ والحمدللهَ مِـَآصـآرت ميولهَ غير عنكَ
<< موَ هيَ ترىَ..خخَ
ومستَآنسهَ يَ بعديَ بتعًآدل التعآونَ عباله النصرَ لآنهَ آستحِآلهَ فوزهمَ
ع الهَلآلَ فبـِآركتَ لك بَ التعَآدل =$

اللهَ يـخليهَآ لكَ..

[صاحب السمو]

بصراحه يالغالي بآخر موضوعك فهمت حاجه وخذني على عقلي بأن النساء مهما أهتمن بالرياضه يبقين غير ملمات بهااااااا
أجل تحسبه النصررر وفي موضوعك دقه على وجود العضواااات هوووون وإن كان هذا قصدك فأنا رفيقك فلا أرى وجود العضوووووووات هنااا وهي وجهة نضر وبنيتها بعد مشاهداتي لمشاركات نسائيه في منتديات رياضيه كثيرررره لكن وللحق لم أجد كالحية الرقطى فهي لوحدها بكتاباتها ونقاشاتها ..
وهذا رئيي والكل حر برئيه
والسلالالالالالام

[شاطئ الراحة]

عقب العصر : أبشر أبسأله ، بس أخاف تقول فضحتنا ..

ستوب : أمي ما تعرف النصر من التعاون علشان تنزل لمستوى الهلال ..

صاحب السمو : أتفق معك ، و جهة نظرك محل تقدير ..
و لكن يا ليت ما تغفل أني تطرقت لعاطفة الأم و أنها تسلك طرق و توجهات عاطفية
مع قناعتها الخاصة بأن الهدف بنهايتها لا يوجد .. لهذا فالمبدأ هذا عاطفي جداً
و ليس إنتماء أو ميول ، لاحظت الفرق ..!

[الذئب الأحمر]

ابو الشواطىء

الله يخليها لك

لكن خليها تدعي للكيان

يمكن ودها تصير شابه مثل الي انت خابر

الي داخله عرض

[امرؤ القيس]

الله يخلف عليك


المفروض ترفع امك عن مثل الكلام هذا

[شاطئ الراحة]

الذئب الأحمر : ما ودّه ، بس هالباب الشمالي طيحه على أمورن على الله تدابيره ..
ناهيك أن أزين ما بأمي أنه تلوف الغدفة إذا جت تهرج ، مهب مثل الي يشق شنبوه الغدفة ..!

أمرؤ القيس : أن تسان بك جني خلّه يطلع ، ما أدراك تقول لي أشحن لي كرت الجزيرة
قلت له ، شاحنه لمدة سنة ...
و الآسيوية أبعلمه ما له عنه ، خله علشان إذا بسطن هي و الحريّم هالضحى على هالجوالات
تعرف ترد عليهن ، مهب تصير مثل المحلي بالخارجية يجي و يروح ما يدراء بوووه ..!

[حبك سراب]

ههههههههه يارب تخليلوووووووووه اموه بس لا تحرمنا من دعااااااءه ولا تنسى الرائد

[الحية الرقطى]

شاطئ الراحة :رغم اختلافي معك كثيرا ، من أيام رمضان وصبحياته

إلى أنني لابد أن أقرا لك ..!! أنت ممتع حتى الثمالة..! كتبت كلمات لا أعرف من أين

أتيت بها..!! (طملة ، جذعة......) وغيرها

الشاطئ أنت كاتب كبير ، ولكن مازلت عند رايي أنك بالحوارات لم تنجح والدليل مناظرتك

التي مازلت قائمة مع الفحل جنرال

تحياتي يامبدع وتقبل نقدي فلكل شخص سلبيات وإيجابيات



صاحب السمو : الشكر لك ولكن لابد أن تغير نظرتك تجاه الكاتبات..!! فالرياضة ـ ياسيدي ـ

للجميع ، وطالما أننا نكتب بأدب دون ميوعة وملاغة فلا بأس

أعيد وأكرر الشكر لك على الإطراء وإن شاء الله أكون عند حسن ظنك

[رولكس]

..




الله يخلي لك والدتك ياعميدنا ..




على طاري العمر والتاريخ ..



انا حدي 1406 وتقل أفطن لبو عكام وابو تيسير قبل 1406 اوما الشيب وابو ندى والمدير ومغنم .. فذولا نمم همهم ..




وعلى طاري التاريخ بعد .. حضرت مباريات واجد للكيان ايام ملعب الرائد .. واذكر اني بزر واللي اذكره ان كل مباراة تنلعب بين الجارين لازم يصير فيها تحليت حصى (:






..



الاهم والمهم .. اللي يخلي لنا والدينا .. ويضحك سنك مثل ماضحكت سني بسالفتك ..



..



مودتي

[عناية بالبشرة]

اقتباس:  المشاركة الأصلية كتبت بواسطة صاحب السمو     بصراحه يالغالي بآخر موضوعك فهمت حاجه وخذني على عقلي بأن النساء مهما أهتمن بالرياضه يبقين غير ملمات بهااااااا أجل تحسبه النصررر وفي موضوعك دقه على وجود العضواااات هوووون وإن كان هذا قصدك فأنا رفيقك فلا أرى وجود العضوووووووات هنااا وهي وجهة نضر وبنيتها بعد مشاهداتي لمشاركات نسائيه في منتديات رياضيه كثيرررره لكن وللحق لم أجد كالحية الرقطى فهي لوحدها بكتاباتها ونقاشاتها .. وهذا رئيي والكل حر برئيهوالسلالالالالالام

ـ.. بالفعل أخوي صاحب السمو السيدات مايفهمن كثير بالرياضه مهما
صار وكان بحكم إطلاعي الاداري في كثير من المننتديات يشاركن لمجرد
المشاركه من التشجيع.. ! تشجيع ولكن في المعلومات من جبنبها ..!
لكن في البلدان اللي فيها كرة قدم للبنات لا طبعا الوضع مختلف ..
لكن هنا سعوديا بجد ماقد شفت مثل ماشاء الله تبارك الله الحيه الرقطى بإلمامها وخلفيتها
عن قوانين الرياضه ..وهذا عائد يمكن مثل ماقالت في استضافتها انها
الوحيدة انثى بين ذكور رياضيين هلاليين متعصبين ..؟

السلالالالالالام....
وبالنسبه لما حددته باللون الاخضر الفسفوري فياعزيزي صاحب السمو
لايجوز كتابة لفظ الجلاله بهذا الاستهتار ..؟
أسماء الرحمن لا تغير تحت أي ظرف حتى في اللفظ فلا يجوز مناداة / دحومي
السلالالالالام ....الللللللله .. هذا كما قرأت عنه مرارا بأنه لايجوز يا أخوة.

الله يعطيكم العافيه وموفقين .

[الهويه]

الله يخليلك امك ياشاطي

بس ماسالتها هي شافت خمسه التلفزيون

بالدوري الممتاز

ايه و لاسالتها عن هدف ارثر الي صعد التعاون

وعلى فكره ياشاطي قل لامك اللخ يخليها لك

الفرق بين التعاون والنصر اللون الاسود

وان التعاون هو من سبب المشاكل للنصر بهذ ي السنه

شكرا شاطي على اتحافنا بسوالفك مع الولده الله يحفظها

[شاطئ الراحة]

حبك سراب : تصدق عاد ، تدق عليّ كل مغرب إذا بوه مباراة للرائد أو النصر ... الله لا يبعثه تشجع ههههههههه مير من تالي طايحتن بمصيدت التسلل و تصاريح الرؤساء .. ههههههههه الصراحة أمي تخووووف ..

يالحية : هلا بك ، أنت أوقف عند الإشارة و تسمع بلاوي متلتله ..
أما الفحل ألي تقول عنه ، الله يامره يذمركم ...

رولكس : أشك أن أمي عنده تاريخ ، بس راح بهالمشاغل و لطخ هالحنا ، و إلا هنا وحده تذكر لك خمسة الأهلي هههههههههه .. من نعم الله عليّ أنه ريداوية نصراوية .. و إلا تسد لي صيد أمس ..

تحدوها البشر : شكراً لمرورك ..

الهوية : ما أظن شافته ، بس ما يمنع أسأله ... وش رايك أسأله عن فاصلة نجران ..؟!
أمي عنده معلومات بس مشكلته ما تدري من هي لوه ، يعني عااااادي تذكر لك موقف
و إذا تحققت منه حصلته بين الانصار و أحد .. هههههههههه
محنب مكودين عليه بالأسئلة ..
بيني و بينك هاليومين أحرحر به عن معلومة ألي هي فوز الهلال على النهضة
سبعة ... و معلوماتي تقول زن الفوز هذا فرار من هبوط للهلال ...
سألت أمي عنه ، قالت لي : ما تستحي تسأل أمك عن الكورة ، عيب عليك .. هههههههههه
المهم ألحيت عليه .. قالت والله يا وليدي هاليومين بي قل صح ، خلن هاليومين و نشوف
قلت له لو تبين فترة نقاهه بالنمساء بس ذمرينا يا أميمتي ...
قالت أشوه الفنجال بطريقة تحسسن أن الدعوى عنده ...
أنت أصبر خل نشوف وش عنده ترى المواري زينة .. هههههههههههه


تبون أعلمكم عن سؤاله عن التسلل و وشلون شرحت له مصيدت التسلل .. هههههههههههههههه
و الله غايبتن عن عين أبوي إن يكوفنه كوفنه ..

[الطائر الحر]

هههههههههههههههههه يجيب الله مطر