دردشة خطافية باللهجة العامية .. اللي مايشتري يتفرج.

[الاخطبوط المرقط]

السلام عليكم وورحمة الله

لما انخطبت بنت عمها صارت تمشي بالبيوت وتقول تراها كبيره والله عمرها فوق 35 سنه تبي تخرب عرسها !!
ولكن الجلطة في جسمها كانت أسرع من التخريب !!
......................
بنت الخالة كانت بالقومه والقعده تقول لزميلاتها المعلمات (مين يخبر مره سنعة لولدنا الصغير، نبيها حلوة وتعرف تطبخ وشعرها طويل ) تقصد بولدنااخو بعلها !!

لم تراع أم إلسان طويل مشاعر بنت خالتها العانس
والوحيدة الجالسة مع المعلمات والتي لم تتزوج بعد !! في النهاية رزق الله العانس شاب خلوق جدا وهي أقصد ام إلسان يبي قص تزوج عليه بعلها الموقر ثلاث حريم !!
حيل ربي قوي.
...........................


بالامس تعطل منتداهم على دائري بريده الشمالي فشالوه على سطحه خخخخخ بايخه صح.
............................


ماتشوف !! انت عمى !! أنت دلخ !! عيونك في !!! ياللي فيك ومافيك !! العباراة السابقة كانت توبيخا من الأب لابنه أبو تسع سنوات لانه سقط على درج المنزل !!
لم يمض يومين إلا ويسقط الأب سيد زمانه على درج أحد المحلات وأمام الناس . واللي مايشتري يتفرج !!
.......................

بسبب كثرة حركته هنا وهناك سقط المذيع المشهور(عكوزبكوز بكل ديرة مركوز) عبر نقل مباشر على الهواء !! تضاحك الزوج وأخ زوجته على المنظر وهات شماته وسط المجلس !! ياهم ضحكوا ضحك !! في نفس
الليلة انكسر السرير في الزوج وأصيب في ظهره .

ومن الغد صعد اخ الزوجة الكرسي الدوار لإصلاح الإضاءة فسقط على الماصة وتحطمت وتحطم الكمبيوتر الذي على ظهرها وكانت النتيجة كدمات لا تعد ولا تحصى
في ظهره!! صحيح الطنازه عمرها ماجابت خير.

فتكم بعافية .

[تحلو الحياه]

صحيح الطنازه عمرها ماجابت خير.

صدقت رعاك الله

[نجداوي]

فيه مثل عامي يقول الطنزه مد باليد

يعني مآيمديها تروح الا صآيبتك

الحذر الحذر من هالامور ف هي الهلاك بعينه

كالعاده آخطبوط آفكآر نيره وطرح يفوق التميز

كل الشكر لتواجد طرحك بين آفكآرنآ .

آعذب تحيـه ..

[قصة نهر]

ههههههههه


شكرص

[الاخطبوط المرقط]

اقتباس:  المشاركة الأصلية كتبت بواسطة تحلو الحياه     صحيح الطنازه عمرها ماجابت خير. صدقت رعاك الله

فيا شامتاً مهلاً!! فكم منْ شماتة ٍ
تكونُ لها العقبى َ لقاصمة ِ الظَّهرِ
معك أيضا يحلو المقال

[الاخطبوط المرقط]

اقتباس:  المشاركة الأصلية كتبت بواسطة مخضرم نجد     فيه مثل عامي يقول الطنزه مد باليد يعني مآيمديها تروح الا صآيبتك الحذر الحذر من هالامور ف هي الهلاك بعينه

كلُّ المصائب قد تَمُرُّ على الفتى
فتهونُ غير شماتةِ الـحُسَّادِ !!
مخضرم متشكر ع مرورك وسط شعاب خط خط .

[الاخطبوط المرقط]

اقتباس:  المشاركة الأصلية كتبت بواسطة قصة نهر     ههههههههه شكرا

قال العلاء بن قرضة :
إذا ما الدهر جر على أناس حوادثه أناخ بآخرينا
فقل للشامتين بنا أفيقوا سيلقى الشامتون ما لقينا
قصة نهر ماتضحكين من شماته قولي آمين

[مساء لاينتهي]

إني والله لاأتعجب من صنيع بعض قومي من الشامتين ..

وعندهم قدرة على "الطنازة " بشكل عجيب وربما إبداع .. أقول إبداع لأنه لابد أن تضحك في الأخير هه

منهم من يظل على الشماتة ولايهتم لعواقبها ولايفكر بها أساساً أتوقع أنه طبع جبل عليه ويصعب الخلاص منه ..

[تذكار العمر]

طرح جميل ههههه

[ملح ـوس]

ههههههههههههههههه

كل شي ولا الطنازة فاكهة المجالس عند بعض الخلق

[الاخطبوط المرقط]

اقتباس:  المشاركة الأصلية كتبت بواسطة مساء لاينتهي     وعندهم قدرة على "الطنازة " بشكل عجيب وربما إبداع .. أقول إبداع لأنه لابد أن تضحك في الأخير هه

كثرهم ومثل مايقولون الجنون فنون !! ضيف صفحتي الكريم ..
الله يعين ... من اسمك شكل ليلك طويل خخخخخخ

[| ~ ســمــو ~ |]

هههه حلوه


دائما ادعي ربي ما يغير علي اني اراعي شعور اللي حولي قبل اتكلم
و حتى اذا طاح او تفشل احد حولي >> اتغاضى وامشي كني مادريت



لو اي احد عامل الناس زي مايبي كان يا ســــــــــــــــلام

[الاخطبوط المرقط]

اقتباس:  المشاركة الأصلية كتبت بواسطة تذكار العمر     طرح جميل ههههه

حياك ذكريات العمر الجميلة .. ونستينا بشوفتك

[الاخطبوط المرقط]

اقتباس:  المشاركة الأصلية كتبت بواسطة ملح ـوس     ههههههههههههههههه كل شي ولا الطنازة فاكهة المجالس عند بعض الخلق

ماهو باين انك راعي طنازه من هالشايب المعبس .. حياك الله في أعماق بحور الاخطبوط.

[الاخطبوط المرقط]

اقتباس:  المشاركة الأصلية كتبت بواسطة ســـــــمـــــــو     هههه حلوه دائما ادعي ربي ما يغير علي اني اراعي شعور اللي حولي قبل اتكلم و حتى اذا طاح او تفشل احد حولي >> اتغاضى وامشي كني مادريت لو اي احد عامل الناس زي مايبي كان يا ســــــــــــــــلام

سمو .... حياك الله وخليك ع وزنيتك أعلاه لا تغيرينها وانت
الكسبانة.