من راح بكيفه كيفه يوديه .. خله على كيفه وكيفه يجيبه

[رمز الحياة]

السلام عليكم

هذي سالفة وحدة هي وزوجها ...



كان في احد القرى زوجان في بداية حياتهما الزوجيه

ورغم ان الزوجه تحب زوجها الا انها كانت صغيره ومغروره بعض الشيء

وفي ذلك المساء وحين عاد الزوج من المزرعه متعبا مجهدا اثارت امامه زوبعه بدون سبب

وحين لم تجد منه التجاوب المأمول صرخت في وجهه: باروح لبيت اهلي !!

فاخذ يهدئها ويطيب خاطرها ولكن ذلك لم يزدها الا صراخا واصرار على الذهاب الى بيت اهلها

فقال لها الرجل المجهد : اذا كنت ِ مصره .. الباب يفوت جمل

واخذتها العزه بالاثم فهرولت الى بيت اهلها القريب وتركت بابه مفتوحا من شدة الغضب ثم انها تعتقد وتنتظر انه سوف يلحقها قبل ان تصل الى بيت اهلها لانها تمشي على قدميها ..

ولم يحرك الرجل ساكنا وظل كأن الأمر لا يعنيه من قريب او من بعيد..

ومضى يوم ويومان واسبوع واسبوعان وهي في بيت اهلها تنتظر ان يصالحها
وتعتقد كلما قُرِع الباب انه قد هرع اليها بالهدايا المرضيه ..

ولكن دون جدوى وحين فرغ صبرها أو كاد وهزها الشوق الى بيت الزوجيه، واكلتها عيون الزائرات، قالت لابيها :

_ انت ما تشوف محمد .. ما يتكلم معك ؟!

_ اشوفه يصلي معنا في المسجد.. يسلم عليّ واسلم عليه ..!

_ بس ؟؟ ما قال لك ليش ما ترجع ساره ؟

_ لا .. ما فتح لي هالموضوع نهائيا !

وظلت المرأه تتململ على نار وتسأل أباها كل مساء ذلك السؤال وهو يجيبها بنفس الجواب حتى فرغ صبره فقال لها :

_ الرجال لا سأل .. ولا له داعي تكررين السؤال كل يوم ! انتي طلعتي من بيته بدون سبب اذا كنتي تبين ترجعين له ( وهذا هو الظاهر) ارجعي له مثل ما طلعتي والا ترى بيتي ماهو ضايق فيك

وظلت المراه اسبوعا اخر كانها على جمر تتمنى اشاره من زوجها او ايماءه
لكي تعود وفي وجهها بعض الكرامه .. ولكن شيئا من ذلك لم يحدث

هنا فرغ صبرها واخذت تفكر في أي حيله تعيدها اليه بشكل فيه ذره من منطق او سبب فلم يتوصل تفكيرها الا للبقره !

فقد كان لديهما، هي و زوجها، بقره تخرج كل صباح مع ابقار القريه للرعي وتعود الابقار في المساء فيتوجهن عادة الى منحاة فيها ماء فيردن ثم تنطلق كل بقره الى بيت صاحبها بدون دليل ..

وكانت تراقب الابقار من شقوق الباب، باب اهلها، وتحسد بقرتها حين تراها تنطلق من المنحاة الى البيت فتدف الباب براسها وتدخل دون أي حساسيه ..!
وتمنت ان تفعل مثلها ..

هنا قفز الى ذهنها فكرة نفذتها فورا، وهي تنظر الى البقر يشربن من المنحاة القريبة لبست عباءتها وانطلقت اليهن، وحين ارتوت بقرتها و اتجهت صوب البيت أمسكت بذنبها !

ويقال ان البقرة اذا امسك احد بذنبها تتضاعف سرعتها عشرات المرات وتصلح لسباق الخيل !

المهم ان البقرة انطلقت بسرعه عظيمه و المرأة وراءها ممسكه بذنبها <<< تخيلوا شكلها

و دفت البقرة الباب برأسها ودخلت و المرأة وراءها فإذا بها امام زوجها وجها لوجه فصرخت فيه :

_ انا والله ما جيت .. بس البقره هي اللي جرتني !!!!!




[ ما يستفاد من القصه ((للمرأة فقط))]

_ لا صار زوجك تعبان لا تقعدين تقرقين على راسه

_ لاتزعلين وتروحين لاهلك من نفسك لا ... خليه هو اللي يوديك علشان يرجعك

مهمه هذي

_ لا ترجعين بنفسك جيبي لك بقرة وخليها ترجعك

_ اول شي تشترينه لما تجين تجهزين لزواجك :

بقررره سنعة وعلميها بيتكم علشان ما توديك بيت الجيران .

[قـتـالـه]

شب تسبدي رجلها وانا مالي دخل !
ماتدرون ان الوحده ودها تبين غلاها بين الفينه والفينه
عطونا جونا مو لازم بقر
الوحده تفتعل الهوشه مع اشهبها خاصه لصار مهملها تبيه يحن ويراضي
وانتم خشب مسنده !!
ادناة كلمه ترضينا وتشق خواطرنا وتخلي رموشنا يتحركن بسرعة مراوح الطيارات
لو تدرون ..
فعايل راعية البقره كأنها توصل له رساله .. طمني اني على بالك !
اخبار مشاعرك تجاهي !
تحبني او تحب صحن المرقوق !
ياناس ترانا متصحرات .. نتزوج ودواخلنا متشطبه جفاف نبي مراهم حنان ..
نصطدم بأشهب حاط براسه ان الزوجه وسيله لإصلاحه وتقويمه لصلاة الفجر
وترتيب مواعيد اكله وغسل ملابسه .. وماعدا ذلك زود !!
اجل اللي اصلح بين المغروره ورجلها بقره ..
يالبا الافكار بعد .. العزامات الندامات فديتها الحنون

[ع ـروووبة]

قصه راااائعه بنستفيد منها إن شاء الله

طبعا على المدى البعيد هههههههههه

الله يعطيك العاافيه ‏‏~‏

[نـور]

حلو والله عرفنا قبل مانتزوج وعشان نحسب حساب البقره بالمهر بس مشكلة من يروضها ويصف لها البيت؟

[| ~ ســمــو ~ |]

اي قرار بالحياة قبل لا تتخذه لازم تفكر بعواقبه !!

:
:

موضوع ما اشوف فيه فايده ابد


احد مثلي ؟

[نيوتن القبه]

الحتسي أنا اشتريت بقرة مثلا لكن من وين لنا جيران عندهم بقر

يضاف للفوائد

وأن يكون السكن حول ناس عندهم بقر على شان تسرح بقرتنا مع بقرهم

يارجال حريم هالتليوية ماعندهم غير تسلابة وبساسة شيرازيات ومن هالخرابيط
تسلب اسمه دودي
وبسة اسمها ميكي
ودك من هد عليهن بساسة العجيبة
زمن البقر راح ياطويل العمر

[زخات المطر]

اقتباس:  المشاركة الأصلية كتبت بواسطة قـتـالـه     شب تسبدي رجلها وانا مالي دخل ! ماتدرون ان الوحده ودها تبين غلاها بين الفينه والفينه عطونا جونا مو لازم بقر الوحده تفتعل الهوشه مع اشهبها خاصه لصار مهملها تبيه يحن ويراضي وانتم خشب مسنده !! ادناة كلمه ترضينا وتشق خواطرنا وتخلي رموشنا يتحركن بسرعة مراوح الطيارات لو تدرون .. فعايل راعية البقره كأنها توصل له رساله .. طمني اني على بالك ! اخبار مشاعرك تجاهي ! تحبني او تحب صحن المرقوق ! ياناس ترانا متصحرات .. نتزوج ودواخلنا متشطبه جفاف نبي مراهم حنان .. نصطدم بأشهب حاط براسه ان الزوجه وسيله لإصلاحه وتقويمه لصلاة الفجر وترتيب مواعيد اكله وغسل ملابسه .. وماعدا ذلك زود !! اجل اللي اصلح بين المغروره ورجلها بقره .. يالبا الافكار بعد .. العزامات الندامات فديتها الحنون

لبيه ياعلوش

كفيتِ ووفيتِ ..

على هالقرق و الرسائل الموجهة للشهبان .. ترى ماحولك احد !


--

ليش يكابر الرجل و يضييع من عمره شهوووور تعطي للجفاء والإهمال فرصة لإقتحام الحب اللي يربطهم ! ..



الزوجة ماتبي مال قارون عشان ترضى عليك !


تبغى كلمة حنونه تبين غلاها عندك ... < تكلم زوج الزعلانة ..

[التنين الصيني]

ايه .... اشوف الردود .. بلشوا بالبقرة

عموما ... هي غلطة زوجها ....

ليش يبين لها الغلا والحب ...؟ عشان كذا دعست عليه ...

حريمنا .... يبن واحد حساس , يقول كلام حب , يحميها , يصرف عليها , يداريها ....

والرجل يبي شي واحد ......

ان الحرمة تسيبه في حاله ..............!!

[فوشيا]

من راح بكيفه كيفه يوديه .. خله على كيفه وكيفه يجيبه

هو دى الكلام والله بعض الحريم عصبيات تتنرفز على اتفه الامور

احسن عجبني محمد خلي سارة تتادب والله يعافي البقرة اللي ردتها

مو كل مره الوحده بتلاقي بطريقها بقره

الركاده زينه وحل الامور بالتفاهم والصبر

[كــفـايــة]

اقتباس: موضوع ما اشوف فيه فايده ابد احد مثلي ؟

سجلي واحد نفس الفكرة

[قـتـالـه]

اقتباس:  المشاركة الأصلية كتبت بواسطة زخات المطر     على هالقرق و الرسائل الموجهة للشهبان .. ترى ماحولك احد ! الزوجة ماتبي مال قارون عشان ترضى عليك ! ..

من زمان ياحيي وانا داريه ماحولي احد ..
لو حولي احد ماشفتي زحمة السيارات بدوار الرواف ماسكين سرا عند الشيخ يبون يتطلقون مطنقرين على بعضهم ..
وهذاك قلتيها الوحده منا تعميها الكلمه الذربه والمدايح
وش عرف آل شهب بالاتيكيت الزوجي ثقافتهم الاجتماعيه حدها (هيه انتي .. او يقول زي ماقال ابوه ياهيش)
المفروض فيه مقرر يدرس بالمدارس اسمه (سيكلوجية انثى) يعطونه البنين من هم بأول ابتدائي بلكن يفهمونا ويتعاملوا معنا بما يليق !

[HOOOD]

اقتباس: لو حولي احد ماشفتي زحمة السيارات بدوار الرواف ماسكين سرا عند الشيخ يبون يتطلقون مطنقرين على بعضهم ..

الآآآآآ يا قتاله مهوب تسنهم مبطي شيالين دوآآر الروآآف والا انا وآآهم

[قـتـالـه]

اقتباس:  المشاركة الأصلية كتبت بواسطة hoood     الآآآآآ يا قتاله مهوب تسنهم مبطي شيالين دوآآر الروآآف والا انا وآآهم

ببريدتكم شالوه ..
اما بريدتنا لسا ماشالوه
لي ساعه اتكلم عن كتاب سيكلوجية الوشسموه ومالفت انتباهك الا دوار الرواف
شكلك المهندس اللي موكله ابو صالح يقلع الدوار والا تسان مابلشتبوه تسذا !

[HOOOD]

اقتباس: ببريدتكم شالوه .. اما بريدتنا لسا ماشالوه لي ساعه اتكلم عن كتاب سيكلوجية الوشسموه ومالفت انتباهك الا دوار الرواف شكلك المهندس اللي موكله ابو صالح يقلع الدوار والا تسان مابلشتبوه تسذا !

لا جايزين لي هرجك .. بس لفت انتباهي هالدوآآر قلت خل نصحح المعلومة
الا ع فكرة بوه بريدتن ثآآنيه

[قـتـالـه]

اقتباس:  المشاركة الأصلية كتبت بواسطة hoood     لا جايزين لي هرجك .. بس لفت انتباهي هالدوآآر قلت خل نصحح المعلومة الا ع فكرة بوه بريدتن ثآآنيه

ايه بوه
بس انها حقتنا لحالنا مافيها نقاد ولامصلحجي
مازلت تحمل تعاريج البساطه وخطوط العمر النقي
ناسها طهر الزمان الذي لايتكرر ..
نهاراتها عابقه بعرق البسطاء ونهم الاتقياء لربهم وصلاح مدينتهم ..
ايا بوريده عودي كسابق نهاراتك حينما كانت البروده دفا لقلوب ابن عقيل ورفاقه ..
تحب بريدتنا او بريدتكم ياروبن هود