بياض و نضاره و نعومه بطريقه مجربه

[روضه]

مادري وين احط هالموضوع في المطبخ و الا الديكور و المنزل و الا الرياضي ابكتبه هنا و اذا مكانه غلط دبروه



اولا كل واحده تستخدم هالخلطه تدعي لي و تدعي لوالديني كل ما استعملتها

ثانيا الخلطه مجربه اختي و بنت خالتي في شهر اعطت نتائج رائعه بياض على زهر و نعومه انا استعملتها في اسبوع وبانت النتائج


ثالثا اللي تبي تراسلني على الخاص عشان اعطيها رقم حسابي تدخل فيه 500 ريال قبل ما تسوي الخلطه <<< هع هع هع هعه تسمع بالتجاره تراي امزح اخاف تقعدن بسوادكن من البخل <<<< ههههههه خربتها


ندخل في الموضوع <<< صارت خطبه ... ياشيني اذا كتبت موضوع وانا رايقه يجي التنكيت هههههههه





المقادير :

صابونه الغار - صابونه البابايا اي نوع - صابونه الكركم - الصابونه السحريه

علبه ماء الورد - 1 ملعقه كبيره ملح خشن - 1 ملعقه كبيره سفيداب ( للامانه .. سمعت انه مضر اللي بتستغني عنه براحتها )


1 ملقعه كبيره نشاء





الطريقه :
تبشر جميع الصوابين و توضع في قدر و يضاف اليها جميع المقادير ماعدا النشا توضع على نار هااااااااااااااديه جدا مع التقليب المستمر واول ما تذوب الصوابين ارفعيها عن النار واضيفي ملعقه النشاء ثم ضعيها في علبه و خليها في حمامك


طريقه استخدامها :
قبل ان تاخذي حمامك .. انتبهي لاتقعدين تقشين حمامات البيت في شنطتك تراي اقصد تتروشين يعني تستحمين <<<< ياشيني اذا صرت رايقه تخطم التنكيتات

عموما خوذي قطعه من العجينه و بلليها بشويه مويه ثم ادهني جسمك فيها واتركيها قد ماتبغين ربع ساعه ساعتين او ثلاث لكن وجهك لاتحطينها عليه اكثر من دقيقه واحده
و اذا بتتروشين بللي الليفه بالمويه ثم ادعكي جسمك و بعد ماتخلصين ضعي زيت جونسون للاطفال وشوفيه النعومه والبياااااااااااااااض

[بدرالوابلي]

لايصلح العطار ماافسده الدهر ...........؟؟؟ ثم ان البياض والسمار لايمكن تغييره لأنه من رب العالمين انما يمكن اخفاءه مؤقتا بالماكياج او بالمواد الكيمائيه وكلها مضره بالبشره على المدى القريب والبعيد على حسب نوعية البشره هل هي جافه اودهنيه او بين بين ...........//// معلومات استقيتها من مجله متخصصه وبالتوفيق لكم . .!! تحياتي لك .

[إشراق]

جزاك الله خيرا

لكن أنا عندي قناعات بعدم حب الخلطات نهائيا

[الوفاء من طبعي]

جزيتيي خيرا لو ماحصل البياض بتحصل النعومه
تراه موغصب والتجربه خير برهان
ماعليش مشتغلين محامي

[روضه]

بدر الوابلي .. فيه بعض البياض يفسده الاهمال و عوامل التعريه و حنا لا جو يحمي و غالبيه الحريم مايهتمن بانفسهن فالخلطات الطبيعيه ترجع الشيء لاصله , و بعض السمار مع الخلطات يتحسن و يتفتح و لا كيمائيات و لا ليزر



اشراق .. الخلطات اذا هي من صنعك فهي ضروريه فالعنايه بالجسم و المحافظه على الشباب تكون من الداخل و الخارج الداخل بالتغذيه وشرب الماء و الخارج بالكريمات و الترطيب و الخلطات .


الوفاء من طبعي .. الله يوفقك حبوبتي رفعتي معنوياتي لاني حبيت افيد كل البنوتات من تجربتي لكن بصراحه احبطت من عدم وجود ردود ومن ردود بدر و اشراق مع اننا مجربيهن و انا شخصيا مجربه الخلطه و النتائج روعه و ملاحظه تشكراتي يالغلا

[غديــــــــــر]

مشكووووووووووووره ياعسل عالخلطه ..تسلمين ياقلبي بجربه واقولك وش صار معي هههه

صابونة البابايا انا استخدمته ..تجي منه اربع انواع ..روعه مررره ..وماتسوي حساسيه ولاا شي ..

بعدين انتم يالضبان الي فووق وش دخلكم بالموضووع ..لازم اللقافه يعني ..ياحبكم للمواضيع الي نتواجد به ..

روضه الله يعطيك العافيه ..

[روضه]

غدير تسلمي ياقلبي جربيها صدقيني بتدعين لي

[المخمليه]

شكراً
جزاك الله خير

[روح الابداع]

ماموت العالم الا الغلطات

انتي من تحددي نعومة بشرتك من اكلك ياعزيزتي وهناك اخصائيين اعلم مني واسئليهم عن ذالك

[روضه]

المخمليه ... العفو


روح الابداع ... الخلطه اللي اتكلمت عنها عباره عن مواد طبيعيه ( نشا وملح وماء ورد ) و صابون 4 انواع ,, الاولات ناكلهم و نشربهن والثانيات نستحم فيهن الا اذا انت تستحمين بمويه بس !! اما السفيداب فقد اشرت بين قوسين للملاحظه بشانه فلا تتفلسفين حبوبتي عمر النضاره والنعومه ما جاء من داخل الجسم بس

[روح الابداع]

ياعزيزتي مافهمتي قصدي

انا قصدي ان واجباتك اليوميه هي من تحدد نعومة بشرتك في بعض الاكلات هي من تدمر البشره

في بعض الاكلات تعطي البشره نظره

وسوري على الاطاله طبعا الكلام من دكتور استرالي في مدينه عجمان بالامارات يشتغل بمستشفى زايد

[ابو الشلاليم]

هالخلطات ضررها اكثر من نفعهاوانا ما عمري جربته بس اسمع تزين شي وتخرب اشياء........

[روضه]

روح الابداع .. فعلا كلام سليم تشكراتي حبوبتي



ابو الشلاليم.. اعتقد هالخلطات ما تناسب الرجل ,و لا تعطي نصايح والشي ما يخصك وانت تجهله

[ـالدوآسر يآزينهم]

؛



هههههههههههههههههههههههههههههه
هههههههههههههههههه

فآطسه ضحك ->

يآحوبي لتس روضه والله أنتس فله

أول مره أشوف رآيقه وتفتن ههههههآ

طيب يآلغلآ أنآ والله جربت قبل سنه خلطه تشبه لخلطتس..

كل شي به وآخر شي تتليفين بملح خشن وليمون

تقطعت أعوذ بالله بس تصدقين إن بشرتي صآرت تشع تجننننن

بس تعب كذآ


مشكوره حبوبه وبجربه بإذن الله..؛






شكريآتـ^^

[روضه]

اقتباس:  المشاركة الأصلية كتبت بواسطة ـالدوآسر يآزينهم     ؛ هههههههههههههههههههههههههههههه هههههههههههههههههه فآطسه ضحك -> يآحوبي لتس روضه والله أنتس فله أول مره أشوف رآيقه وتفتن ههههههآ طيب يآلغلآ أنآ والله جربت قبل سنه خلطه تشبه لخلطتس.. كل شي به وآخر شي تتليفين بملح خشن وليمون تقطعت أعوذ بالله بس تصدقين إن بشرتي صآرت تشع تجننننن بس تعب كذآ مشكوره حبوبه وبجربه بإذن الله..؛ شكريآتـ^^

اهلين حبوبتي , علميهم تكفين دامك مجربه , انا ما كتبت الخلطه هذي الا لاني مجربتها بنفسي و شايفه نتائجها الرائعه و شايفه نتايجها في قريباتي , تسلمين يالغلا