احسن وصفة تخليك تتزوج اربعه وانت مغمض

[فلسفه انيقه]

السلام
مشكلة يعاني منها الرجال اللي هم الازواج فوبيا الخوف والمثالية مع الزوجة
ياخذ وحده ويتمسك بها بروح رياضية ومثالية والبعض خوف ماهي محبة
عزيزي الزوج البنات الحين بالهبل مليانه البيوت وحلا ودلع وغنج
وانت للحين متمسك بواحده خذ ثانية وثالثه وابسط نفسك مش حرام
تاخذ وحده ثانية غير اللهجة والروتين والحياه كلها يوجد حلاويات سكر
في سكر وحلال في حلال ليش ماتحب الا نوع واحد فكر
سوف تقلل من العنوسة وسوف تستانس وتونس غيرك دع الخوف
وانبسط ياعم مممممممممممممنوع الزعل

نبي وصفه لمن لدية خبره تشجع الشباب لتعدد

[أبو الريش]

[align=center]الموضوع زين بس لو مايدخلون الصغار ويحُسونه ,,



[/align]

[الأرجوانه]

قآآل ايش قآآل خذ حررمه ثآنيه ..!


لو أنكـ صآآدق تبي تقضي على آلعنوووسه كآن نزلت موضوع عن العدل بين الزوجآآت ..~

لأن الأغلبيه يكونون مطلقآآت آو يرفضن عشآآن خوفهن من الزوآآج .. !


لأن الأغلبيه شوه شئ آسمه الزواااج فطبيعي تكثر (العنوووسه).. وآلسبه عدم العدل بين الزوجآآت..!


بس عآرفه ان موضوعك موب هذآ مقصده ..كلله عشآآن التعداد وليس القضآآء على العنوووسه ..

تقبل مروري

[زين نجد]

انا أخالفك الرأي

مدام زوجتك ما جاء منها قصور فلماذا تتزوج.!

طيب هل لو ترضى لزوج ابنتك أو أختك أن يتزوجوا حتى لو قصّرن بحقوق الزوج.

إذا لم ترضى لنفسك فالناس لا يرضون..

تقبل مروري،،،

[To Be]

اقتباس:  المشاركة الأصلية كتبت بواسطة فلسفه انيقه     السلام مشكلة يعاني منها الرجال اللي هم الازواج فوبيا الخوف والمثالية مع الزوجة ياخذ وحده ويتمسك بها بروح رياضية ومثالية والبعض خوف ماهي محبة عزيزي الزوج البنات الحين بالهبل مليانه البيوت وحلا ودلع وغنج وانت للحين متمسك بواحده خذ ثانية وثالثه وابسط نفسك مش حرام تاخذ وحده ثانية غير اللهجة والروتين والحياه كلها يوجد حلاويات سكر في سكر وحلال في حلال ليش ماتحب الا نوع واحد فكر سوف تقلل من العنوسة وسوف تستانس وتونس غيرك دع الخوف وانبسط ياعم مممممممممممممنوع الزعل نبي وصفه لمن لدية خبره تشجع الشباب لتعدد

ابرده الله بالعافية

تصدق عاد محلم بعرس ولمبات وفلات

وقايم وانا زمل قلت لا يجلس يتحقق العرس

والحمد لله على السلامة

شكل الحلم صار موضوعك

تحياتي
لك فلسفه

[الـــفـــ@ــــد]

اقتباس:  المشاركة الأصلية كتبت بواسطة زين نجد     انا أخالفك الرأي مدام زوجتك ما جاء منها قصور فلماذا تتزوج.! طيب هل لو ترضى لزوج ابنتك أو أختك أن يتزوجوا حتى لو قصّرن بحقوق الزوج. إذا لم ترضى لنفسك فالناس لا يرضون.. تقبل مروري،،،

عز الله لو كل الرجال يطبقون مبدأك كان تلاقي الناس فتحو محلات لكنيز البنات مكان كنيز التمر
تحيتي

[فلسفه انيقه]

اقتباس:  المشاركة الأصلية كتبت بواسطة أبو الريش     [align=center]الموضوع زين بس لو مايدخلون الصغار ويحُسونه ,, [/align]

هلا بهالطلة ياكثر مايحوسون الصغارين بس لعب اطفال مثل منت عارف
احسن ايام الشخص طفولته بعدين يصير دمار يصير يفهم ويبلشك بحرية الراي وهو عوج ههههههه

[عــــــازف]

[align=right]المشكلة مو أي رجل يقدر يتحمل مسئولية التعدد ... <<< متى الرجاال يفهمون هالنقطة !!
يعني التعدد ما يصلح لكل رجل .. لأنها تحتاااج لرجل حكيم حسن التصرف ...
أول كان الرجل يأخذ ثااانية ويسحب على الاولى ...
ألحين فيه موضة جديدة يتزوج ثانية ويسحب عليهااا ويرجع للأولى .... << يعني شوفي أنا قوي !!

وتبون الحريم ما يخااافن ...[/align]

[عاشق ديرتي بريده]

[align=center]

اقتباس: عزيزي الزوج البنات الحين بالهبل مليانه البيوت وحلا ودلع وغنج وانت للحين متمسك بواحده خذ ثانية وثالثه وابسط نفسك مش حرام تاخذ وحده ثانية

ومن قالك أن الزوجه الثانيه حلال !!

العدل واجب ولكن تطبيقه من سابع المستحيلات وخصوصاً برجال الوقت هذا !!

وحتى أن كانت البيوت مليانه بنات فلن نرمي بناتنا لاشباه رجال !

عزباء افضل بكثير من كلمة الله يعينه على زوجه !!

تغيضني دائماً كلمة البيوت مليانه بنات وكلن يتمنى يطق بابه !!

خلوا عنكم الخرط الفاضي فنادر ان تجد رجل بالوقت الحاضر يستحق أن اقول له تراني زوجتك ابنتي !!!!![/align]

[زين نجد]

اقتباس:  المشاركة الأصلية كتبت بواسطة الـــفـــ@ــــد     عز الله لو كل الرجال يطبقون مبدأك كان تلاقي الناس فتحو محلات لكنيز البنات مكان كنيز التمر تحيتي

لأني أخاف ربي... ترا الزواج بالثانية والثالثة مايبي لها أشناب..
المشكلة بالتربية وآداء الحقوق..
اذهب أخي الى دار الملاحظة أو قم بزيارة الوحدة الإرشادية سوف تجد النسبة الكبيرة من هؤلاء الأبناء ضحية زواج والدهم ومن ثم اهمالهم.
ضياع الشباب والبنات غالباً مايكون هكذا ونحن نرا الواقع ونعيشة ونشاهده.
اما من سوف يتحمل التربية والعدل فهذا لا نقول فيه شيئاً.

أما انك مسؤول عن زواج البنات ولا جلستهن في البيوت وانهن يتكاثرن فهذا ليس مبررا للزوااااج بالثانية.

تقبل رأيي،،،

[توتي]

ياتزوج وحده او اربع

لان الثنتين صعبة تعدل بينهن

[عذبـــــة]

اقتباس:  المشاركة الأصلية كتبت بواسطة to be     ابرده الله بالعافية تصدق عاد محلم بعرس ولمبات وفلات وقايم وانا زمل قلت لا يجلس يتحقق العرس والحمد لله على السلامة شكل الحلم صار موضوعك تحياتي لك فلسفه

ايه خلوكم على هالوزنية ( العرس الثاني بس بالحلم )
اما بالعلم مافيه
ليت كل الرجال مثلك كان كل زوجة ترتاح وتحط ببطنها بطيخة صيفي
ههههه نبي رجال يتوحشون من سيرة العرس حتى بالحلم

اعذب تحية

[" TWIX "]

لا أحد يتوهق يعدد ويصير تعدده من نفس النمونة..!!
تصور تآكل رز ولحم ليل نهار كان تطق ويجيك كاتم على قلبك مثل الجاثوم
لكن تصور مرة رز ولحم سعودي.. ومرة مقبلات ومشاوي سورية..
ومرة كشري ومحشي مصري .. ومرة مسمسن ورفيس مغربي ..!!
آه ..
كذا الحياة تغيير وتنويع أما كان تبي على رزك ولحمك لا تعدد وخل
ما نسمع كلمة تعدد إلا كل خمس سنوات لا جاء مشروع تعداد السكان ...!!

[فلسفه انيقه]

اقتباس:  المشاركة الأصلية كتبت بواسطة الأرجوانه     قآآل ايش قآآل خذ حررمه ثآنيه ..! لو أنكـ صآآدق تبي تقضي على آلعنوووسه كآن نزلت موضوع عن العدل بين الزوجآآت ..~ لأن الأغلبيه يكونون مطلقآآت آو يرفضن عشآآن خوفهن من الزوآآج .. ! لأن الأغلبيه شوه شئ آسمه الزواااج فطبيعي تكثر (العنوووسه).. وآلسبه عدم العدل بين الزوجآآت..! بس عآرفه ان موضوعك موب هذآ مقصده ..كلله عشآآن التعداد وليس القضآآء على العنوووسه .. تقبل مروري

أهلين وسهلين والله التعداد طيب
بس الظلم الله يكفينا شره بس التنوع بالعدل حلو مررررررررررره
ويخلصنا من العنوسة ويكثر النسل

[ابو ريما الخالدي]

مادام زوجتك ما جاء منها قصور فلماذا تتزوج

أو حب قهر وتنكيد

لاتقولي فيه عدل

كل من قال راح يعدك كذاب

وكل من يتزوج ثانية هدفه المتعه فقط

وبعدها راح يتركها ويرميها مثل ماترمى علبة المشروبات

الا من رحم ربك وهم قليل من قليل اللي يستمرون مع زوجة ثانية