رجاء لما فوق18::أيام الورعنه..وافلقني ومد أصبعك واسامحك

[أحاسيس مبعثره]

السلامـ..عليكمـ..ورحمة الله وبركاتهـ...
.
صباحكم بالخير يالعمال العماليه
..................................... مساكم بالخير يالعمال العماليه
ماتعطونا بنتكم الحلوه الجميله
........................................ مانعطيكم هيا الإ بالف وميه
ندخل على دياركم ونكسر أبوابكم
.................................................. .... وهذي عروستنا
هذا الزمن اللي عشناه فيما مضى
عصر ماقبل البطارة ... عصر الورعنة


أعتقد كل شخص فوق الـ 18 مر على هذا العصر الأغبر .. واللي مامر على هالعصر لايكمل يقرأ الموضوع علشان برستيجنا مايهتز


أياااااام الكشخة ..



الكاشخة فينا تلبس الطوق والبكلة والشراب القصير أبو كشكش وحاطه من الروج الأخضر السحري "اللي بعد خمس دقايق يقلب أحمر .. كأنها مصاصه دماء .. " ماعاد الشكل يصير برئ هي وذا الروج



واللي تلبس الفستان المكسره "اللي من تحت مليان جيبون" اللي حزام الفستان يسحبل بالشوارع وله كتافات أسفنجيه عاليه الجوده



وماننسى طبعاً مبدا الزي الموحد عند العائلات .. ثنين ولاثلاث من البزارين لازم طقم



أياااااام بقاله أبو سعيد



الوحده منا تركض للبقاله بقميصها القطن "اللي شاريته لها أمها من البياعه اللي تجي عند بابهم " تشتري ببسي أبو كيس>>>> بنص ريال .. وتشتري معه البسكوت الأخضر اللي بالموز >>>> الحمد لله ع كل شي ..
ولا أيسكريم أربعه بواحد ابو ريال "البرتقالي - والأحمر - والأخضر - والأصفر" اللي يتقاسمونه ورعان البيت كلهم ...ويحظها لو صارت العلبه لها لحالها يقعد ثلاث ايام بالثلاجه وهي تلط منه



ولا بسكوت المثلث يااااااااااااويلىىىى يازينه خصوصا لاسااح قمنااا نلحس القرطااس ههههههههههههههههههههههههه



أياااااام افلقني وأجرحني ومد اصبعك وسامحنىى هههههههاااااى




حدث ولاحرج .. مدري عاد هالتصرفات توارثتها الأجيال ولا لا



بقلوب صافيه كنا نزعل
وننفلق ويسيح الدم والاهل ياحليلهم يكبسوونه بقهوه ولا عويدىى واجرى العب ونرضى من اللي زعلنا بسرعه بس شرط أساسي أصبعه الخنصر لازم يتصالح مع أصبعي أنا <<<



لا بس هذي تهون عند طريقه الحلف " لاحول ولاقوه الأ بالله " حط أصبعك في فمك ولازم يمتلي الأصبع من السعابيل وبعدين مردغ فيها حلقك .. الحين تصير صادق



أياااااام التلفزيون


طوووووووووووووووووط >>>> فجرت أذانيكم صح ... والشاشه الملونه ... ولا ترن تن تررررن ترررن >>>> هذي النغمه لمى يحطون شاشه الساعة .. ومن تجي عشر .. يبدا القرآن وبعض افلام الكرتون ...............





أنا أذكر بشار اللي ضيع أمه والدببه اللي بمدينه النخيل الليث الأبيض
>>> بس على فكرة كان بشار هو المفضل لدي ....



بس تطورنا وحبينا روبن هود وزورو وهايدي وسالي ..



وصرنا نتابع أفتح ياسمم .. وبدر وأنيس ..



>>>> الحمد لله والشكر من بعد شخصيات الكرتون .. صرنا نحب أنيس





وبعد هالتطور صرت نتابع برنامج الأطفال وأغانيهم الماصله
والأفلام الهنديه .. اللي كانو يجيبونها على القناة الثانيه



فلم الولد والفيل



وفيه فلم ثاني اللي الحرمه تقطع العقد اللي لابسته عند المعبد >>> يعني طلقت زوجها




وبعد التطور تسنعنا وصرنا نتابع مسلسلات ..."مسلسل عبدالله البحري وعبدالله البري" .. "ومسلسل عواد" .. "وصح النوم" .. "وفايز التوش""ومسلسل جواهر .. اللي فيه زوينه وحمد وجواهر " << ماكنت احب زوينه الشريره


أيام الاناشيد


متى يجي بابا
يجي الساعه سته
راكب ولا ماشي
راكب باسكيلته
حمرا ولا بيضا
بيضا زي القشطه







أو ..



سويره راحت البر
تجيب العيش الأخضر
واتحطه بالصواني
على جية خوالي
خوالي يا دلالي









ايام الدراسه..




أول يوم دراسي .. والكرتون الكبير اللي من المكتبه وكلها اللى فيه من " درزن دفاتر أبو ثمانين ولا ستين _ فروووخ لتجليد الدفاتر _ برايه أم مرايه وأشياء لاتعد ولاتحصى .. ويجي دور الهجوم على الغنائم >>>> أول مره يشوفون شي جديد



لا والمطاره وماأدراك ماالمطاره .. كان الوحدة أو الواحد يروح بمطارته واليوم الثاني يسوون عملية تبادل هو وأخوه بالمطاره



>>> العن أم القرف يعني ينقال لهم كآآشخين ههههههههه



والبنات ..لا والسلام الملكي حق المدرسات .. من تدخل المدرسه الكراسي والطاولات يبن ينحاشن من اصوات البنات " شرفتينا ونورتينا ياابله نوره ...... نوره ياعيوني ياللي لابسه اليموني لابسه الساعه اللماعه تسوى كل الجماعه




أيااام الممنوعات ..

كان الميك أب عيييييب



بس أزين شي ان طلعت الشارع عادي



كانت فيه أشياء كثيره ممنوعه بوقتها ... >>>ايه هين




ملحوووظه



* واللي مامر عليه هالأشياء ولا عاصرها .. لايتفلسف هنآأا .. ويطلع برا



واللي عاش هالذكريات يعطينا منها ولا يحرمنا شي من ايام زماان ,, أيام البراءة ..
مو الحين اللي ياااله نشوف طفل برئ..

تحياااااااااتو

[توتي]

اذكر اني راد على هالموضوع لايصير طيروووه ..
لي عووده .. موضوعك حلوو

[عَآزِفةالحَرّفّ]

//
اللهي ذكرتين باأيام اللعب مع زيزو ولد خالتي
كنا مثل الروح بجسدين
والحين لو أشوفه باالشارع مااعرفته الدنيا قاسيه هههههههه

لي عوده مع الموضوع الحلو !

[أحاسيس مبعثره]

اي والله طيرررررروه

ورجعت انزله ههههههههههه

[ورد و شــــوكـ]

أووف يــــازين آيــــــــاام زمــــاان صدز براءه >>>يقــــاال كبررت اللحين
ولا آنتي العسل وحنا البصل ياحليلتس ذاكرتس قوويه ماشاء الله

[هلاوين]

هذاك الله يسلمك ابو قرطاسة خضراء اسمه مينووووووووووووو والله ياله طعم مع الفيمتوووو

صراحة ذكريات اول تحولت الى احلام


تشكراتي لك صديق فروه على الموضوع الكويس

[ابو ريما الخالدي]

أنا ذولي أتذكرهن علشان اللي حولي كذا خواتي بنات أخوي

[بطلة العالم]

ايه ولا بسبس وهرهور<<<طاريله تناظره

تشكرااااااتي

[الزنون]

[align=center]

اقتباس: واللي مامر على هالعصر لايكمل يقرأ الموضوع علشان برستيجنا مايهتز

اجل انا اسحب نفسي
لاني ما ابعد وصلت
يالله مع السلامة

[/align]

[مناكير فوشي]

هههههههههههههه الله يالدنيا ,,

طيب تذكرين لعبة سبع الحجر عنبر ,,,

صدق ايام ونشيد روعه ,,

مو الحين بابا تليفون ,, وانا صرت سميناُ ياماما ,, ومادري ايش ..

يسلمووووو ,,

[عـبدالله بـريدة]

اقتباس:  المشاركة الأصلية كتبت بواسطة صديقة خلف المعطف     اي والله طيرررررروه ورجعت انزله ههههههههههه

هههههههههههههههه اخاااف اكتب واتعب ويطير اتعبي معه مرتن ثانيه

[الدفايه بالبرد]

ايام الدريفه
والقعده بالليون والروشن اللي بالسطح احسن غرفه بالبيت
وتلعب مع بنات الحاره ومستحيل
تفكر بأمور شينه


تشكرات على الموضوع

[أحاسيس مبعثره]

العفو للجميع

وشااااااااااااااااااكره على مروركم اسعدني

[ツ • بسْـطـَويِـسـْي]

اقتباس:  المشاركة الأصلية كتبت بواسطة عَآزِفةالحَرّفّ     // اللهي ذكرتين باأيام اللعب مع زيزو ولد خالتي كنا مثل الروح بجسدين والحين لو أشوفه باالشارع مااعرفته الدنيا قاسيه هههههههه لي عوده مع الموضوع الحلو !

انا زيك~ذكرتيني ببنت خالتي اذكر كنت اجلس بحجرها وتقعد تلعب بشعري ,,

[أحاسيس مبعثره]

مشكووووووووووووورين على المرور

اسعدني