في الأسبوع اللي راح مريت واحد من الشباب قعد ت عنده بالشقة
الصراحة مليت من القعدة قلتله خلنا نطلع نتمشى شوي ويا ليتنا ماطلعنا.
عموما طلعنا وتمشينا في شوارع الرياض المزدحمة ومفاجئاتها المثيرة
جت الساعة 11 ليلا وأنا كنت الصراحة جوعان مره المهم قعدنا ساعة كاملة ما ندري وش نتعشى وبالصدفة مريت بشارع العليا العام
وقريت عروض لوجبات جديده من مطعم برجر كنج من الجوع اللي فيني قررت آكل منه رضى خويي ولا مارضى عموما خضع للأمر الواقع ووافقني الرأي. وفي لحظتها لم أذكر أن هذا المطعم أحد الشركات الاميريكيه اليهودية.. المهم أكلت وانتهى الموضوع والله يغفر لي.
السالفة مهيب اهذي السالفة توها ماجت.
طلبت أنا وخويي العشاء طبعا كان زحمة مره وبما انه في منطقه راقيه
غالبية زبائنه من الناس اللي فوق تشوف السيارات اللهم يا كافي قيمه الوحدة تجيب لك فله . وأنا نازل بثوب النوم يعني الوقع فري.
جانا العشى بعد طول انتظار وحنا جالسين نأكل دخل للمطعم خمسة شباب (استغفر الله ) اللهم لاشماته واحد منهم ما تدري هو رجل ولا بنت
والثاني ماتدري هو جاي ولا رايح والباقين كرب يلاحقون ذولا..
هذا اللي تقل بنت لابس لبس والله ما شفته ولى بقنوات لبنان الفضائية
لبس ضيق قوه بنطلون جنز ابيض شبه شفاف وبلوزه على قولتهم( بودي)
والشعر يا عيني ما يشوف لازم يوخره عن عينه ، مسكين هذا الشاب ندعو له بالشفاء انشاء الله .
أما المصيبة الأعظم فهو الثاني عندما رأيته لم املك نفسي من قوه الضحك
حتى أنني عندما رأيته والله انه سد نفسي من الآكل شكله ( مقرف )
لبسه فضفاض مره وهو نحيل قوه البنطلون يلبّس ثلاثة دببه والفنيله إلى تحت الركبه بشوي ومكتوب عليها شخابيط والله مادري وشهي
إنجليزي على صيني على أرقام يعني بالعربي سبورة بزارين.
على فكره الفنيله علاقيه تراه.
وكان فيه وشم بيده اليمنى صوره عقرب ويده اليسرى حروف إنجليزي يبدو لي انه حروف ربعه لأنها كثيره. وكان إذا مشى تقول مرياع غنم كله خلاخيل لابس هالقلايد والاسوارات
أما تسريحه الشعر فهذي لحالها والله انها تقل دبابيس أنا مادري وش هالحلاق اللي سواها . مسكين مريض هذا أدعو له بالشفاء.
عموما هالموضه انتشرت بشكل ملحوظ وصار الشاب منهم لا يحمل مسمى ذكر إلا بشهادة الميلاد فقط
إخواني الأعزاء آسف على الاطاله ولكن شي يحزن كثيرا عندما ترى شبابنا بهذه العقلية الأمعيه
ونصيحتي لك أخ يغار على بيته وأهله أن ينتبه لأخوته الصغار ويعلمهم الصح من الغلط لأنه من شب على شيء شاب عليه..
ولكم تحياتي .
العرض العادي
