عزيزي الاخ الصايع المحترم
هل لا زلت تعقتد ان الامريكان ما اخترعوا الانترنت الا عشان ترقم فيه ؟؟
وهل لازلت تعتقد ان التشات لم يوضع الا عشان تلاحق فيه بنات خلق الله وتذيهم ؟؟
وهل لا زلت تعتقد ان مسنجر الهوتميل غلطو في تسميتة والمفروض انهم يسمونه هوت فيميل ؟؟
عزيزي الصايع هل لازلت تعتقد ان سواياك في الانترنت الي تسود الوجه ماحد داري عنها وانك في امان تام واذا جيت تخطب سمعتك بتصير زي البرلنط؟؟؟؟
ايه هين معصي امحش خشتك يا وليدي ده كان زمان
فقد ظهرت في الاونه الاخيره عصابه في البال توك همها اصطياد المماليح الي مثلك ووتسحيبهم وتضحيك خلق الله عليهم وتصير فضيحتك بجلاجل وعشيره وحوطة بني تميم
هذه العصابه يتزعمها تمساح عنده قدر عجيبه على تقليد الاصوات النسائيه ويقوم باصطياد ضحاياه من الدلوخ شرواك الي يرقمونه في التشات
وفي وقت محدد يفتحون غرفة في البال توك ويجمعون امة محمد واذا اكتمل العدد وصارت الروم تلطم بشرية اتصل هذا التمساح المتقمص على ضحيته في الجوال وشبك المايكرفون مع الجوال وتكون المكالمه علنيه وكل الموجودين في الغرفه يسمعونها وهاااااااات يا تسحيب وتفضيح بمعلومات شخصيه التي يتفضل ويدلي بها الاخ الدلخ مشكورا
والملف المرفق نمونه صغيره لاخ صايع ونصاب في آآآآن واحد وتمت مسخرته مسخره لا راحت ولا جت
مع ملاحظه في اخر التسجيل الصوت الحقيقي للانسه التمساح الي يسحب الاخوان الصيع الافاضل
لذلك ننصحك بان تستحي على وجهك وخل رقمك عندك استر لك واشرف لك
اضغط على اللنك علشان تسمع التسحيب
http://www.abunawaf.com/store/tas7eb.rm
منقووووووول
العرض الشجري