هل نحن كالبقر الحلوب ؟؟؟؟؟؟؟؟؟؟؟؟؟

[بــرمــودا]

مادعاني لكتابة هذا الموضوع هو اللي قاعد يصير بالمجتمع من هالتجار الجشعين وخصوصا أصحاب العقارات ...
واحد من الربع حالته الماديه متوسطه وماشية بالبركه ويسكن شقة ياجماعه قديمه تشبه شقق مصر في أحيائها القديمه ....يقول صاحبي جاء صاحب العماره وقال لي : تراي زودت الإيجار الف وخمسمائة ريال ,جايز لك أهلا وسهلا أو إقضب الباب ,مع العلم أن صاحب العمارة من تجار بريده المعروفين وبعد سؤاله عن سبب رفع الإيجار قال صاحب العمارة : ماتشوف الدنيا مولعة الأسعار فيها ...
هالتاجرا لجشع عندما رفع الإيجار ,,أين الحماية للمواطن من هالنوعيات من البشر ,,,, والله صايرين مثل البقرة الحلوب من دج جاء وحلب ومشى والطقه بروسنا .....
والله حرام اللي قاعد يصير بهالناس من بعض عديمي الضمير ,,,, كل شيء بإرتفاع ووزارة التجارة (أقصد وزارة الدجه والخسارة) جالسة فقط تتفرج على معاناة هالمواطن الغلبان ,,, بدينا نشوف ناس بالشوارع منسمين ومجانين وهم بإزدياد والسبب هاللي قاعد يصير ,,لاحمايه لنا ولا يحزنون...
والله غسلت إيدي من وزير الدجه والخساره عقب تصريحه الشهير : لاتأكلون رز أبو كأس الغالي كولوا رز من الرخيص اللي كله قمل وحشرات ....حسبي الله عليكم......................زدمتم بخير

[بنت البدائع]

تشبيهك بليغ (صرناكالبقر الحلوب)

الله المستعان ...

[عاشق ديرتي بريده]

اخوي برمودا هي فرصه يستغلها التجار لجمع اكبر كميه من المال !!!
لكن الكل نسي الله تعالى وبدا يتكلم عن الدوله ومتى تزيد الرواتب !!

لاحول ولاقوة الا بالله ,,

[الكبري]

برمودا .

الأسعار تخضع لقانون السوق العرض والطلب .

الغلاء عام هذه المشكلة ووزارة التجارة لا تستطيع لا بالنظام تحديد سعر الاجار .

لكن بيدها دعم قطاع التنمية العقارية بتقديم تسهيلات لبناء مساكن جديدة .

وفتح مجال المنافسة الشريفة بين رجال الأعمال .

ومحاربة الإحتكار الخفي والعلني .

ما يجب علينا الآن التفكير فيه هو إيجاد بدائل لما ارتفع سعره .

والإعتماد على المنتج الوطني أكثر من المستورد .

لكم أطيب المنى
لكم أطي بالمنى

[علشانك بس]

أهلا برمــوووودااا ,,
هؤلاء التجار لاقيـن ناس تدفع وبدون أي نقاش ,, لأنهم في الغالب مجبرين على الدفع ليسو مخيريـن ,,
فوووتـّــك بعافية ,,

[نهااار]

اهلا برمودا

المشكله يااخي ان مجتمعنا اصبح طبقتين .. طبقة الغنى الفاحش.. وطبقة الفقر المدقع ..

وعندما يرفع الاغنياء الايجار يزدادو غنى .. وبالمقابل الفقراء يزدادو فقرا ..

وهذا هو الحاصل .. وللاسف ..

!!

[فيصل...........]

الاخ برمود
هناك توجه من الوزارة لوضع لوائح ونظام لااسعار العقارات
نتمنا ان يصدر عن قريب
تحياتي

[قلب الأسد]

اخي برمودا ماذا نعمل مالنا الا الدعاء لله سبحانه ان يلطف بنا
حتى انا قبل اسبوعين اتصل صاحب الاجار وقال ( شف ترا الاجار زاد الف ريال تبي الله يحييك ولا اطلع
بهذه اللهجه ورب الكعبه) جشع وطمع اعمى قلوبهم .
ولكن ليس عاى اجار البيوت والعقار وانما كل شي ارتفع يعني ال 500ريال ماتكفي يوم واحد والله .
نسأل الله ان يقينا شر الغلا والبلا يارب .
حتى البديل من المستورد ارتفع ..

[فتحـية]

[align=center]

اقتباس: هل نحن كالبقر الحلوب ؟؟؟؟؟؟؟؟؟؟؟؟؟

بل أضلّ سبيلا ![/align]

[برود الثلج]

أين الحماية للمواطن من هالنوعيات من البشر ؟؟؟


شاهد ماشفش حاقه خالص ...........

والله لو توصل دماء الشعب الغلبان إلى حد الركب مايهز شعره من بدنهم ،
إلا مبسوطين وهم يتفرجون علينا نصارع أمواج الغلاء الفاحش ،،


قلتها لكم يجي يوم وينباع عليكم الهواء والتراب ...


(( حسبنا الله ونعم الوكيل على الظالمين ))
(( حسبنا الله ونعم الوكيل على الظالمين ))
(( حسبنا الله ونعم الوكيل على الظالمين ))
(( حسبنا الله ونعم الوكيل على الظالمين ))
(( حسبنا الله ونعم الوكيل على الظالمين ))
((حسبنا الله ونعم الوكيل على الظالمين ))
(( حسبنا الله ونع الوكيل على الظالمين ))

[برود الثلج]

طيب ياجماعة الخير عندي أقتراح مجرد أقتراح ؟؟؟؟؟

قبل فتره بعيده أقترحت أقتراح على أخواني قلت مادام الأيجارات مرتفعه بهذا الشكل الجنوني ؟؟
ومادام ماأحد يسترجل يشتري بيت أو حتى يسوي له عمار ؟؟


ليش مايشتري له قطعه أرض ربما تكلفه شوي بحدود الخمسين ألف حتى ولو كانت بعيده عن العمران والخدمات إلي من حولها وبعدها يشتري له بيت مركب ( يعني كل غرفه عباره عن قطعه منفصله ،، مثل إلي عند الأجانب )) وتكلفته لا تتجاوز الخمسين ألف كذالك ويحطه بهذه الإرض ويمدد له كرباء ويسكن هو وعايلته ويرتاح من غربلةالإيجار ؟؟
على بالي أخترعت لهم صاروخ ؟؟
رد على واحد من أخواني وقال وزارة الكهرباء مستحيل تمدد لك كهربه لأن البيت مو نظامي من ناحية الأمن والسلامه ؟؟
يعني حبكت عند نظام السلامه إلى هذا الحد خايفين علينا نظاميين ومو خايفين علينا من غربلة الشوارع والفقر ؟؟

يعني ليش مايسمحون بسالفة البيت الجاهز ( المركب ) ويساعدون المواطنين في تجاوز هذه المحنه ..


مجرد أقتراح ،،




وشكراً ،،

[دلوعة جدها]

اخوى برمودا طيب هل لوكانت عندك عماره تجاريه بالرياض مكونه من

6 طوابق كل طابق 4شقق

وايجار كل شقه 18الف بالسنه

هل تتنازل وتخفض الايجار الفين ولا الف على حساب نفسك والله ماتقدر الا ترفعه اذا كان هناك ارتفاع

بالايجارات

كل انسان يعايش وضعه ولايلقى اللوم على غيره

مثل الى يقول اوف مالقيت وظيفه طيب ليه ماجتهدت بدراستك عشان يكون لك مستقبل
والتجار كل مابنى شقق طمع وبنى اكثر مجبول بنى ادم على حب المال لايملا فم بنى آدم الا التراب
وعلى بالك عوائل ذا التجار مستانسه والله انهم عايشين بفلل ودنيا وينقصهم جلست ابوهم عندهم
وهو قاعدن يراكض بها الدنيا لا ستفاد هو ولا ستفادو اعياله من تمضية الوقت معه بدون الكلام بها الفلوس
الله بس يعطى الخلق القناعه من الفلوس
الوقت هذا الى ماعنده ماده مايعيش يجيه الضغط والسكر والهموم من كل حدب وصوب
زمن التطور والمعناه
وقديما زمن الشده وراحت البال والهدوء والسكينه حتى لو كانت الماده ضعيفه

[وليد الطريقي]

اخي العزيز برمودا ...

الغلاااااااااا عام على الجميع والوزارة لا تستطيع فعل شي حيال هذا الامر ...

مسئلة رفع التجار للعقارات فهذا امر خاص بهم بالعامي يبي ياكلون مثل التجار الهوامير

ومن خلال عملى في العقارات لا ارى هذه الظاهرة بمدينتنا انما هي شذوذ

لعل العقارات بالذات زادت بسبب ندرة الاعمار وسبب ذلك بالاخير هو غلا المواد الاساسية

تحياتي

[جلوي العتيبي]

ويبقى المواطن مغلوب على أمره..غلاء في كل إتجاه والمستقبل أخطر ..

إن لم يوجد ضبط لهذه الأسعار التي تزداد بدون ضوابط ونظم فالمستقبل الإجتماعي والإقتصادي في خطر كبير .

شكراً ابوخالد

[غلا قلبي]

[align=center]طيب يابرمودا راعي العقار يدري ان المستاجر مضطر يدفع ولا وين بيسكن اهله..بالشارع..؟حتى لو ما قدر يدفع بيحاول فيه انه ينزل له بالسعر ثم بيرضى..طبعا اذا مالقى مكان ثاني..وهذا اللي يطمع راعين العقارات ذوي النفوس الضعيفه اللي ماتخاف الله..
وبعدين بعض المستاجرين علل يسكن ببلاش فوق شينه قو عينه ساكن ولا يدفع ويتهرب ولا يبي يطلع بعد والله مصيبه..
يمكن هذا يكون سبب يخلي راعي العقار يرفع السعر يبي الفكه من هالمستاجر..
واللي اعرفه وسمعت عنه ان الحق مع المستاجر بكل شي ليه مايروح يشتكي ليش يسكت..ولا الدنيا لعبه كل من جاء رفع بالاسعار..

اشكرك اخي على هذا الطرح لك مني كل التقدير والاحترام[/align]