...مخي متوقف....تعالوا عطوني حل هاللغز؟؟؟؟

[ღ ][ وحيدة كالقمر ][ღ]

صبحكم الله بالخير ياجماعة الخير.....دائماً تطرأ عليّ افكار مادري من وين تدخل ع مخي


وأبــــــــــــــــدأ أنا أعصر المخ....بس ماش ماطراله ينتج....


فقلت أسألكم وأشـــــــــــوف آرائكم....



الحين مثلاً:فيه عائلة البكر بنت.....ليه مايسمون الأبو ياابو مثلاً(نورة) والأم أم(نورة)


ليه يسمون بإسم الولد حتى لو كان هو أصغر من البنت...؟؟؟؟


يعني من طلعتي ع الدينا والناس تسمي الأبو بإسم ولده والأم كذلك


وش الحكمة من ذلك؟؟؟؟

يعني حتى لو صار الولد أصغر من البنت والبنت أكبر يسمون الأبو بإسم الولد


ويقولون (ياأبو محمد مثلاً)ونورة أكبر من هالمحمد؟؟؟؟؟


وراه الناس تسذا من طلعتنا ع الدنيا.....



عطون شي يدخل بالمخ....ودي أدري وراه؟؟؟



أنتظركم

[علشانك بس]

أهلا وحيده ,,
ياصباح الأنوار ,,
ياقليبي انتي هذي البنت من تطلع على الدنيا وهي مهضوم حقها ,,
المشكله مايبر بالوالدين ولا يرحمهم الا هالبنيات ,,
ولا هالشباب ماتلقين أغلبيتهم الا عاقين وتلقين امه وأبوه يلاحقونه وخايفين عليه وشاقين وراه من صغره ,,
ولا البنيه تلقين برها من عمرها 4 سنوات مايخدم امها وابوها الا هي ,,
بس وش نقول ,,
حنا نبي الأجر من الله مانبيه من أحد ,,

[أمــ الحب ــير]

[align=center][mark=FF6600]

مراحب خيتووو وحيده ...

لأنو عيب وشق جيب في مجتمعنا ...

تحيتي
[/mark][/align]

[ღ ][ وحيدة كالقمر ][ღ]

اقتباس:  المشاركة الأصلية كتبت بواسطة علشانك بس     أهلا وحيده ,, ياصباح الأنوار ,, ياقليبي انتي هذي البنت من تطلع على الدنيا وهي مهضوم حقها ,, المشكله مايبر بالوالدين ولا يرحمهم الا هالبنيات ,, ولا هالشباب ماتلقين أغلبيتهم الا عاقين وتلقين امه وأبوه يلاحقونه وخايفين عليه وشاقين وراه من صغره ,, ولا البنيه تلقين برها من عمرها 4 سنوات مايخدم امها وابوها الا هي ,, بس وش نقول ,, حنا نبي الأجر من الله مانبيه من أحد ,,

[align=center]هلابك ياع شانك....ياصباح الورد

والله يالغلا فيه الصالح وفيه الطالح....والأغلبية البنت مهضوم حقه؟

بس وش يثبت لنا إنه هالشي من حقه؟أو من حق الولد.؟هذا اللي ودي أعرفه



شرفتيني ياعسل

بالتوفيق[/align]

[ღ ][ وحيدة كالقمر ][ღ]

اقتباس:  المشاركة الأصلية كتبت بواسطة أســ الحب ــير     [align=center][mark=FF6600] مراحب خيتووو وحيده ... لأنو عيب وشق جيب في مجتمعنا ... تحيتي [/mark][/align]

[align=center]
مرحباً بك أسيررروه....


وأين هو مكمن العيب وشق الجيب عند ذكر إسم المرأة؟؟؟


أو بالأصح ماهو العيب في مجتمعنا؟هل هو عيب أذكر إسم المرأة؟[/align]

[أمــ الحب ــير]

اقتباس:  المشاركة الأصلية كتبت بواسطة &وحيدة كالقمر&     [align=center] مرحباً بك أسيررروه.... وأين هو مكمن العيب وشق الجيب عند ذكر إسم المرأة؟؟؟ أو بالأصح ماهو العيب في مجتمعنا؟هل هو عيب أذكر إسم المرأة؟[/align]

[align=center][mark=FF6600]

هذا طال عمرك من عادات الجاهليه عدم ذكر أسم الأنثى ليش ..؟؟
لأنو عيب ينقال عند الرجال يجيه أحساس أنو غلط في شرفه ..
سواء كانت بنته أو أمه أو أخته .. وألى الآن فيه ناس يطبقونها ..

وفيه ناس ياوحيده بالعكس يلقبون بأسماء بناتهم الأبكار ,,
ويفتخرون فيهن ومااعترضو أو ضاقت أنفسهم ..

يعني فيه ناس مضخمين الشي هذا وهو أساساً عادي ...

أرجو أن أكون أفدتك لأنو مالها تفسير غير هذا ...

تحيتي لك ..
[/mark][/align]

[منصورعبدالله]

الم تكن زينب بنت الرسول صلى الله عليه وسلم
اكبر ابناءه...

وكان يسمى عليه الصلاة والسلام ابا القاسم...بابنه الذي اصغر من زينب...

اذا فالرسول قدوتنا ولا علاقة بالجاهلية بالموضوع...
وليس صحيح ان البنت هضم حقها عند الرجال..فكثرة التفكير والفراغ مشكلة
فهما لايجتمعان...


ونصف العلم لاادري...


تحياتي ليك ..

[ابوهاشم]

ايضا ابا الزهراء ................. اول ماتسمعها ............. تعرف ان المقصود بها الحبيب المصطفى صلى الله وسلم عليه وعلى آل بيته .............. صلو عليه احبتي .

وهناك من البنات من يتشرف اباءها بكنيته بها اكثر من تشرفه بكنيته بولده

[عاشق ديرتي بريده]

هذي من العادات والتقاليد والخرابيط الفاضيه !!!

والا كله واحد محمد ونوره كلهن اسامي !!!

[امرؤ القيس]

يقالك قرطبة !!؟

الولد يحمل اسم عائلته فاذا انقطع انقطعت العائلة

والولد يقال له ابو العلان وهو اصلا ابن العلان و دائما يذكر اباه واما البنت اذا ذهبت وتزوجت نسيت كل شيء ويقال لها ام السواهي وهي اصلا بنت الدواهي


هذا حل اللغز ياقرطبة كالقمر

[علشانك بس]

[align=center]

اقتباس:  المشاركة الأصلية كتبت بواسطة امرؤ القيس     يقال لها ام السواهي وهي اصلا بنت الدواهي

ههههههه هذي لحالهــا ,,,[/align]

[عاشق ديرتي بريده]

اقتباس: المشكله مايبر بالوالدين ولا يرحمهم الا هالبنيات ,,

ومن قالك ياست علشانك الكلام هذا !!!!!

البنت تتزوج وتسهج اهلها كلهم ولكنهم ربوها !!!

وحنا اللي يخلينا ويعطينا الصحه والعافيه نبر بهلنا ,

[علشانك بس]

[align=center]

اقتباس:  المشاركة الأصلية كتبت بواسطة عاشق ديرتي بريده     ومن قالك ياست علشانك الكلام هذا !!!!! البنت تتزوج وتسهج اهلها كلهم ولكنهم ربوها !!! وحنا اللي يخلينا ويعطينا الصحه والعافيه نبر بهلنا ,

اللي قالي الواقع ,, والحال اللي اشوفه ,,
انتم مشقين أهلكم بصغركم واذا كبرتو تزوجتو وسكتنو في بيوت لحالكم ,,
الواحد منكم مايكلف نفسه يسكن عند امه وابوه عشان يكسب برهم بأخر عمرهم ,,
ويخلي زوجته تخدمهم ,,
لا ,, صار العكس صرتو تخدمون زوجاتكم واهل زوجاتكم ,,
وماتعترفون بأهلكم وخدمتهم ,,
زين اذا مر الواحد منكم بعد المغرب وشرب بيالة شاهي معهم وهو ياظر ساعته ,,
والهانم تدق عليه تقوله يالله تأخرنا على امي تقول تعالو ودوني للسوق ,,
اما البنت تلقاها تبر بأهلها من صغرها ,,
وحتى بعد زواجها تلقاها من العصر الي الليل مسنتره هي وعيالها عند اهلها ,,
تقوم بخدمتهم وتوسع صدورهم ,,
وانتم صايرين ( منيديب عاشه ) لزوجاتكم ,,
الله يخلف على اهاليكم ,,
آل ايه أل حنا نبر فيهم ,,[/align]

[عاشق ديرتي بريده]

اقتباس: انتم مشقين أهلكم بصغركم

بهذي صدقتي بس بغيرها غلطتي !!!
الولد كل ماكبر كل ماعقل يعني لو تلاحظين الكبارين من الشباب تلقينهم يبرون بهلهم اكثر من اول !!

بعكس البنت كل ماكبرت كل مانسيت اهلها !!

[عجوز سمنسي]

الله تعالى جاوبك عنا ياوحيدة

يقول الله ( وليس الذكر كالانثى)

ومعلوم ان من يحمل نسب الرجل باستمرار هو الابن وليس البنت فالبنت تنقطع لزوجها واولادها لزوجها وليس لابيها

ولهذا من يحمل نسب العائلة باستمرار هو وابنائه هو الولد

اتمنى ان لاتأخذكم الحساسية من هذه الناحية فالامر مجرد تفكير لا اكثر ولا اقل