نداءخاص إلى نقدالتعليم جزاه الله خيرا

[قصيدة شاعر]

أختي نقد التعليم جزاك الله خير الجزاء



قد خدمتينا كثيرا في موضوع النتائج وموقع القبول والتسجيل بالكليات

ولكن عندي سؤال ..عن قسم التربية الخاصة هل فتح للبنات لاني اتصلت على الجامعة

ومايردون !!وكيف نسجل بالكليات لازم نختار كلية ونسجل فيها بس

أو عادي نسجل بالأقسام اللي نرغب بعدين نختار

تحملي اسئلتي الكثيرة لان ماعندي أحد يجاوب عليها غيرك

جزاك الله خيرا والله يكثر من أمثالك



تقبل تحيتي


اختك /قصيدة شاعر

[نقد التعليم]

[align=center]
وه ياملحتس وأنتِ ماخذة مقلب فيني !!

اول شي ياليت موضوعك يضم مع هالموضوع

http://www.buraydh.com/forum/showthread.php?t=117391

ويصير موضوع مخصص للتسجيل وكيفيته

ثانياً :
بالنسبة لجامعة القصيم حسب علمي لم يفتتح فيها قسم تربية خاصة للبنات لحد الآن ..
كليات التربية مممممممممممم بصراحة مدري

وبإمكانك توصلينهم بنفسك لأن هذا مستقبلك ولاتاخذين بكلام الانترنت او الاتصال بالتلفون

اقسام البنات في الجامعة :

كلية الطب والحاسب
وهذا للأقسام العلمية ويشترط لها سنة تحضيرية واختبار تحصيلي .
كلية الاقتصاد والإدارة
هذي لايشترط لها سنة تحضيرية ( وحقيقة لاادري هل هي علمية او ادبية ! )
<<<<<<<< أجل وش تدرين عنه ؟!
بس ادري عن اللي فيه بناتنا ( طب وحاسب فقط لاغير !! )

كليات التربية سيكون القبول فيها ( فوري ) بحسب النسبة الموضحة في موقع الجامعة ( يعني تروحين بحسب نسبتك في اليوم المحدد وأنتِ وحظك ، إن كانوا مكتفين ومقفلين القبول بالقسم اللي تبينه .. تختارين تخصصات أخرى شاغرة ... وهكذا )

والواسطة فوق القانون ( كانهم على خبري ) واسألوا عن بنت الدكتور العمر كم نسبتها ووين دخلت !!

ولازم تحضرين معك الوثائق التالية عند التسجيل

1. أصل كشف درجات الشهادة الثانوية أو ما يعادلها + (6) صور منها.

2. عدد (3) صور من السجل المدني (بطاقة العائلة) مع إحضار الأصل للمطابقة.

3. أصل حسن السيرة والسلوك + (3) صور منه. إذا كان في خطاب مستقل، أما إذا كان مضمناَ في كشف درجات الشهادة الثانوية فيكتفى بصور الشهادة.

4. استيفاء استمارة طلب التحاق بالكلية.

5. موافقة ولي أمر الطالبة.

6. خطاب موافقة جهة العمل للطالبة الموظفة.

7. ملف علاقي تجمع فيه الوثائق المطلوبة.

وبقية التفاصيل الخاصة بكليات التربية هنا
http://www.qandt.net/showpage.php?id=15&show=0


راح اوصي احد يسأل لك بالجامعة والكليات .. واذا لقيت خبر اكيد عن التربية الخاصة قلتلك ..

وبس





[/align]

[الذاهـبـة]

ياهوووووه

اموت أنا يا مصدر موثوق ..



عز الله إنك عرفتي تختارين ..

هذي نقد الـتعليم .. و الاجر على الله ..

تجيب العلم .. تسيف ما تجيبه !!؟

[$ فجر $]

السلام عليكم

أختي نقد التعليم

لو سمحت عندي سؤال ..

أبغى أدرس علم نفس

و أبغى أعرف و ين بالقصيم ؟؟؟؟؟؟

صحيح ما فيه ؟؟

و صحيح اللي ببريدة تقفل ؟؟؟

طيب لو تقفل راح يفتح من جديد أو لا ؟؟؟؟؟؟؟؟

الله يخليك إذا ممكن تساعديني بأسرع وقت

لأني مرررررررررررة مستعجلة

و بنفس الوقت ما أبغى أدرس إلا هالتخصص
.
.
شاكرة لك سلفاً

دمت بخير

فجر

[قصيدة شاعر]

مشكوووووووووورة ياقلبي والله ماقصرتي


ألف شكر_ قولي آمين الله يجزاك عنا خيرررررر الجزاء


ويجعله في موازين أعمالك

[مــنــال]

ماشاء الله عليك نقد .

الله يجزك خير .

بالنسبة لـ كلية الإدارة و الاقتصاد في جامعة الملك عبدالعزيز تقبل العلمي و الأدبي أيضا ً و لا علم إن كانت

جامعة القصيم كذلك أم لا ..

و بالتوفيق لجميع الطالبات .

[جورينا]

قصيدة شاعر ؛؛

حياك ربي والله يوفقك في دراستك ؛؛

اقتباس: كلية الاقتصاد والإدارة

تقبل جميع القسمين علمي وادبي ؛؛

اقتباس: والواسطة فوق القانون ( كانهم على خبري ) !!

ياحليلك يانقد للحين على خبرك وبزووود بعد ؛؛ مشاء الله عليهم عندهم امانه لازم ينفذون الواسطة ؛؛

اقتباس: واسألوا عن بنت الدكتور العمر كم نسبتها ووين دخلت

للامانه دخلت 3 أقسام ؛؛

فجررررررررررر ؛؛

حياك ربي اختي والله يوفقك ؛؛

اقتباس: و صحيح اللي ببريدة تقفل ؟؟؟

من الأساس لم يفتح هذا القسم أصلاً ؛؛

اقتباس: و بنفس الوقت ما أبغى أدرس إلا هالتخصص

إذا تبين تدرسين هذا القسم عليك بدارسته خارج نطاق منطقة القصيم او اختاري اي قسم ثاني وربي يوفقك ؛؛

[نقد التعليم]

[align=center]

هذي اهم التخصصات بكليات التربية لهذا العام 1427/1428هـ

لقيتها بأحد المواضيع





والجامعة مثل ماقلت لك ( طب - حاسب - اقتصاد وادارة )



[/align]

[$ فجر $]

يعطيك العافية يالغلا

مشكوووورة و ما قصرتِ

الله يوفقك دنيا و آخرة

( الدراسة خارج القصيم عندنا .. ممنوووووعة للأسف )

بس بعد إذنك عندي سؤال أخير

كلية اللغة العربية و الاجتماعية اللي بالبكيرية هذي إيش بالضبط ؟؟؟؟
( أقصد انو إضافة للغة العربية فيه اجتماعية _ اجتماعية_ << يعني إيش )
.
.
آآآآآسفة جداً

على الإطالة و الإزعاج

دمتِ بخير

فجر

[قهررررر أحبه]

والله يا نقد التعليم صاير عليك سوق منتالي
يا عيني على أسهمك صاير مرتفعه ودعايتك الله يدفع البلاء قويه
لا تستنجدون به كثير ترا بتخرب عليكم
بكرا راح تجيب لكم أخبار تنافي الصحه وأنتم ياغافلين لكم الله
هدووو اللعب معاها شوي
أشوفها ماشاء الله محتكره الأخبار الطازه هنا
تستاهلين والله


تحياتي ..