الأكيد ان هذا الموضوع نتيجة لأمور كثيرة تواجه المجتمع .....ولو نخصصة نقول المجتمع البناتي
والموضوع يتلخص بعبارة تلقاها مثل التنفيس اللي يلجأ له البنت وتقول (ياليتني ولد) ليه هذه العبارة؟؟
مثلا لما يكون في عزيمة ...والكل مستعد وتجهز....ويطلعون برا وينادون السواق....وأخيرا يلقون السواق مو موجود
وبعد جوله على جوالات الاخوان.... و على جوال الوالد
ويأس من ظهور السواق
وبعد جملة مافيه روحة
تلاقي صرخة تسبق هالجملة وتعبر عن الموقف بقوة
(ياليتني ولد )
وأحيانا تعزم صديقاتها
وتقولهم بكل الفخر
العشا علي ...لا ومن وين من الريف الايطالي ......طلبيه عشان خاطر عيونكم
هم ماعندهم سواق
لأن الوالد يقول عندكم 5 اخوان
(حنا مانحتاج سواق البيت كله شباب)
وإذا كانوا هالشباب
واحد مقفل جواله
والثاني بالبر مايوصل له الارسال
والثالث نايم بالملحق ولا في امل يصحى
والرابع بالغرفة ...وقافل على نفسه الباب ...ويقول لااحد يزعجني
والخامس مع عيال أخواله عندهم دورية
كل شيء يهون بس اللي مايهون ايام العطل
قبل العطلة يمكن بشهر
البنات حول الابو
يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
نبي نسافر ذا السنة
لا وانا ابوكم ذا السنة مشغول
عندي انتداب عمل
ويمكن عمل اجباري
و يجي الاخ يبه عن إذنك ترا اليوم رحلتي مع اصحابي
بنسير على مصر ام الدنيا كم يوم ونجي
هاه يأخوتي ياحلوين تامرون على شيء قبل ماأروح
إيه
سموا
ايش
(ياليتنا أولاد)
مثلا تلفون
أغلب العبارات التي تنقال على اللي تكلم
ايه تلفون 24 ساعة انتي ماتملين
بالله عليكم وش تقولون كل هالوقت
منهي ذي ؟؟؟؟ هذي صاحبتي....
توك شايفتها بالجامعة
قفلي التلفون .....ليه؟؟؟؟؟؟؟بس موب الزم كل ذي الهذرة-
يــــــــا لــــــيتني ولـــــد
العرض الشجري