من يرضى ان العمال ..يتعرضون لحريمه ...؟؟

[المؤمن بالله]

السلام عليكم


اخواني ..لماذا الغفله ...؟؟

هناك سكن خرب لعمال سائبون .. في اكبر شارع للمشاغل النسائيه في حي الصفراء..اغلب مرتادي الشارع من النساء .. والعمال جالسون في عرض الطريق
وفي كل وقت .. بجانب مكتب المزيد للعقارات ..
من الذي سمح لهؤلاءالعزاب بالسكن هنا...؟
ومن الذي اهملهم بهذه الطريقه ..!!
ناهيك عن وقت الصباح فجميع العاملات في تلك المشاغل (رايحات جايات ) للمطاعم والبقالات في نفس الشارع المذكور ,,,ولا مكدر ولا مندر،،
الصباح عمال وعاملات وفي الفتره المسائيه سعوديات وعمال يتفرجون عليهن
ويلمزونهن ويهمزونهن ...؟؟
انا أود ممن فيه غيره ان يذهب الى المكان المذكور وينظر بنفسه مدى صحة كلامي ...

لاأدري من المسئول عن هؤلاء..

هل هم كفلاءهم
ام المكتب الذي اجرهم بين العوائل
ام الجهات الامنيه
ام الهيئه
ام المواطن الغيور ..واالذي كل شي اصبح على عاتقه

وانا اقول اذا لم ننتبه نحن لمثل هذه الامور ..فلن ينتبه الموكلون بها


والسلام عليكم

[الكبري]

المسؤل الهيئه

بس اذا صارو رايقين



تحياتي

[مسافره بلا زاد]

يرفع للاهمية .....

[حجر]

أخوي الكبري
أرجوك عدم اتهام الهيئة بذلك
فهم مقصوصو الجناحين ، فلديهم أوااااااااااااااااااااااااااااااااااااااامر كثيييييييييييييييييييييييييرة فلذلك لايستطيعون أن يعملوا أي شي إلا بعدما تأتي الأوامر يعني
(( إذا سقط الفأس على الرأس )) والعاقل يفهم
أما أنت أخي المؤمن بالله
فأقول : أن من سكان أهل الحي المجاور لذلك الشارع وأرى بعيني صاحبات المشاغل ــ خاصة القادمات من شرق آسيا ــ الصراحة أن العمالة إذا رأوهن فسوف تحدث مالايحمد عقباه
خاصة ذلك المشغل الجديد الذي يقع بين سكنين من العمال والذي يقع جنوب مكتب المزيد العقاري :4:

[حي الصفراء]

انا اسكن في ذلك الحي وعلى مقربه من ذلك الشارع

نعم هناك عماله سائبه الهئيه لم تقصر البته

ولكن احمل المسئوليه للكفلاء... وعموما هم لايهشوا ولاينشوا

الف شكر

[عاصم]

المشكلة انة يوجد سوق سوداء ... جعلت المشاغل خسارة على اصحابها.......هذا ماقالة لي احد اصحاب المشاغل...
حيث يوجد شاميات وسودانيات ومصريات بالعمل بدون اقامة وبدون ايجار محل وبدون دفع اي ضريبة لدولة سوا برخصة محل او غيرة .........فقط مقيمات مع ازوحهن او غير ازوحهن ويعملن في البيوت السعودية فقط اتصل وهن يصلن؟؟؟؟؟؟

ومن العواقب الوخيمة التي يندى لها الجبين تغيير وادخال العادات التي لست لها صلة ........ ا بل مخلة في الاداب الاسلامية وتعليم السعوديات بعض الامور الدخيلة والمخجلة حقا .....
فكيف ينجرفنا السعوديات خلف هولاء المرتزقة...!!!!!!!
ومن المسؤل عن هولاء حيث واحد من هاشاميات تدور في السيارة مع ابن خالتها وعمرة 19سنة ؟؟وتلف البيوت لف من قص وصبغة ووونتف وووو غيرة
وامور استحي ذكرها....

من المسؤل اناشد الجوزات والهيئة التي لم تقصر ابد التدخل
حيث انة موضوع خطير جدااااا
للعمل على الحد من هذة الظاهرة المشينة....فدخول الاجنبة البيت السعودي بدون اي ظابط او عقد او جهة معروفة هذة خطيرة جدا لان هولاء مرتزقة وعندم تري البيت ومن فية وتقومو بصداقتهم ليس لللة بل لغايات خطيرة جدا منها ادخال الافلام
الخليعة للعائلات السعودية وشابات المرهقات وتعليمهن فن الموضة؟؟؟؟؟ومادراك فن الموضة؟؟؟
واللة الموضوع اخطر مما تتصورون؟


اعذروني........واللة استحي من ذكر مايقومون بها هولاء المرتزقة.!!!!!

[عبود]

صدقة يأخوي ....صحيح نعاني من هذه المشكة صحيح راعي المكتب ماعندة غيرة على بنات بلادة

[الكبري]

مقصوصي الجناح تعرض لأمرأه


وشف اذا ما مسحو بك ألأرض


منعو عن البزعه لأن فيه من أعضائهم المتسرعون


وبعدين الأصل الستر ماهو نزع الأعتراف


لقصة ماعز

والمرأة التي امهلها رسول الله صلى الله عليه وسلم




منعو من عدم حمل العصي لأنهم ماهم في حضيرة حيوانات

والتحقيق لأنهم ماعندهم المعلومات الجنائيه

ولم يدرسو فن التحقيق


أقسم بالله اني أتمنى لهم كل خير

والتوفيق

ماأبغى أحد يزعل مجرد رأي ونحن هنا للحريه في الراي الصحيح

تحياتي

[مخضرم بريدة]

السلام عليكم

اولا ياخي العمال ماعنهم غطاء عادي خلهم على راحتهم

مهوب بس الي تكلم عنهم لا والي بالمطاعم وتوصيل الطلبات

الي فتحت باب شررر لا يعلمه الا الله واصبحو اغلب راعين

توصيل الطلبات خصوصا من الاتراك والسوريين انواع

العلاقات حتى انهم يوصلوون الدخان لبنات صغيرات السن

وهذي شهدها احد الشباب عموما الاجنبي ماعنه غطاء

اهم شي لا يصير سعودي اما من ناحية الهيئه نفس الحكايه

اذا سعودي ياويله وسواد ليله واما اجنبي فجاي يترزق الله

واذكر قبل فتره كنا طالعين على الدائري وكنا نغني

يعني معنى عود ونعزف ونغني جو رجال الهئيه لنا وقالو نبي

ناخذ العود المهم قلنا يالطيبين اجلسو خلو نسولف قبل وقمت

انا وقلت لهم عن حال الاجانب ليش ماينتبهون لهم تدري وش رد راعي

الهيئه والله العظيم انه قال الاجانب مايطلعون يعزفون عود ؟؟؟؟؟؟؟؟

قال واحد من الشباب صح بس لا عبين بشرف النساء واضن عزف العود

اشد من هتك الاعراض عموما يابعدي لا تحمي تسبدك واقع مريرر

ونعاني منه من زمان وحلاق صالح وغيره من الحلاقين الي انواع العلاقات

حتى ان فيه صوالين حلاقه يحطون رقم التلفون على قزاز الباب؟؟؟

او تحصله يجلس برى المحل خاصة اذا كان جنبه مشغل او خياط نسائي

والمصيبه والادهى والامر ان الي بالمطاعم والحلاقين من السوريين والاتراك

هم من العلويين الي يكرهون الي من بلدهم اذا سني مابالك بنا حنا والمعلومه

هذي اخذته من تركي سني الي هم يكسرون اللغة العربيه تكسير والعلويين

هذولا حاطين في بالهم اننا كفار (( وهابيين)) ومفتى لهم من مضلينهم الي هم

مشايخهم بانه يجب عليه ضررنا حتى لو تفل بالاكل قبل يجيبه اكرمكم الله

وهذا واجب شرعي عليه اضافه انه يجيب عليه ضرر الناس هنا باي طريقه

اذا سمحت له الفرصه واذا كان الموضووع عقدي فاضن هذا يكون خطير

ولكن السؤال هو الى اصحاب المحلات هذي الي قدمو المصلحه على درء المفسده

حتى ان فيه صوالين حلاقه يجيبون فتيان صغار بالسن لاغراء الشباب؟؟؟

ولا تغركم المعامله الحسنه والاخلاق الزينه والله العظيم ان بقلبه نار تغلي

ولكن هذي من التقيه الي بمذهبهم اما من ناحية الهنود والبنقلا بالبقالات

فهم مع الاسف يتحرشون بالاطفار بريال وريالين وهذا رايته بام عيني وانا

لابس لباس اجنبي وعلى فكره ترى البنقالي خاصه يستهبل لاقال مافيه

معلوم هذا شعارهم والهئيه مثل ماقلت لكم جودهم على ولد البلد

مثل مالبنت تحتشم قدام ابن البلد وخاصة بالمحلات اذا صار اجنبي تكشف

بس سعودي لااا شريفه عفيفه اضف الى هذا وذاك التحرش بالنساء بالمحلات

والاحتكاك بهن جسدياا في الزحمات والمصيبه ان اي وحده تتعرض لمثل

هذي المواقف وتكون شريفه لا تخبر احد تدرون ليش لانها تخاف ان اهلها

يمنعونها من الذهاب للسوق مره ثانيه وا وا وا ياكثرر الشي

ولكن الى الله المشتكى..............

[الحكي الاكيد]

تدرون وش مشكلتنا ياجماعه

ثقافة الحريم عندنا (0) يعني مافيه ثقافه ابد ماعليش تراي بديت من الرد الاخير حق ( المقررررش ) يعني هو يقول حقين توصيل الطلبات يسوون ويسوون ؛؛ وحقين البقالات والسوق ووو الخ

ترا اول مايجون للسعوديه الواحد منهم يخاف من ظله ،، لكن لامنه شاف ان المره تسولف معه كأنه اخوها وتضحك وتكركر ،، وانه اذا سوى لها شي ماتعلم ؟؟

خلاص وش يرده ..!! والمشكله هالحين لاشافت السعودي خطير تطيح
على وجهها من الفشيله (المصطنعه ) وتلقاها تقول ( هوه..! جا رجل )
طيب واللي قبل شوي وشهو ؟؟

ارجع لموضوع سكن العمال اللي بين المشاغل ،، كأني شفت رد واحد من الشباب يقول العمال ( مايهشوأ ولا ينشوا ) هالحين حنا نشره على الحريم
ان بعضهن عندها هالمبدأ واثره طلع لنا رجاجيل ثقافتهم(0)

والله ان وضع السكن في المكان المذكور خطير والمسئول الاول والاخير المكتب اللي اجرهم في هالمكان والمفروض الهيئه ماتسمح بمثل هالشي
أو يمكن انهم يعرفون ( ابو مزيد )

[الداحوس العمى]

لعنبوا مانيب قايل

لكم فوق الشهر صراخ وش سويتوا ؟؟؟؟؟؟؟؟؟؟؟؟

لا والمصيبه العضمى ان الشباب اللي يطلع علي الموضوع عرف وين الفساد

ماقصرتوا واعيباه

ذبحتوني هلعيال والبنات جاين من المريخ لعنبو××××

هذولا عيالكم فكل واحد يجب ان يكون عسكري وعقاري وهيئه علشان

هالديره تبقى كما نعرفها

[الكبري]

خل الحريم الثقافه ((0))

تدري ليش


علشان مايتمدنن


وبعدين تصير أم جيراننا معه ربع

وبنته معه كامري



تحياتي

[الحكي الاكيد]

الثقافه اللي انا اقصدها هي الثقافه الاجتماعيه
ماهي ثقافة الدراسه او التلفزيون اوغيره
يعني حنا وخصوصا اهل (نجد) الفجوه متباعده مابيننا وبين حريمنا
يعني ما نحاول نفهم بعضنا
ولا نعطي المراه مجال انها تشرح وضعها او مشكلتها
يعني مانحاول ندخل انفسنا
ولذلك ينمو في ذهن المراه النجديه الحياء المذموم
هذا ماكنت اقصده بالضبط

[المؤمن بالله]

نعم ..

وكما تفضل بعض الاخوه ...

الموضوع قديم ولم تحل المشكلة حتى الان ...؟؟ لماذا ... ان العمال في مكانهم

والمشاغل بازدياد ...

لم نرى اي تحرك من الهيئة اوغيرهم ممن يعنيهم الامر لإزالة سكن العزاب من هذا

الموقع ...!!

سينقلب هذا الموقع الى شارع خبيب آخر .... لكن بشكل مختلف ... وهو السماح

بلاختلاط والتحرش وخلط الحابل بالنابل ....

عمالة سائبه ...توزيع للدخان بالمجان على صبية الحي ...وغير الدخان ادهى ...

مع مضايقة النساء المحتشمات ...

لماذا ياهيئه .....؟؟؟؟؟؟؟

لماذا المداهنه ....لماذا مجاملة اصحاب العقارات والمكاتب ...؟؟

اني استبعد ان تكونوا كذلك ... لكن... لم ارى اي تحرك منكم ...

يجب ازالة هذه الاوكار وابعادهاإلى احياء اخرى تعج بالعمالة والعزاب ....

سيجد كفلاء العمال ( ان كان لهم كفلاء ) مسكنا بعيدا عن فتياتنا وصبياننا







انا لله وانا اليه راجعون

[حامل المسك]

الكبري اشوفك متحامل على الهيئة......... والله عجيبة
ليش جايك منهم شي........... بعدين هذي نصيحة من حكيم لك ولأمثالك :
(( يابني إياك إذا سئل غيرك أن تكون أنت المجيب كأنك أصبت غنيمة أو ظفرت بعطية ، فإنك إن فعلت ذلك أزريت بالمسؤول ، وعنفت السائل ، ودللت السفهاء على سفاهة صمتك وسوء أدبك )).
فأنت يالكبري ألا تعلم أن الهيئة نصرهم الله هم حماة المجتمع بعد الله ......
فمن أنت يالكبري حتى تتكلم عن الهيئة فكأن لقمان الحكيم قصدك بهذه الكلمات الحكيمة ( لا يعد حكيما من لم يكن لنفسه خصيما ).
أنظر ما في نفسك الذي جعلك تتحامل على الهيئة هل أنت على حق أم لا .
الكبري ........ إن سلامة الإنسان في حفظ اللسان .ولا تقل مالا تعلم وإن كثر ما تعلم.ورب كلمة قالت لصاحبها .....لا......
الكبري........... أخاك من صدقك ونصحك وإن خالف صدقه ونصحه هواك.
*****قال أحد الحكماء يوصي إبنه :
( إياك والعجلة فهي أم الندامة ، فصاحبها يقول قبل أن يعلم ، ويجيب قبل أن يفهم ، ويعزم قبل أن يفكر ويذم قبل أن يخبر ).
إذا إنتبه .......يالكبري ..........فلسان العاقل وراء قلبه وقلب الأحمق وراء لسانه.