السلام عليكم ورحمة الله وبركاته
حياكم الله جميعا
أشغلون واشغلوكم ، قاطع الرحم صار يرسل باليوم 300 رساله ، ارقام غريبه صارت تلعب بالرسايل ، نااس فاضيه لو يعطس ارسلك رساله يعلمك انه عطس ، او يقول قوموني الساعه 7 الصبح ويرفق في النهايه (( رسله معممه لجميع العائله ) وهنّك تحتح او تعارض والسبب ؟؟ الرسااائل المجانيه ببلاش ! أعووذ بالله الله يقلع اللي فكر بالعرض ذا ؟؟ ودي ادري ويين مغبي عقله يوم يفكر بهالقرار ، أتوقع انه يا ناسيه بدرج السيارة ولا انه ماهنا مخ ! زاااد مايدري ان عندنا مشافيح لو يطرون ان هالشي ببلاش تلقى كل هالعالم عنده !
قضينا من هالمقدمه << اح اوك كل ذي مقدمه
انا كلامي كله مدروس بنظريات عديده وفي مختبرات عالميه مثل المختبر الشهير (( تسبرة البطي بمزرعه بالصباخ )) وايضا على تسبرات عديده في أرجاء هذه المدينه العامرة وتوصلت الى نتائج مؤكده جدا !! منها :
1/ الناس راح تهجر صندوق الوارد
2/ تبي تنسى نغمه الرسائل
3/ ستكون هناك كميات كبيرة من مرهم الاصبع الدبي لآن الناس مهب مرسلين شي عقب هالشهر
7/ رسايل عيد الفطر وعيد الآضحى مهب صاير لهن حس لآن أغلب الشعب هنوهم بهالشهر فلذلك ماله داعي التكرار
13/ سيقل الضحك لآن الرسايل صارت بقروش فلذلك مانتب مستقبل اي نكته توسع صدرك
23/ بيفسقون الخلق لآن الرسائل التذكيريه ورسائل الوعظ ستقل وربما ستنقطع جذريا
36 / سيمتلئ صندوق الرسائل برسائل الكول مي لآن العالم دااجه
والكثير الكثير من النتائج المبهرة والعلميه //
برآآآيفت لدريم //
ماقلت لك إني راح افيدكم من علمي الوااسع والفسيح ، بس انت حاقرن ياويلك من الله ص1
وختاما لدي دليل قاطع ان هالآشياء اللي فوق بيتحققن وهي رساله واصلتن قبل قليل ،، هآآ أنا اسلم المايك لجوالي العزيز حتى يبدا بالحديث
ااحححم بسم الله
تقول الرساله
سأظل أغلييك ولن أنسآآك حتى تموت أشجار قلبي ويتساقط نبضها على دربي !
حتى تذبل أزهارها ويحترق عطرها في صدري !
حتى تجف بحار أشواقي وتضمها موجه في أعماقي !
|~[ سأظل أعزك وأشتاق إليك ]~|
|~[ سأظل أعزك وأشتاق إليك ]~|
|~[ سأظل أعزك وأشتاق إليك ]~|
|~[ سأظل أعزك وأشتاق إليك ]~|
حتى ينتهي العرض وتصبح الرسائل بدراهم وبعدها سامحني !
لآني !!
سأسحب عليك |~
سأسحب عليك |~
سأسحب عليك |~
سأسحب عليك |~
كتبته على عجل ، آمل أن يحوز على رضاكم لآني أول مرة اكتب الصراحه :) !
’,.
العرض العادي
