خياس x خياس

[" TWIX "]

اليوم طالع من الدوام وزهقان تعرفون حرنا اللي ما يعرف المزح ولا يعاملك إلا بوجه مقطب
تصدقون إني كل ما طلعت من الدوام أفصخ شماغي وامسك الدركسون
بطرفي شماغي من الحر والمكيف من شينه لا لفيت للبيت بدا يبرد
المهم مالكم بالطويلة ..
يوم دخلت البيت وأثر الأهل ينتظروني على الغدا ويلاقين الدحمي يقول
لي تأخرت يا خوي الديدان أحسهن بدن يأكلن من سبدتي ...!!
ما رديت عليه وسفهته كالعادة يوم فصخت كنادري طاح أخوي على الأرض وبدا يرفس
وأختي فطيمة جاها تشنج بالمطبخ وخوي إبريه نازل مع الدرج فقد توازنه وتدربي لآخر
درجة أما الشغالة الإندونوسية بدت ترقص على أغنية سامري..
أما أنا كالجبل لم أهتز ولم تؤثر بي تلك التفاهات لأني خشمي معتاد على الوضع ومتأقلم على أي تأثير خارجي وشلت هالعالم لأقرب أسعاف
وجدعتهم والدكتور يناظر شغله قالي الدكتور أنتم عايشين بيارة قلته أحترم نفسك ...!!
المهم..
يالأخوان أنا أبي أي بخاخ لكنادري اللي غاشن فيهن البنقالي معطين بقايا كفرات ابن الكلب ..!!
بصراحة أنحرجت من العالم تصدقون إني مخفس جوانب الكنادر أنفس للريحة .
لا رحت لزواج أفصخ الكنادر وآخذ 4 لفات على القصر على شان
أطرد الريحة الخايسة ..!!
ومديري بالدوام لا نسيت يمين وإلا يسار عرف وين أنا بريحة كنادري ..
ويوم أنا صغير لا ضيعتني أمي بالسوق تمشي على الريحة ..!!
تصدقون اني احط رجليني في قدر على الضو والموية تقلب من الحرارة الين تصيري رجليني
نص استوى وبرضو الريحة تلعلع وملطفة الجو ..

أبتلشت مع الريحة يا عالم ..
أي واحد يا شباب وأنتم يا بنات عنده بخاخ , عطر , عصار , بودرة , زيت فرامل
قطوه هنا..
قبل لا اخربها واداوم حافي...!!

تشاوووو ..

[ريانكو]

ياخوي تراي ارد عليك وانا متلثم وه بس خياس

طيب يا خوي وش حدك على الكنادر البس نعال
او شكلك حارس امن
عموما الشغل مابه عيب العيب بالريحة الايسه
تصدق جاني مواج من موضوعك الله يقلع بليس عدو ريحتك

تشاااو

[أســماء]

خخخخخخخخخ رحمتكـ

خلاص مو مشكله لا تلبس كندار ! البس دسّ ............

[نرسيان]

صدقت عندما قلت

اقتباس: أما أنا كالجبل لم أهتز ولم تؤثر بي تلك التفاهات لأني خشمي معتاد على الوضع ومتأقلم على أي تأثير خارجي

المشكلة انهم مايحسوا بحجم المشكلة التي هم سببها الا بعد رؤية اثرها على الناس ولا يفهموا التلميح ولابد من التصريح لهم
المشكلة علاجها بسيط الاهتمام بالنظافة الشخصية ونظافة القدمين تحديدا
واذا كانت المشكلة اكبر كوجود فطريات بالقدم من قلة النظافة فليبدأ بالعلاج اولا
twix
أسلوبك الساخر قد يفيق احدا من غفلته ويبدأ بشم رائحة قدميه
دمتم بخير

[&نجدية كووول&]

وكل هاذا ومازلت تلبسهن بعد

رح لمحلات جزم ماركة الجلد بتاع الجزم يكون أصلي

أنتم من الكووود اللي بكم تشرون من الخبيب وطاااااااااالع

وتراا ياأخوي فيه شي أسمه صندل

وأزين حل أنك تمشي حاااااااافي..

[" TWIX "]

نرسيان

اقتباس: واذا كانت المشكلة اكبر كوجود فطريات بالقدم من قلة النظافة فليبدأ بالعلاج اولا twix

شكلك ما دققتي بالسطر هذا
88888
تصدقون اني احط رجليني في قدر على الضو والموية تقلب من الحرارة الين تصيري رجليني
نص استوى وبرضو الريحة تلعلع وملطفة الجو ..

[" TWIX "]

اللبناني / ريكانو...

اقتباس: ياخوي تراي ارد عليك وانا متلثم وه بس خياس

موضوعنا هذا يعاني منه مجموعه كبيره من أبناء شعبنا الجربانين وأنا وأنت أثنين منهم..
الحين صارت علامه فارقه .. اذا شفت واحد كنادره مافيها ريحه تراه مهوب سعودي ..

اقتباس: او شكلك حارس امن

الدوام يفرض علينا الكنادر جعلك تستخدمها بيوم من الايام كمامة ..
خبرك كهربائي ولازم الزرادية والجزمة عشان ماتكمل الدائرة الكهربائية
وأصير انا السلك اللي يولع اللمبة ..

[" TWIX "]

أسماء

اقتباس: خلاص مو مشكله لا تلبس كندار ! البس دسّ .....

واحد من الشباب يقول لكل شخص ميزة وأنت ميزتك ريحتك ...!!
وش رأيك بما أننا في الصيف وأخوك مو بحاجة للكنادر ألحين ترسلين لي كنادره
ووعدك أول ما يجي الشتاء أرجعهن وارجع لبقايا الكفرات لأن الريحة مع الجو البارد
بتتطيح النصيفه وأنا لك من الشاكرين وش قلتي ...؟!!

[رحّــال]

تويكس

اذا حصلت حل حق كنادرك

دورلي حل حق شطوب رجليني فشلت من نفسي كل ما اشوفهم اقول هذول مهب رجليني ,,,

على إني مرغد نفسي ما ألبس إلا جزم غاليه
بس مادري منين بالضبط هالشطوب ,,


ماذكرته أخي تويكس
هو الواقع للأسف
فهل من يأكل البصل يحس ويشم ريحته ؟؟؟
أبداً ولكن الآخرون هم من يتأذون في ريحته ,,

وكما هي الحال مع روائح الكنادر والروائح الأخرى المنبعثة من الجسم ,,

[" TWIX "]

نجدية كووول

اقتباس: أنتم من الكووود اللي بكم تشرون من الخبيب وطاااااااااالع

الخبيب أعوذ بالله
مشتريهن من بنقلاديشي من عند مسجد حارتنا وتصدقين أنه حاط تراب يقول أوط عليه ثم
يأخذ مقاسك ..!!

اقتباس: وأزين حل أنك تمشي حاااااااافي..

أنت ما مبلبطة بالبيت ولا كد طلعتي في عز الظهر كان تقولين يا حبيل كنادر توكس وريحتهن وينهن بس ..

[أســماء]

اقتباس:  المشاركة الأصلية كتبت بواسطة ..twix..     [align=right]أسماء واحد من الشباب يقول لكل شخص ميزة وأنت ميزتك ريحتك ...!! وش رأيك بما أننا في الصيف وأخوك مو بحاجة للكنادر ألحين ترسلين لي كنادره ووعدك أول ما يجي الصيف أرجعهن وارجع لبقايا الكفرات لأن الريحة مع الجو البارد بتتطيح النصيفه وأنا لك من الشاكرين وش قلتي ...؟!![/align]

خلاآآص ارسلي العنوان وابشر بالأرساااااال خخخخخخخخخ ..

اكسب بك خير اوذيت خلق الله

[سيف وفيصل]

توكس قرف اشم الريحه ذكرتني وقت الانتخابات البلدية يوم جاء التصويت جا لمنا فرقة أمن سبعة عشان النظام وقعدوا بفصل بالمدرسة والله ياريحة الفصل إلى هالحين لها كم سنة من الكنادر والشراب!
وبعدين تعال قلي وين اللي يبي يفتح قناة ونتشارك أو خلاص أشوفك عرفة الشغلة وبديت لحالك !!

[نرسيان]

اقتباس: تصدقون اني احط رجليني في قدر على الضو والموية تقلب من الحرارة الين تصيري رجليني نص استوى وبرضو الريحة تلعلع وملطفة الجو ..

نص استوى
طيب خليها لحد ماتستوي بكاملها يمكن ينفع

[" TWIX "]

رحال ..

اقتباس: دورلي حل حق شطوب رجليني فشلت من نفسي كل ما اشوفهم اقول هذول مهب رجليني ,,,

مهب رجليك ..
شوف يا حبيبي رحال
شطوب الرجلين اللي تعاني منها بسبب الروائح الكريهه المنبعثه من كنادرك الخايسات
مما سبب تشققات على خف الرجلين ..
يعني يا رحال يجب عليك معالجة السبب أولا ..!!
(شايفك تكاسر البنقالي )
الله يشفيني ويشفيك ..
عاد البنات إيقال كنادرهن ما بهن ريحة أذكر مرة أم جيراننا زات أمي ونزلت كنادرها عند باب الحريم
وبثواني الريحة بالدور الثاني وآخذ كنادرها بعصا المكنسة وطاق اللطمة ترى ذا الكلام قبل ما أعرف الكنادر وإلا الحين عندي مناعة ...

[" TWIX "]

سيف وفيصل ..

اقتباس: توكس قرف اشم الريحه ذكرتني وقت الانتخابات البلدية يوم جاء التصويت جا لمنا فرقة أمن سبعة عشان النظام وقعدوا بفصل بالمدرسة والله ياريحة الفصل إلى هالحين لها كم سنة من الكنادر والشراب!

يلعن إبليس حامت سبدي وعععععععع >>> إيقالي أقطر كلوركس من النظافة ..
قل والله إني ما عرفتك ..؟!!
أنا قبل ما أترفع لكهربائي كنت حارس أمن وأذكر جينا ومسكنا الأمن في أنتخابات الكونقرس البريداوي ..

اقتباس: وبعدين تعال قلي وين اللي يبي يفتح قناة ونتشارك أو خلاص أشوفك عرفة الشغلة وبديت لحالك !!

حرام .. كان أصرع المشاهدين من خلف الشاشة ..