صار هو صاحب القهوة اللي في بريدة أو المدير حق المحل

[ملك999]

أنا عنيزاوي ساكن الرياض جيت للقصيم الخميس والجمعة الماضي ورحت أودي أمي وخالتي لسوق النخيل ونزلتهم ورحت لكفي قريب منه (طحت فيه بالصدفة) وحصل أمامي موقف داخل الكفي يستحق الذكر.... بالضبط قبل أربع أيام من اليوم جلست بجلسة بالمقهي المذكور وجاء مجموعة عددهم كبير(حوالي13شخص)مابين شباب وصغار ومعهم واحد كبير بالسن وأخذوا ثلاث جلسات كاملة ( وحاسوا المكان وترتيب الجلسات بشكل مو حلووو) وقال واحد من اللي يعملون بالكفي ياليت تترتب الجلسات لانه كذا غلط) طبعا لم يستجيبوا.... واصبح منظر موحلوووو بل جمال المحل إختفى ... المهم طلبوا طلباتهم (عشاء وعصير ثم القهوة).. طبعا الوضع إلى الآن عادي بعد مرور ساعة دخل واحد للمقهى وإذا بإصطف الكفي يخترش وش القصة ما أدري ؟؟؟
وقف عند الكاونتر وعيونه تحمر وتصفر وتسود وتتلوون بجميع الألوان وبدأ يتكلم مع واحد من الفلبينيين أتوقع إنه المدير حق الكفي ... وبدأ يتكلم معه بالإنجليزي ويناضر بالناس اللي معهم الرجال الكبير ... طبعا أنا جلستي فردية عند العامود يعني جنب الكاونتر وقاعد أسترق السمع لا سيما إن معي شوي لغة وقاعد أسمع ...وش يقول هالرجال للفلبيني ::
قال بلهجة السخرية ولهجة واحد مقهووور... قال الشكل هذا صاير عندك ولا عند الجيران ؟
ضحك الفلبيني أو بالأصح إبتسم .. قال الرجال أنا قاعد أسأل ما قاعد أنكت ..!!!..؟؟ جاوبني ... أنتظر منك إجابة ؟؟
رد الفلبيني بالنص ::
هذا القروب تم طلبهم بأن يعتدلوا عدة مرات ولم يمتثلوا (أنا شخصيا حاولت معهم ثلاث مرات وارسلت لهم أحد الويترات ولم يستجيبوا .... رد الرجل ... وهذا هوالحل ؟؟؟ (ياويليه الحمدلله إني ماني الفلبيني والله ياعليه نظرة بعيونه تخليك تعترف باللي قدامك واللي وراك)
رد الفلبيني وقال أنت بنفسك سبق وأن أعطيتنا تعليمات وكلنا موقعين عليها ولم يخرج أحد منا عن هذه التعليمات ... رد الرجل بصوت يخوف .... قال أنا أعطيتك ووقعتك على تعليمات إنك تحول مكان رائع وهادئ لمكان تجمهر وإزعاج وتخلف ؟؟
قال الفلبيني أنا وكامل القروب وقعنا على إن الرجل الكبير والمرأة في السعودية لهم معاملة خاصة وأنت بنفسك سبق وأن قلت في أحد الإجتماعات السابقة بأن كبير السن والمرأة يجب أن يحترموا حتى ولو على حساب الشركة فأنا وإياهم شركاء ...
بعد ذلك إلتفت الرجل على الجلسة وقعد يناظر له شوي وقال للفلبيني أنا ما أشوف كبير سن معهم رد الفلبيني وقال معطيك ظهره للخلف ...راح الرجال وتبين للجلسة وشاف الرجل الكبير ...رجع للفلبيني وطلع من جيبه 200 ريال واعطاها الفلبيني وتشكر منه (طبعا الغريب إن الفلبيني بدأ يصيح بعد ما أعطاه ال200ريال !!! شكلها دموع فرح....)
مهب بس هذا مربط الفرس ... نزل الرجال للجلسة حقت الربع وسلم على الشويب وحب راسه ثم قال للشويب أنا اليوم سعيد ومبسوط لأنك شرفت محلنا وبالمناسبة ياعم قهوتكم علي وقهوة الموجودين بالمحل كله علي.... الشويب يقول لا الله يجعله عامر باهله (سولف معهم قرابة الخمس دقايق) بعدها قام وراح للفلبيني وقاله كل المتواجدين الآن فريييي(مجانا)
طبعا أنا للأسف كانت فاتورتي 17 فقط ولو دريت كان طلبت المحل كله وعزمت ربعي ... بعد ذلك طلعت وبالصدفة قابلت الرجال جالس بالجلسة الخارجية يقرأ كتاب ... وقفت عنده وتشكرت وقلت إني قاعد أسمعك من دخلت لحد ما طلعت قعدت أمدح فيه (ويستاهل والله) مهب عشان ال17 ريال لا والله بس كوني أسوي قاعدة مع العاملين بأن الرجل الكبير والمرأة شركاء معي بالشركة ... هذي والله أول مرة أسمعها في حياتي(وما طلعت إلا من أدب وذوق وأخلاق وتربية) تدرون من صار ...؟؟
صار هو صاحب القهوة اللي في بريدة أو المدير حق المحل المهم بيده الحل والربط.... وللأسف ما تعرفت عليه وكان بودي سألته سؤال بس والله إستحيت .... كان بودي أقوله .. وش معنى حاط هالقوارير اللي خلف الكاونتر !!! وهل واجهت نقد من الناس ؟ والظاهر ما واجه أي نقد إلا إذا هو عنيد وماله ومال كلام العملاء
وفالآخر صدقوني التجارة ذووووق مهب المسألة بيع ومشترى فقط[/b][/b][/b][/b]

[Queen of buraydh]

نعم التجارة ذوق وتعامل واخلاق ايضاً ..

بارك الله فيه , وبارك الله له في تجارته , ورزقه الرزق الحلال الطيّب ..

واسعدك الله على موقفك النبيل في تعزيز موقف صاحب المحل ..

[صريح جد]

دعاية مجانية لصاحب المحل وبعدين كبرت الموضوع وخليتة عمل بطولي وشجاعي

[الشاعر الشرقي]

حياك الله وبياك ياملك 999
وكما قال الشاعر
انما الأمم الخلاق مابقيت
فأن هم ذهبت اخلاقهم ذهبوا
ونعم الرجل صاحب هذا الكفي فقد حصل لي معه موقف وهو اني كنت اعمل في احد محلات الراجحي وذات مساء طلب مني العمال في المحلات الجاورة لمحله هناك او(كشك)القهوة هناك
ان اكلم صاحب المكان ليخفض لهم اسعار الشاي خاصة بأنهم جيرانه ففعلت مترددا ولكني وجدت نفسي كأني اعرفه من حسن اخلاقة ووافق على طلبهم حالاً جزاه الله خيراً وبارك الله له في ماله وولده.

[" TWIX "]

[align=right]يا حبيله راعي الكوفي [/align][align=right]
والله يوفقه ويرزقه ـ وتشكر على نقل القصة وعدم طيها في صفحات الكتمان
لنرى الصور المشرقة في شبابنا التي لطخها القلة .

اقتباس: قال الفلبيني أنا وكامل القروب وقعنا على إن الرجل الكبير والمرأة في السعودية لهم معاملة خاصة وأنت بنفسك سبق وأن قلت في أحد الإجتماعات السابقة بأن كبير السن والمرأة يجب أن يحترموا حتى ولو على حساب الشركة فأنا وإياهم شركاء ...

تعالن يالحريّــم هنا
شفتن مكانتكن عندنا ..وشفتن الأحترام .. لا يغركم من يطبل ويزمر في الجرائد ووسائل الإعلام والله حاقدين على عفتكن والتزامكن .
صاحب الكوفي رسم في ذهن العمالة المتواجدة أن النساء عندنا شيء آخر , له احترامه ومكانته يجب أن نقف لها احتراما
ولكن ..
لو أن كل من جلب عمالة وافدة ووضع لهم اجتماعات دورية وشهرية يغرس فيهم احترام هذا البلد وخصوصيته لما رأينا كثيرا من التجاوزات من قبلهم


[/align]

[ملك999]

Queen of buraydh // أشكرك على مرورك .. وعلى فكرة تعزيزي لموقف صاحب المحل ... كان واجب لأنه إحنا الشين ما يفوت علينا ... وياليت الزين برضه مانفوته .. عشان تكون المعادلة موزونة ... أشكرك

[ملك999]

صريح جدا ... حرام عليك كل هذا وتقول خلته موقف بطولي !!!! واش البطولة في نظرك ؟؟
أشكرك على المرور

[بقاياجروح]

طططططططططططططططططططططططططيب

[الرأي الأول]

حسن الاداره ونجاحها يكمن في كسب الاخرين

ويتبين ذلك في المواقف القويه التي يكون متخذ القرار يتخذها اما م موظفيه

[خلــ ابو ــيفة]

شكرا على الموضوع

[أمجاد بريدة]

الصررررررررررراحة

توي ادري ان في ناس ذوق وأخلاق كذا

احس هالنوعية من الناس اندثروا

ولا انتم ما تتفقون معي

مشكور اخي على هالطرح الحلو

[دوار الساعة]

لا تعليق !!!!!!!!!!!!!!!!!!!!!!!

ليتك تجي كل خميس وجمعة ...

[مادموزيل]

الله يبارك له برزقه,,ونعم االاخلاق
مشكور اخوي.

[ثامر الناصر]

ودي أدري وشو الموقف البطولي اللي سواه صاحب الكوفي عشان نكتب له هالقصة .. اعتقد ان ماقام به شي عادي ..

[ولـ’ـد بـريـ’ـدة]

ونعم الرجــل ..


ألــف شكر اخوي ..