عرض مشاركة واحدة
قديم 07-03-08, 03:32 am   رقم المشاركة : 27
ثامر الناصر
أبو الــولــيد
مشرف عام العلاقات العامه
 
الصورة الرمزية ثامر الناصر






معلومات إضافية
  النقاط : 10
  المستوى :
  الحالة : ثامر الناصر غير متواجد حالياً

وهذه قصيدة من محفوظاتي للشاعرأحمد الناصر
قالها بمناسبة الصعود عام 1419 هـ

((( فارس بريدة )))



جيت للرائد وشفت الإزدحـــــام
قلت0 فازوياعسى فوزه مديــــــم

واسجعت بلحونها كل الحمـــام
واهتفوا له كل سكان القصيــم

ياسلام وياســلام وياســـــلام
ياخبيربالميادين وحكيـــــم

الف تقدير وتحية وإحتـــرام
للذي خطط وتنفيذه سليـــــم

قلت رائد فز تاريخك وقـــام
يروي الإنجاز من عهد قديـــــم

صفحتك بالعز تكتب كل عـــام
عاشق للفوز وإختارك نديـــم

وافي لاقلت برهنت الكـــــلام
باجمل الأفعال واذهلت الغريم

واثق تأخذ مرادك بالتمــام
وللهدف دايم طريقك مستقيم

بالتحدي حايز لاعلى وســـام
وإنتصاراتك على دروبه فهيم

أحمر كالدم وأبيض كالغمــام
مع سواد يشبه الليل البهـيم

أنت عدت وبالثريا لك مقــام
كيف تصعد وانت بالعليا مقيم

لاعبينك مع إدارتك إنسجــام
من سببهم كل خصم يستضيـــم

ماتعرف الخوف والا الإنهــزام
في شباك الخصم بأهدافك كريم

من نوى يقرب حدودك ياهمــام
شافك الإعصار لوكنت النسيــم

في دروب العز نظراتك أمــام
صافي جوك وجو البعض غيــــم

لابديت اللعب وأمسكت اللجام
عذتك بربي من إبليس الرجيم

أنتصاراتك تتابع بالــدوام
فرحة للشيخ والطفل الفطيـم

لابغيت الفوز سددت السهــام
مانتظرته بين سين وبين جيم

من يحبك وافتخربك مايــلام
ياكثر ماسقيت مرك للخصيــم

مثل مانمدحك تمدحك الأنــام
ومايسبك غير جاهل اوغشــيم
ـ
طابت أيامك ودام العز دام
عارف دربك وجمهورك عظيــم

لالعبت وفز جمهورك وقـــام
الرعد والبرق متبوع بديــم

وين ماسافرت لك حب وغـرام
كن جمهورك بكل ارض يقيــم

أنت حب وعشق لاوالله هيــام
كم قلوب وكم ألوف بك تهيم

لاوصلنا الجد شدينا الحـزام
واعتزينا واستعنا بالرحـيم

ماأنتزعنا هالسيادة من نيام
ولاسرقناها من كفوف اليتــيم

ماخذينه بإجتهاد وبالتزام
بالكفاح وبالتعب والله عليم

مفطرين فوز واللي صام صــام
واتركوا باقي السوالف للحريم!

قلت رائد صوتوا قل بالختــام
فارس بريدة سفير للقصــــيم







التوقيع




للتواصل معي عبر التويتر والانستغرام
Thameralnasser@

سناب شات
T.0011
رد مع اقتباس