صحيتي القلب واخلفتي موازينه
وانعشتي الروح وارويتي شغاياها
ياشين وقت(ن) صحيتي بي ويا زينه
رحتي محل بس جيتي حدرت ماها
اللي يعزك أمانه ما تعزينه ؟
قولي تراي احترق واموت واقراها
واللي يجازيك قلبه وش تجازينه
واللي مرض بك هوى .. نفسه وش دواها
ماني بنيشان قدامك تغزينه
والناس عبت مخازنها نواياها
الغصن مايل بليا لا تهزينه
واوراقه احلام نومه يا تهقواها
غلاك باقي لو العربان عازينه
واحساسك اللي قتلني .. روحي احياها
قدامك العرق حتى لو تحزينه
ياصاح يصرخ .. ( حبيبي ليه سواها )