[احساس خجل]

السلام عليكم ورحمة الله وبركاته
أول سؤال يجي ببالك .. ليش فتحتي مدونة ؟
طيب , في الواقع احب التدوين , نص تصفحي للإنترنت يعتمد على المدونات
أعتقد إنهم أصدق .. ويتكلمون بكل ما أرغب فيه , أحب الحياة الشخصية كثير
فكرت أفتح مدونة , لكن لمن إكتشفت هالمكان حسيته أفضل
وش راح أستفيد ؟ ممكن ما أستفيد أنا بالقدر اللي بفيد فيه , لكن بستفيد إن قريحتي الكتابية تطلع وماتصير في مخي فقط
يهمني إن فيه كثير متابعين ؟ الكذب خيبة , مب أقصى طموحاتي ولا أقلها
وش راح يكون فيها ؟ ماحدث بالماضي واتعظت منه , ومايحدث , وماسيحدث
- أفكاري , للإيجاز " كل شي "


اسمي /امون
مُقبلة على الجامعة .. حالياً بإنتظار نتائج القبول
شخصيتي تميل للجد والهزل , مابينهم تسلك حياتي
واجهة تحديات بحياتي , قوية ؟ لا .. سهله ؟ لا
ممكن أفيدك بشيء ؟ أتوقع إيه
شي مهم لازم تعرفه .. أني أحب العفوية أكثر من أي شي , بالعفويه يوصل لك كلامي
بدون تنمق , توصل مشاعري لك
أكره كلمة " أنا " , لكن لاتسيئ فهمها بإني متكبره - محبه للحديث عن ذاتي
خذها كما هي ببساطة
تعتمد حياتي على شهوتي " رغبتي " يعني برغبتي كل شي يقوم , حتى بالحفظ والنوم
مثلاً / ممكن أشوفك 20 مره لكن لإن رغبتي ما اهتمت لحفظ وجهك واسمك ماراح أحفظ لو أفحط
في كل مدرسة أتخرج منها يلحقون باسمي " الفيلسوفه " .. ماهو شي اتفاخر فيه , لكن أعلمك إن لي فلسفاتي بالتدوين
ليش حطيت " القبو " ؟ من فلسفاتي الغبية نوعاً ما , إن القبو مكان يركض له الواحد ويقعد فيه لحاله .. هناك بيئته الخاصه
.... الباقي ممكن تكتشفه بعدين

أتمنى لك وقت جيد بالتصفح , و ما أكون دبلة تسبد