اضراب وزعل ومد بوز يمكن كل واحد مرة عليه هالحركه ايام طفولته وبعضهم الى الحين يسويه الي هي انك وانت صغير كنت تطلب من ابوك او امك اي شي.. ومن الطبيعي ان كل طلباتك ماتنفذ فا انت وش تبي تسوي علشان تجبرهم انهم ينفذون طلبك مافيه قدامك الا انك تضرب عن الأكل وتصك على روحك بالغرفه طبعا هنا تتغير الأحداث حسب عمرك وحسب طلبك , بعضهم يستمر الاضراب مثلا ساعتين ثلاث ساعات ويكون وقت غداء ولا ينزل يتغداء معهم ( مو قلنا زعلان ومضرب اكيد انه مهوب نازل ) وبعضهم يكون مثلا جالس على الأكل مع اهله وانفتح طاري الموضوع وابوه وامه رفضوا طلبه .. هنا يبدى يصبخ بالملاعق والمواعين ويبرطم عليهم هه ( زعلان ياناس وش فيكم عليه لا تلومونه هه ) طبعا الي يتنفذ كل طلباته عاده يكون الطفل مدلع او ابوه ماعنده غير فا وش يسوي مضطر يسوي طلباته .. والطفل بينه وبين نفسه يسوي كذا اذا تنفذت الطلبات >> وبعضهم مسكين عند ابوه 12 غيره .. يعني اذا زعل .. الابو بيستانس بيقول وفرت علينا ياوليدي - واحد من الشباب يقول اذا زعلت سكرت على روحي بالغرفه وتغطيت بالبطانيه .. طبعا ابوي ماوده اني ازعل واضرب .. فا يجيب صنيه الأكل ويحطه عند التسريحه ويقول تراي يا محمد طلعت ههه. - الله يطول بعمر والديني .. كنت اسوي بعض هالتصرفات ومرات يراضونن ومرات يخلونن ارضى من نفسي .. عاد تلقاني اخر اليل اذا ماراضوني .. نزلت للمطبخ اكل بدون مايدرون هه