[shahd2007]

-أول رمضان قمت بصيامه كم كان عمرك ؟

اول رمضان كنت بثاني ابتدائي طبعا كنا بعز الشتاء ويأذن المغرب 5 وانا اصحى من النوم 4:45
يعني مايمديني اصلا اجوع
واستمريت ع الصيام لان وقت طفولتي برد وماافي نهار

- موقف طريف لا يغيب عن بالك حدث لك في رمضان ؟

اممم موقف موب محرج الا يخوف
قبل سنتين بالعشر الاواخر كنا نصلي التراويح وكانت ع يميني مدرستي بالثانوي وع يساري امي المووهم اثناء السجود كان الامام يطوول مرا سمعنا الباب انفتح وحنا نرفع من السجود دخلت يد سوداء بيني وبين مدرستي يد رجال اخذ الشنطه وهرب وكان واحد ثاني عند الباب طبعا انا وياه صرخنا وقطعنا صلاتنا
لانه بجد يخوف وخافوا الحريم ومدري وش صلاتنا ذاك اليوم

- برنامجك في رمضان كيف سيكون ؟

اقوم قبل العصر اصلي الظهر واقراء شوي
بعد العصر ادخل المطبخ اصلح فيمتو وسن كويك وكريمه <<تخصصي ههههه
وبعدين اساعد امي بالفطائر والبيتزاء واذا صرت مروقه صلحت لهم صينيه <<بس متى تروقين
بعد الفطور حوسه المطبخ لازم نشارك بالضف وبعدين نروح للمسجد وبعد التراويح ارجع للبيت اكون ع النت او اطلع للسوق اذا ابي شي وبس الى السحور

-- ماهي الأكله او الطبق الذي يجب ان يتواجد أمامك فيرمضان ؟

لقيمات عمتي

البطاطس المقلي
البيتزاء
لسان العصفور

- هل تحرص على السحور ؟

يب ضروري جدا

- شخص تفتقده في رمضان ؟

خالي محمد الله يرحمه السنه موب معنا في رمضان

_ مالذي تتمنى أن تراة في المنتدى خلال هذا الشهر الكريم؟
التسامح وحسن الظن

_ مشهد يسعدك أن تراة في رمضان ؟
كثره قراءه القران وصلاه التراويح

- ما هي عاداتك وتقاليدك في هذا الشهر الفضيل ؟
ماتتغير عن باقي السنه الا اننا نروح للمسجد

- أمنية ...

( اختر واحد من اثنين )

1- تحب رمضان . الماضي ام الحاضر؟

احب رمضان في الماضي والحاضر والمستقبل اعشق هالشهر

2-رمضان في الصيف أورمضان في الشتاء ؟

امممم احيانا اقول بالصيف عشان يصير النهلر طويل ومايخلص بسرعه هههه
واحيانا اقول بالشتاء عشان الحر وارحم اللي يطلعون بالشمس

3- في رمضان تحب النوم المبكر أم السهر ؟

السهر مانمت ايام الدراسه انام باالاجازه ههههه

4- في رمضان تحب الإجتماع مع الأهل والأصحاب أم الجلوس لوحدك ؟

احب كل شي احب الناس واحب الطلعات واحب اجلس لوحدي ع النت او اذا كنت ابقراء

وهـ تعبت تسلمين ياانا ع الموضوع الحلو