أوعدْك كان حضوري مسبب إزعاج
أوادعك ، وأغيب ، وألغي حضوري
لاصرت ماني عند ضيقاتك ، فراج
قول ل مقادير الزمن ويش دوري ؟
ماني ب[ فاتح باب قلبي ل/ الإحراج ]
وماحب أكون إنسان ماهو ضروري
يوم أنت كنت ب( ظلمة أيامي ) سراج
ماخافت الخطوات .. حزّة عبوري !
جيتك غلا ، ماجيتك إنسان / محتاج
والناس تعرف ، قيمتي من مروري
كتبت لك .. أبيات ، وقصور ، وأبراج
وإن مارضيت شلون يرضى غروري
ببعد وأنا أدري ما ورى بعدك / إعلاج
والهجر ( ماهو من دواعي سروري )
دامك تبادل ضيقي .. ب/ ضحكة إحجاج
وش بستفيد .. إن ماتداري شعوري
ياكثر ، ماخبيت شعري .. بالأدراج
خايف .. يضايق وسع صدرك / ظهوري !!