المشاركة الأصلية كتبت بواسطة طـمـوح 
قد يرى أي شخص كلمتا كهرب أو ماء مثلاً .. ويظن أن الفاتورة غالية جداً وهي بكل صراحة رخيصة
نحن شعب مبذر جداً .. !
اسمح لي اخوي اتناقش معك بهالموضوع
برايي نعم غاليه
وفي قمة الغلاء
ونحن شعب لسنا مبذرين
عندنا ولله الحمد رؤيا واقتصاد 
وعلى مره الارياف واننا نتشرى
تراه هي نفسه لسوو الناس بالبيت
او تبيهم يصيرون عاله على غيرهم ويصير الكل جايب الا هم ياكلون بدون مايجيبون <-- بصراحه عن نفسي مايدخل بلعومي ومقدر اكله دامي ماجبت مثلي مثلهم
لان عندي عزة نفس
ومب معنى هذا اني اجيب واكب
لا الحمد لله بمجتمعي مستحيل نكب اي شي
ولا نخلي البزران يلعبون فيه
بالعكس
الي يبقى نخليه ليوم ثاني اذا فطاير نحميهن
واذا حلى لقهوة بكرى
هناك طرق كثيرة جداً للتوفير وحل مشكلة الغلاء ولكن نحن لا نريد أن نغير ما بأنفسنا اولاً ونضع اللوم على غيرنا
سواء بكلام جرائد او بكلام مجالس او بكاريكاتير
والله اتمنى يتكلمون وياصل صوتنا لولي الامر وينظر بحالنا
لان حالنا من حفره لدحديره
للاسف
وراح ابين ذلك بعد قليل
أنا حالياً متواجد في الولايات المتحدة الأمريكية, لو ترون الغلاء الموجود هناك لسجدتهم لله ليلة كاملة شكراً له على هذه النعمة
طيب ياخوي
عمرك سامع بشي اسمه اقتصاد ؟؟
وان هناك دخل للفرد يقابله صرف ؟!!!
هالدخل بكل دوله مقدر وذلك من قبل البنك الدولي
وهم يحطون متوسط
يعني يجيبون راتب اعلى موضف واقل موضف يجمعونهن ويقسمونهن ويطلع لنا المتوسط الحسابي
طيب اذا كان متوسط دخل الفرد شهرياً بامريكا(بما انك فيها) = 13000 ريال سعودي <-- تراهـ مقيوس بالريال مب الدولار
ومتوسط دخل الفرد بالسعوديه = 3100 ريال سعودي
هنا تقدر تقول ان عندهم غلاء ؟!!!
وعندنا اصراف ؟!!!
فيه وجه مقارنه بين دخلنا ودخلهم
لان متوسط دخلهم باين حتى للعميان انه اكثر من ثلاث اضعاف متوسط دخلنا ...
طيب منيب مقارنه بامريكا
خلنا نحوم حولنا
وهو دول الخليج
مع العلم اننا اغنى دوله ونملك اكبر احتياطي بترول بالعالم
الترتيب/الدولة/متوسط دخل الفرد الشهري (بالريال السعودي)
1 قطر 9000 RS
2 الامارات RS 7500
3 ------ الكويت ------ RS 7000
4 ------ البحرين ------ RS 4500
5 ------السعودية------ 3100 RS
6 ------عمان------ 2800 RS
اغنى دوله بدول الخليج هي تقريبا قبل الاخير وتمثل افقر شعب
ولو حطينا عامل الكبر وان السعوديه اكبر مساحه واكثر عدد سكان
بعد هالشي مايشفع لهم باننا يالشعب نكون قبل الاخير بالفقر
وهو لاننا اغنى دوله
أجل الببسي صار بريال ونص ؟ تعال هنا وخذه بـ أربعة ونص
طيب من منطلق انكم ثلاث اضعافنا تقريباً
1.5 ×3 = 4.5
يعني نفسكم مافيه فرق
آه بس يازين اذا عبيت بنزين وعطان ابو هنود كرتون منديل .. تعال هنا واشتر كرتون منديل واحد بس بـ 6 ريال
المنديل تقريبا بـ 2 ريال
2×3= 6
هنا بعد نفسكم
طيب الحين سلعتين نفس السعر عندنا وعندكم بعد موازنه متوسط دخل الفرد بالدولتين
وبما ان الاسعار متساويه
وانت تعتبر اسعارهم نااااااار
فمعنى ذلك من حقنا نعتبر اسعارنا ناااااااااااااااااار
ومن حقنا نعترض على الظلم الي حاصل ونكتب عنه بالجرايد ونتظلم بالتلفزيون ونرسم فيه كركتيرات واخيراً يصير هو حديثنا بالمجالس
وبعد لاننا ماعندنا خطوط حمراء للتجار
وهناك فيه خطوط , وعندهم من يردعهم , وفيه انظمه وقوانين
واهم شي ماعندهم فيتامين "و"
أتمنى منك أن تستغلي موهبتك في الفوتوشوب لشئ أكثر فائدة
خخخخخخخخخخخخخخخخ
زي ايش ؟!!
نورنا
يمكن استفيد من رايك
وتصير سبب من اسباب فتح الرزق لي بعد الله
وعلى الخروج من الموضوع
لا بالعكس حلو النقاش والكركتورات عموما هي صوره تخلينا من خلاله نقراء شتى القضايا (كلاً على حسب نظرته)
وحلو اننا نناقشهن
وتحياتي
لصراحتك