[وشاح الذكريات]

.

.

.

صدّيت عنّك ، لأنْهَا سآعتي : حلَّت
ــــــــــــ أروح ، وفي خآطري أبقى | مع عمري |.

والله أحبك .. وعيني منْك . . مآملَّت
ــــــــــــ ومن كثر مآ أقابلك خايف ، على قدري !

"أودّعِك" في يَدَي ، وعيوني بك "هلَّت" !
ــــــــــــ أشياء تطري عليّ . . . وأشياء مآتطري

الدمعه [ سيفٍ ] جُبرهآ الوقت وإنسلَّت
ــــــــــــ أصبر . . وأجْمَع قُوآي وينكِسِر صبري

مصدوم منّي ! غريبه ، عيني إبتلَّت !!
ــــــــــــ ويّاك حتى ( دموعي ) مو على خبري

لـ أشْواق ، ماقصّرَت فيني ، ولآ خلَّت :
ــــــــــــ القلب يبقى مكآنه في [ قفص صدري ]

عنّك ، أصِد بْـ سلآم ... ورِجلي إنشلَّت
ــــــــــــ وشلون لآ كنت تطعن من ورى ظهري

غلآي لك .. مشكله للحين مآ إنحلَّت ،
ــــــــــــ قلبي يحبك و كل إحسآسي و شعري

محبتي لك ، كثير - تزيد ... مآ قلَّت
ــــــــــــ وكل ما أشوفك ألآقي بْـ طلّتِك ، عِذري

( وَلْ ) يافرآقك ، حياتي شوفهآ : ولَّت !
ــــــــــــ من غيرك أيّآم عمري مآهي من عمري