محتاج لكن ماني بحاجة فلوس
محتاج للي يحفظ الحب والود
،
،
فلوس تناثر تتغير نفوس
ويالله عساني ماتغير على حد
،
،
اهدتني الدنيا تعاليم ودروس
وقالت لي ان الجزر مايشبه المد
،
،
وان الكرم في النفس هو شي مغروس
وما للبخل حد ولا للعطاء حد
،
،
الاسئله تطرح على عقول في روس
والمشكله مافي عقل يبي رد
،
،
الخد ماعمره جرح خاطر الموس
والموس مايرحم إذا جرح الخد
،
،
(تعبت من الوقفه ومحتاج للجـلوس
فارقت لي ضد وقابلت لي ضد)
،
،
محتاج لي سهم ومحتاج لي قوس
عشان نتفاهم مع الناس جـد
،
،
رآآآقـت لـي
عاشقه الرومانسيه