[الفتـ الذهبي ـى]

قلت برسمها بخيالي .. دام خفاقي أسرها
صرت أوّصفها ملاكٍ .. تاخذ عقول البريّه

جادلٍ مشرق ضياها .. ماظهر نور وجهرها
خدّها كنّه وربي .. ماخذ من الشمس ضيّه

والشفايف جمرٍ أحمر .. ويل قلبي من ثغرها
أدري أني لو أذوقه .. ما غدت روحي ضميّه

قدها المياس صاير .. خيزرانه في نهرها
والله إنها لا تثنّت .. تربك النفس السويّه

صوتها الفاتن أسرني .. ولّع الروح وسحرها
صرت أهوجس في هواها .. نسمة الفجر العذيّه

جادلٍ يالله دخيلك .. شايف الموت بنحرها
العطور تفوح منها.. وأحسب إنها مزهريّه

فاتنه من حد رجليها .. إلى غرة شعرها
يعني إن الله عطاها.. من الحلايااليوسفيّه