المهم إني حملت عفشي وتفقدت سيارتي ومشيت
وأنا بالطريق طبعا بعد ما تعديت الديار. يعني بالخلا
إلا وأنا أشوف ذاك الآدمي اللي يأشر! 
ما صدقت خبر أشوف احد
وأنا على طول أوقف وانزل اسلم عليه وأبوسه وكل شي .gif)
بعذري كم لي ما شفت احد
المهم سألته وش عندك وش ما عندك؟
قال ابد أبيك توصلني قدام
قلت ابشر طال عمرك لو تبي الصين أوصلك
المهم ركب معي وقعدت اسولف عليه وانكت
بعذري لي كم يوم اسولف على نفسي0 شوي وإلا صاير نفسية
أنا اسولف وهو ساكت وأنا بس قرق
وأخيراً تكلم قال بس وصلنا إذا تبي تكرم توصلني لحد البيت
فشكرا لك
قلت هماي قايل لك لو تبي الصين
قلت وين بيتك بس؟
قال ادخل مع المفرق
طبعا المفرق عبارة عن طريق ترابي. وحنا كنا نمشي بالسفلت