.. (( 8 )) ..
صفحات الأسك مي ذي سبب لي قلق مستحفل وغثيان .. مدري هي سخيفة من جد وإلا أنا سخيف وما افهم .. قال ايش قال اسئلوني .. الله لاتهينه يالبردعي وكيل الطاقه الذريه عشان نجي نسئلك أسئله تهم القرن الواحد والعشرين .. يجيك الواحد فاتح لي صفحة كنه فاتح بسطة بسوق الحريم اللي بالصناعة والناس تجي تسئل أسئلة بايخة وهو يجي يرد بشكل رسمي وثقافي مسوي عبدالباري عطوان أو هيكل .. واللي يشوف أجوبته يقول هذا شخصية مثقفة ومهمة بالمجتمع هو بالحقيقة والواقع عضو زائد على الطبيعة بل عار على الطبيعة والجنس البشري .. والأسئلة كوم والأجوبة وكومن ثاني أسئلة مامنها أي فايدة والأجوية تسبب لك صرع بالنخاع المستطيل لدرجة إنك بأي لحظة ممكن تنهبل .. الصراحة كنت بجيب لكم كومة أسئلة وأجوبة من اللي قريته هناك بس خفت على مشاعركم وأحاسيسكم .. والسلام عليكم ورحمة الله وبركاته ..