من كل حرف وكل شهوة صبابه
أستغفر الله واتعوذ من ابليس
اعوذ باللي آوى عبد وسرا به
لا جى نهار الحشر خلف امرئ القيس
يارب يارب الكرم والمهابه
ياللي لك أعلام الاوادم مناكيس
جردني من النابيه والسبابه
ولبسني من دروع هديك متاريس
تعبت من مسك القلم والكتابه
والشعر وفتن النسا والاباليس
والمدح في عزوة وشيخ وقرابه
واللاء لدعوات الرضيين والليس
والحب وماحوله وماله وهابه
والدمع لا هبت علي النسانيس
والشوق وغفال العقل وانغلابه
والليل وخطط الدها والجواسيس
والشهرة وحكي العرب واللبابه
وزملوق وشف ماتعسه عواسيس
وحصر اسمي فشاعر فساحه غرابه
شعارها فيهم رخوم وملاحيس
وانا لعطاش الاوادم سحابه
ومن خلقتي ماقد وطيت الدنافيس
تاكي على إرث الاسم بالنيابه
واقطف خلاصة ماغرسوه الغواريس
احسبني فايز بالرضا والذرابه
واثري مثل من يحصر النور في كيس
اقفي من الله والامل والرضا به
واروح وادور من ورا ابليس احاسيس
واسهر على فن الكلم والخطابه
واصبح ولين اللي جمعته حماليس
قلبي لعزاف الاوادم ربابه
وراسي لخطوات الشطانه دواعيس
تقودني نفسي ولا اشعر ولا ابه
مالت عليها عاصيات الهواجيس
من عنده ان كل الشعور يتشابه
روس مع اللي في الدحادر مراويس
والاثم ماحاكه في خفوق وخفا به
والخير ما شاعته روس النواميس
كم شي صار وصار مايندرابه
وكم نومة ما كدرتها الكوابيس
ترى ما احد له في رقبتي طلابه
بس الصراحه من شم الفواعيس
والرجل اذا ما يعتبر في شبابه
يعيب قبل يشيب ويشيب ويخيس
يا راجي ارجي اللي ما ينصك بابه
لا ترجي الوهبات من هيس ابن هيس
استغفر الله واتتقى عذابه
اللي فرقني عن حياة المتاعيس
من قبل لا اعرف الهدى واعنا به
face to face انا وهمي والحزن
والحين لله الفضل والانابه
متعافي ويمشي على زندي التيس
هادي يشوشني طزيز الذبابه
لا عد ايام الغبيه ولا اقيس
شريت عقلي في سؤال واجابه
انا اعبد الله والا اعبد الوساويس؟
لذة خفوقي وانجلايه ضبابه
سجدات ليلٍ ظالمينه مناعيس
فـ أجواء مكة والحرم والرحابه
لا يا بعد روما ولندن وباريس
هذي ديار المصطفى والصحابه
وهذيك دارابليس وعويل ابليس
تعليق
كذبــه ابريل
اتوقع