اقتباس: حبيبتي من حق الفتاة ان تتزوج من شاب يناسبها اما استحباب زواج البكر فهذا للشاب وليس لكل من هب ودب.. طبعا من حق الشاب ان يتزوج من بكر ومن حق الفتاة ان تتزوج من شاب امامسألة ان الاسلام امتدح الأبكار لأنهن الأفضل هذا صحيح ولاغبار عليه ولكن متزوج او ارمل او مطلق افضل من الشاب فهذا ماقاله لا الاسلام ولا العقل ولاالمنطق يجب على الفتاة ان تعرف حقوقها ورغباتها بعيدا عن الفلسفات والتعقيدات.. وطبعا الاسلام لم يهن الابكار لكنه ذكر الأفضل بالنسبة للرجل لأنه يخاطب الرجل لكن هل قال الاسلام ان المطلق والأرمل والمعدد افضل من الشاب؟؟؟؟؟ خيتوو اعصابك اولا من حق البنت تتزوج واحد يناسبها ما قلنا شيئ بس طيب يمكن يناسبها واحد كان مطلق ولا ميته زوجته ولا متزوج يعني مو شرط بيناسبها الرجل اللي ما قد تزوج والله ماتدرين الخير وين الوحده تسال زين واذا شافت فيه كل شيئ زي ماتبي ليش ترفض يمكن المتزوج ترفضه اوك بس اللي مرته ماتت ولا مطلقه ترفضه وهو اوك ليش انتي مشكلتك انك تعممين يعني حاطه ببالك ان كل واحد متزوج قبل اهانه للبنت تاخذه وربي قدري كلامك وخلي عنك الانفعال واركدي ويمكن يكون اللي مايتزوج افضل عشان كذا الوحده تسال وتشوف مو تحكم وخلاص وتعمم الحكم لا وبعد اهانه والى اخره المهم اللي بوصله لك انو ماتدرين الخير وين والافضل مين وزي ماقال نيزك يمكن له عذره طيب افرضي واحد طيوب حبيب اخلاق كل ابو شيئ زين واهم شيئ وسيم هع هع وخطبك بس زوجته ماتت ولا واحد اللهم يا كافي ولا قد تزوج يارب وصلت لك فكرتي اهم شيئ وانا اختك رجل يسعدك واللحين الشباب مو كلهم بس اغلبهم لهم علاقات بالنت بالجوال ولا زواج مسيار سكيتي قبل الزواج الحقيقي يعني وش يضمن لك انه ماجرب غيرك قبلك مير اللي بالحلال ولا بغيره يارب يرزق بنات المسلمين الرجل الصالح متزوج ماتت زوجته مطلق ماتزوج ركزي على انه صالح موب على حالته الاجتماعيه وبس .