هؤلا القراصنه ( الصوماليين ) الغلاض الشداد والمسربلين بالاسلحه الحديثه
والذين لايعانون من سؤء تغذيه والذين يستلهمون روح (عيديد ) الاب وعيديد
الابن ........... حلوه .............على وزن بوش الاب ........... وبوش
الابن ........لكن وش دخل (الامريكيين) نجيب اساميهم !!!! ؟*
عموما الحادثه صحيحه مائه بالمائه ولا تلتفت للذين يشككون بها ويقولون انها
مفبركه لان هؤلا اعداء للأمتين الاسلاميه والامريكيه * فعلا الحراميه موجودين
منذ ان تكاثر ابناء ادم ووين الغرابه بذلك وبعدين لاتنسى شي مهم وهو ترى
البحار مابها ( شرطه ) علشان كذا (الصوماليين) المناكيد سرقونا *بس تدري
وش اللي فعلا محيرني ومادخل راسي وشلون (الصوماليين ) قدرو(يتشعمطون)
على جنب باخره ارتفاع جدارها اكثر من اثنى عشر متر ويميل الجزء العلوي الى
الخارج بمسافه عن جزئه السفلي لاتقل عن مترين وزياده وهدير محركاتها
يصنع امواجا لا تصمد امامها السفن المتوسطه الحجم والله شياطين ها
الصوماليين اكيد اخذين دورات تسلق جبال بالهملايا او الالب * بس تعال من
اللي نزل لهم حبال التشعمط ؟ لكن بسيطه يمكن بالباخره (صومالي) قهوجي
وقام نزل الحبال للحراميه والمعازيب نايمين عقب سهره مباركه يتذاكرون بها
ويتبادلون كل ماهو مفيد ولذيذ* وبعدين الباخره لارامكو وارامكو للسعوديه ولكن
الباخره تحمل علم دولة (ليبريا ) لانها مرخصه ب (ليبريا) وايضا الحموله لامريكا
وطاقم الباخره كل واحد او اثنين من دوله ( وش اخبار السعوده بالنقل البحري )
يعني باختصار راحوا (الصوماليين ) وطي من شوالتية ها لعالم *
لكن الباخره وحتى معها حمولتها ماهي مشكله المشكله انه يبدو والله العالم
ان الحراميه والقراصنه ((الحقيقيين )) يخططون ( لاختطاف ) سواحل الصومال
واطلالته على منكشف مضيق باب المندب وذولا عاد ان سووها وش (الفديه )
اللي بترضيهم ؟؟؟؟* (وترى الصومال مره تصير عربيه ومره تصير اسلاميه
حسب مزاج امين جامعة الدول العربيه ومزاج بعض معازيب العرب *
بس ياخي انا في نفسي شي من (مخرج) فلم الباخره الصراحه ماحسب لعقول
المشاهدين اي حساب واعتقد انه يبرر لنفسه ويقول اصل المشاهد عربي
ومشى عليه اكبر من هذه بكثير وما ( جهادنا ) ضد الروس ( الكفره) ببعيد *
فعلا معه حق ....... وياقلبي لا تحزن * وسلامة الجميع