[align=center]اضحك وفيني من همومي مشاوير
محدٍ مشاها غيـر قلبـي وعينـي
احيان افكر دون همي وش آصيـر
اتخيل انـي انشـد النـاس وينـي
تعبت اعاني صرت اغني مقاديـر
يمكن يحس الجرح ويرحم سنينـي
الصوت يغني عن جميـع التعابيـر
في نبرتي كل الحـزن محتوينـي
كم ليلـةٍ راحـت وكلـي تفاكيـر
احاول اسلى بـس ماهـو بيدينـي
إن غاب ذكره ماتغيـب التصاويـر
وان جيت ابنسى مارضالي حنينـي
مرات اغمض ناظري وارتجي خير
وألقى التعب حتى فحلمي يجينـي
ربي يعوضني جميـع المخاسيـر
دمعي وعمري والقلم فـي يمينـي
ضاق النفس فيني وعنـدي تقاريـر
اني حبيبه ساكـن المـوت فينـي
[/align]