[c]
الاطفال كلهم برأه
وبرأتهم
مازالت موجوده ولكن الجيل تغير
وصار كلامهم اكبر من سنهم
اسمحيلي
اشارك معك بكم موقف
اول موقف طفله عمرها10سنوات
شافت جدها شاري غرفه جديده
قالت له والله هذي الغرفه مره حلوه والتسريحه
احلى شي ماناقصها الا العروس
والموقف الثاني
طفل عمره 8سنوات
يقول ماما ليش تهاوشين تبين انام في غرفتي واختي بغرفتها وانتي وبابا تنامون مع بعض
انا بنام جنب باباعلى السرير
وانتي نامي مع اختي في الغرفه
الرجال مع الرجال
والحريم مع الحريم
-
بنت عمرها 7 سنوات تقول لامها ابقول لابوي يتجوز عليكي
لانك دائما ماتسمحين لنا نلعب في الحوش
اخليه يتزوج وتجي الجديده وتطردنا في الحوش عشان مانزعجها
-
موقف اخر
الام تقول لولدها عمره 5 سنوات اذا تزوجت ياوليدي وانا كبرت بجي اسكن انا وابوك عندك
قال الولد لا انا ابي استقيل لنفسي
-
ولد عمره 7 سنوات
ليش انتي عندك جوال انا بعد ابي جوال
اكلم فيه
-
وبنت ثانيه
عمرها 7سنوات
تقول ماما اذا كبرت ابي اخذ ذهبك كله والبسه
وانتي بتصيرين عجوزه ماتلبسين ذهب
-
بنت عمرها10سنوات تقول لامها طلبات تبيها
قالت الام انتي كل ماشفتي شي مع البنات تبين زيه لواحنا ناس على قد حالنا من وين ابجيب فلوس
زعلت البنت وقالت اف خلاص انا مابي منك شي انا بجمع فسحتي واعتمد على نفسي
-
يعني مواقف بصراحه لاتعد من اطفال هذا الجيل
تحياتي للموضوع الحلو
[/c]