[مياسة]

فعلاً يا اخوي مون العزوبية طفشششش للبنت وللولد والمثل يقول: (ظل راقل ولا ظل حيطة)

لكن مصاريف الحياة هي اللي تقص الظهر ,, حسبي الله ونعم الوكيل طاحت الاسهم وقلت البركة في المال

يعني ما ودك تعرس لمجرد انك بتعرس وبس ! ودك إذا اعرست إلا وانت مستقر بوظيفة محترمة ,, ودخل مادي ثابت>>عشان تقدر توفر سكن قد المقام ,, وتروح وتجي وتسافر وتشتري كل ما تبي انت وياها وانت متطمن من ناحية ظروفك المالية ,, يعني العرس يبي استعداد مادي بنسبة 80%واستعداد نفسي 20% .. بعد ان كان زمان اسهل شي الزواج !!

والحين صارت الزوجة من الافضل انها موظفة عشان يقدرون يبنون احلامهم طوبة طوبة في بيت العمر ,,حتى الاغنياء الحين صعب يوفرون ما يسعدهم من كماليات و سفرات و و و ....كثثثثير بنات حمايل وطبقات غنية ->> هن موظفات تصرف على بيتهم ولبسهم وخدمهم وسفراتهم مع زوجها بشكل مشترك. وهو تصرف جميل(للزوج اللي ما يصكها بزوجة ثانية جزاء لها ولبلاهتها الطيبة)


الحياة مليئة مشاكل سواء انت عزوبي او متزوج..بس اذا انت عزوبي ما يطلع معك شي! لكن إذا انت متزوج لابد يكون فيه ايام حلوه وليالي ملاح مع الشريك الاخر ,, ولو ما بالزواج شي حلو غير انجاب اطفال يحملون اسمك تحملهم بحضنك ويقولون لك بابا ولـ أمهم ماما هذا بحد ذاته اكبر نعمة وسعادة نفسية


ما نقول إلا الله يفرجها لكل عزوبي وعزوبية يبون يكونون اسرة صغنونة