من شان عينك يهل الدمع من عيني
ياكثر دمع على فرقاك هليته
مالي حبيب على الغايه يسليني
الا انت ياللي ملكت القلب واشقيته
ولعتني بالهوى من شان تشقيني
ياما وياما من الغربال عانيته
حبك جرحني عسى ربي يشافيني
غيرك من البيض والله ما تمنيته
مسكين راع الهوى والحب مسكيني
يبي المروفه ولكنك تحديته
الحب حاديني لك وانت متحديني
وامسيت سهران لين الليل سريته
كم لي وانا ارجيك يا شمس المزاييني
الله يحقق رجا وصل ترجيته