|
ام رقيبه واهل العقول في راحه ؟؟؟؟
السلام عليكم ورحمة الله وبركاته
بدون لف ودوران تهافت الناس على ام رقيبه او ابوه كله واحد ليه ، يعنى الموضوع بس الناس تجمع يالله معهم ولا وشو؟؟ يعنى خشم بعير ولا شفة ناقة ياعمري بلا حمره و لا سنام جمل يخلي كل الامه هاذي تجتمع وبدون وعي ولاعقل ليه ، علشان اذا جلس الواحد قال رحنا لام رقيبه !!!! لا والمصيبه لا ربيع ولا مطر ولا فقع الا فقع مراره من اللى يشوفونه الناس هناك حسب ما ذكر لنا بان الشرطة تمنع الناس من الاقتراب من مكان الاحتفال . طبعا اول اهل البعارين وبعدين جو الكشاته همن جو الزقرتيه واخر وليس اخيرا الحريم وماادراك ما الحريم !!!!! لادين ولا دنيا طب ليه ، علشان وشو ، من اجل ماذا هذا الازدحام . للسوالف والخذاريف تالي سالف وخذرفه ولكن بعد الموجز . والسلام عليكم ورحمة الله وبركاته ......... الزعل بشويش علشان الظغط ماهو زين .......... :18[1]::18[1]::18[1]::18[1]: |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
دامك رحت للمزايين
ما عندك صور لها ؟ :) ما أراد الله أروح .. وإلا كانت بالبال منتظر صور من أحد أعضاء المنتدى مواعدني يصور وأنت أخوي وسع صدرك أنت ما سمعت الشاعر اللي يقول: تعشقتها شمطاء شاب وليدها .. وللناس فيما يعشقون مذاهب ,,, |
اقتباس:
رغم قرب المسافة .. لكن ماكتب الله ! تبي الصور القديمة ( اللي من الجوال ) أبشر بالزين .. ومعذرة لكاتب الموضوع على الخطمة ! |
هذي صور ماقصّر أبو فالح
http://www.buraydh.com/forum/showthread.php?t=97799 الخل الوفي :: لا يصيرون متجمعين بحوش بيتكم ؟!! ههههههه . . . . |
Tmeem
لايصير سبيتك وانا مادري ، نسيت بعض الاخوة اصبحت المزاين بالنسبة لهم كتحقيق الذات وباننا موجودون !!!! وبعدين الله يجزاه خير مشعل بن عبدالعزيز اللى يسوق حضور ام رقيبه كالغنم واتمنى الا تكون منهم يا الاخ !!!! بالنسبة لحوش بيتنا فانا على استعداد كامل لاستقبالك في او قت تحب لتناول القهوة وان تجد ما يجعلك تحس بادميتك وبانك انسان محترم لك حضورك ووجودك وليس كما في ام رقيبه . |
لا وأزيدك من الشعر بيت
كل القصمان لهم 3 أيام هناك وتاركين مدماتهم هايصين لا يصين يا عند أهلهم المتضايقين من البزارين وإلا اخذينها سوعان بالنخيل وسامرة والحسون سنتر |
حضرت ليلة البارح مناسبة زواج وكل من سألت عنه وعن اسباب غيابه كان المبرر المشترك بينهم هو الذهاب إلى ام رقيبه !!
لم يسبق لي الذهاب إلى هناك ولكن مااعلمه بأن مايحدث هناك هو مهرجان لمزاين الأبل ولا اعلم كيف يذهب الناس لحضور ذلك المهرجان واغلبهم لايعرف الوان واسماء الأبل اصلاً !! اعتقد بأن الناس تعيش موضة التجمعات والتطفل على بعضها البعض !! تقبل تحياتي |
.
. من القائل ماتمنيت اسوق قد ماتمنيت اسوق يوم الخميس ..... ؟! وحده زوجها من يوم الإربعاء في ام رقيبهـ المشكله ليست في ام رقيبهـ المشكلهـ في عقول محبي ام رقيبهـ .....! استانسوا وانبسطوا بس بحدود لاتكون ام رقيبه على حساب بيتكـ واولادكـ ام رقيبهـ خلفت مشكلهـ اجتماعيهـ بل مشاكل وعلى العموم ام رقيبه نموذج للإهتمام بالفرع ونسيان الأصـل . ابعــــاد . . |
ظاهرة ام ارقيــبـــة
وما نتج عنها هي عبارة عن ظواهر الفراغ والجاهلية والتخــلف !! اهل العقول في راحة |
اقتباس:
،،،، |
يا ساتر !!
أثر أم رقيبة مكان شبهة ! واللي يروح له متخلف وجاهلي !! منك لله ياللي في بالي .. بغيت تورطن معك :) خلاص أبصك باب البيت وأقعد مانيب طالع :) وسعوا صدوركم يا جماعة أم رقيبة على حسب علمي بر ومكشات يعني إذا رحت له كني رايح لصلاصل .. تعرفون صلاصل ؟ مع التحية .. |
اقتباس:
ليست مكشااااات ! بل تفاخر وبذخ وتبذير وامور يندى لها الجبين ! لو كانت مكشات وترفيه كان الأمــر يهون !! بعير بـــ15 مليون رياااال !! |
رزق (البدو) على المجانين
خل البدو يسترزقون .. وأنا ما راح يضرني شيء لست من سيشتري .. وليتني البائع :) إلا لو كان هالبعير أبو 15 مليون ملكك .. وش شعورك ؟ :) لكن ماهي الأمور التي يندى لها الجبين ؟ هل هناك انحلال وتفسخ في الموقع لا سمح الله لست من محبي المزاين ولست من متابعيها لكن أحب أعرف مصدر اعتراضكم فقط مع التحية |
اقتباس:
لأن مزاين الأبل سوف تكتسح مزاين نووي أيران !! مالذي يجري لعقولنا ياناس ؟؟ الباقي عليكم لتفهموا الحكاية !! ,,,,,,,,,,,,,,,,,,,,,,, اللهم احفظ بلادنا وأمننا ! اللهم الهم ولاة أمرنا لمافيه خير البلاد والعباد ! ورد كيد الأعداء وبصرنا لمافيه الخير وانقذ العباد من براثن التخلف , والذي لانزال نتفاخر به ! |
| الساعة الآن 01:48 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة