|
أسماء المحلات في بريدة .. من أين ؟! و إلى أين ؟!
اسعد الله أوقاتكم جميعاً
سلمتِ بريدتي بريدة الشمَم.. سلمتِ رغم أنف الحاقدين .. فأنت المدينة الهادئة الجميلة الرااااايقة .. و أنت العظيمة القديمة الملهمة .. و أنتِ التي تجادلت من أجلها الأمم ، و تضاهت بها الاجيال .. و أنتِ التي انفردتي بمعالم و اماكن و آثار و تواريخ وأحداث ووو كنتِ و مازلتِ متميزة .. ! مدخل : إذا كنت من خارج مدينة بريدة فلا تتعجب إذا رأيت لوحة كبيرة تحمل كلمة (( مقصف )) فهو محل صغير يقدم وجبات سريعة .. يعني هو نفسه محل ( بوفيه ) .. إذا وقفت أمام بقالة اسمها (( بقالة خــــــــــــــــــالــد )) لصاحبها محمد سليمان فلا تستغرب بل تبضع و و أسرع في أمرك قبل أن ينهال عليك أطفال المدارس .. إن ما يميز بريدة تجارياً و يجعلها في قمة الإبداع في نظري هو الأسماء الغريبة للمحال التجارية و الخدمية فيها .. فخذ مثلاً قائمة المطاعم هذه : شيزى مطعم بطل ، بل من أرقى المطاعم و أجودها عندنا ، ولكنا لا نعلم حتى اليوم كيف يمكننا أن نفهم معنى اسمه : بل البعض يخطئ في اسمه ، هل هو ( شيزي ) ولا (شيزى ) ولا .. ؟ شيز آآ .. لا نعلم ؟! سينيز جنب شيزى :) و نفس مميزاته و عيوبه وجبات لذيذة و سرررررعة في التوصيل ، لكن .. هل للاسم علاقة بالصين ؟ لو اسمه ( تشاينيز ) يمكن أرحم شوي .. فطائر الطائر ترى فطائرهم تعطيك جواااااانيح .. يعني لو تأخذ منهم فطيرة و تشرب ريد بول .. كان ما توقع إلا في غرناطة :) لماذا ( فطائر الطائر ) مالمقصود بالطائر ؟؟ الطيور فيها انفلونزا أو السالفة سجع و فقط ..!! دؤوب هذا المطعم الرهيب .. وجبة واحدة من عندهم .. و انسى كل المطاعم الثانية تجعلك دؤوب .. دؤوب !! و دؤوب هنا لا تعني الاستمرار على الشيء ،، لالا إنما تعني ( سمين بزيادة ) فيقال : فلان (دؤوب ) مو دب و بس لبيك لبيك يا قلبِ ملكته و أنت عنوانه .. تراكم ما تقلدون ( البيك ) أبدااا بس برضه فكرة جميلة و ذكية الجودياء ياء ياء ياء ^^^ ترى هذا صدى .. الجودياء مخبز يقدم أجود انواع الحلويات و المخبوزات و تتكرر معاناة التسمية .. جود .. ياء تيك تاك و كأن بــ ورع يبي يقول كت كات .. و أخطأ بالاسم .. مامعنى هذا الشيء ؟ تك تاك هل لها معانٍ بالانجليزية او بأي لغات عالمية أخرى .. دعونا نختم قائمة المطاعم بــ البرتقاله هذا مطعم ، اعتقد و الله أعلم ان السوق عليه زاد من عقب : يالبرتقالاااه ترم ترم أيا صاحب البرتقاله .. هل قلت الأسماء .. هل نشفت قريحتك .. هل توقف مخك عن التفكير إلا بصحن الفواكه أمامك ؟؟ !! لعل من أبرز مشكلاتنا _حنا النسوان _هنا في بريدة انه لايوجد مشغل نسائي جيد و على مستوى بنات بريدة لذلك .. تلاحظون البنات ما تتهور و تقص شعورها هنا في الديرة ، ولابد من زيارة سريعة للرياض المنقذه .. لأن كوافيراتنا دمار دمار شامل .. ولا يبان عليهن التنسيق أبد ولاول مرة في حياتي اشوف كوافيرة فلبينية شعرها إلى الركبة .. ليه كذا ؟ ومايزد الطين بله .. تسمية المشاغل هنا .. ما بقى اسم بنت إلا وحطوه مشغل مها-مشغل الهنوف-مشغل وعد-مشغل اصالة - مشغل رزان-مشغل الزيزفون اخبر بنت اسمها الزيزفون ماتعرفونها .. :) وإذا غيروا ، قاموا يقلدون بعض حتى بالتسمية الشينة : مشغل دار شهد - مشغل دار سيدتي - مشغل دار الأيتام-مشغل حمولتي و ما عقب النصبة الكبيرة اللي اكلناها في المشغل المفتتح مؤخراً ..اللي ماله أصل .. الدامياء اتحدى واحد منكم يعرف ماهي الدامياء .. ؟ حتى أنا لا اعرف وش معناته .. الدامياء هذا مكتب عقاري ، وللاسم منافع أخرى سهريز محل مخصص للأقمشة و التجميل .. ماهو الجامع مابين الاقمشة و التجميل ؟؟ سهر= من سهرة ، و ريز= من رز سهريز :) الرمال هذا محل حلاقة تركية ، اما سبب تسميته بـــــالرمال .. لانك بعد الحلاقة .. ستحس بالفرق .. ستتحول خديداتك إلى بسطة رمل ،، مستوية و ذهبية أزيج للزخرفة الحديدية .. أزيج مو أريج حق الديكوريشن اكـــــــــســــــــــــاء هذا محل كمبيوتر و خدمات شبكات سبب التسمية .. لم يردنا إلى الآن و نتمنى الإفادة خـــــــلّة محل كمبيوتر ، خلة من الاخله و الخليل و الخيلاء يعني مجرد ما تزور المحل مره .. سيكون لك خير خليل أنا احاول أفسر لنفسي .. مالعلاقة بين ( خلة ) و الحاسب !!! هل مؤسسة ( هل ) للنظافة و الصيانة نخبر هل أداة استفهام تنصب الاسم و ترفع الخبر لكن ما خبرنا ( هل ) اسم نافع لمنشئة كهذه .. ضااااااااااااااااقت عليك !! الدكلة محل اثاث ، لو مسمينه البكلة كان أصرف على الاقل كلنا نعرف البكل اجلس للكنبات ، يعني لابد ما تجلس على الكنب و تجربه هو زين ينفع ما ينفع .. أود ان أختم سالفتي بهذه الطرفة : فيه بقالة في حي مشعل اسمها بقالة (..) و البائع فيها ولد صغير الغريب في الأمر أن الولد هذا مصرّف اخته الصغيرة أيضاً .. و يستخدمها في توصيل الطلبات عندهم هاتف و محلهم مليان و متنوع و متجدد .. يردون على الاتصالات يستقبلون الطلبات و من ثم تجمع البنت الاغراض و تركب السيكل و تروح توصل ..بس بشرط ما تكون البيت بعيدة :) هنيئاً لأهلهم هذه الكائنات الصغيرة الفاعلة الله يحفظ لنا و يحفظ لهم و لكم أعتذر للإطالة و أتمنى أن تشاركوني بما لقطتوه من أسماء غريبة .. أو أي تعليق .. دمتم في هناءة و صفاء |
ماخليتي شي يالذاهبة مابقى الا إسم بقالتنا ( الصيعري )ههههههههههههههههههه
|
الصراحه اذا جيت لبريده على طول اروح اخذ شورما بالجبن من عند السندباد
جودة اثنين شاورما بالجبن زياده كتشب الله يخليك |
هلا أبو أميرة بقالة الصيعري ماعليها كلام :) من جد فيه بقالة الصيعري هنا ؟؟ الله يخلي لك هالاميرة تشكرااااااااااااات أفندم |
شكرا لكـ الذاهبة .,.
الصراحة موضوعكـ رهيب بقوووة .. فعلآ اسماء المحلات عندنا لك عليه قوووووووة اجل محل بالاسكان حق رخام اظنه تدرون وش اسمه .. هو الصراحة فشيلة الاسم قووووووووووة لكن هذا اسمه وش ازين روحوا شوفوه الاسم (( كلس )) واعتذر عن الكلمة لكن من باب المشاركة بمثل تلك النوعيات من الاسماء الغبية الصراحة وياليت اللي يعرف صاحب المحل يسأله ليش هاهلاسم هذا مالقى غيره !! يعني بالله خلصت الاسماء ياناس ؟؟؟؟؟؟؟؟ ودمتمـ |
السلام عليكم ورحمة الله وبركاته
شكرا لك أخيتي الذاهبه هذا وما سمحوا للمرأة بقيادة السيارة جبتي طبلون بريدة >>ماشاء الله عليك لكن أعدك بمزيدا من الأسماء وبالصور سلطانكو >>كلس والله ما خلو شي |
ههههههههههههههههه
صدق والله مابقيتي شئ لكن اتوقع ان نصف الاسماء مثل مايقال علامات تجاريه ميد / بنده / كودو / الارنب الجائع / أما مطعم لبيك فهذه فروع ببريده وأضن قد شفت بقاله ببالخبيب كذا اسمه بقاله فاطمه للخضار والفواكه لصاحبه علي بن سليمان الـ |
[align=center]بالمره العثيم والنخيل ليش ما ذكرتيهم الذاااااااااااهبه ولا انسى جيان بالطريق جااااااااااااي
كككككككككككككككككككك الله يعطيك العافيه [/align] |
الكلس (بكسر الكاف) يقصد به نوع من احجار الرخام ، ،
|
اقتباس:
[align=center]عذرا حبيب قلبي .. فالإسم الصحيح لذلك المحل هو : ( كــِــــلــْـــــسْ ) ..!! . وليس المقصود هو ( كــَــلــَــس ) أي السروال الداخلي ..!! . بكسر الكاف، وسكون اللام ، وسكون السين ، [blink]وبلوغ الشين[/blink] ..!! . نعم بلغ شينه بهذا الإسم .. لأن صاحب المحل من الديرة .. والظاهر لاتخفى عليه هذه المسميات الحرجة ..!! . وكثيراً ينحرجون من الدخول إليه ..!! . على فكرة حبايبي ... يقول لي واحد من قبل ممكن 11 سنة إن فيه مطعم عندنا إسمه ( [blink]إفرحي ياكرشتي[/blink] ) ..!! . هل هذا صحيح ..؟؟ . محبكم ...[/align] |
يوجد مقصف على طريق الملك عبدالله اسمه ( شي طعم ) ياليت تجربونه وتقولولي هو صحيح شي طعم فتح الطاء بمعنى ( لذيذ ) ولا , طعم بضم الطاء بمعنى الأداة التي تستخدم لايقاع الفريسة !!
|
( كــِــــلــْـــــسْ ) ونهوبه اصور معه
( إفرحي ياكرشتي ) خوش اسم هذي مدلا الكرشه اجل اسم( بدون اسم ) |
أهلين
معجبكم أساميكم بالمنتدى يوم انكم طايحين طنازه بأسامي المحلات لو أنتم سائلين عن أسباب التسميه كان بطل العجب طيب يالذاهبة..أنا أسألك:ليش اسمك المستعار كذا ذاهبة وين رايحه طيب أمي دايم تدعي علي وتقول: يامال الذهاب يعني في سر بالمسأله أنا عقيرب:تصغير عقرب,وهذا تدليع مو تحقير واللي سمانا واحد من الربع أخ بسسسس متى أكبر وأصير عقرب والسلام |
http://up3.w6w.net/upload/21-02-2006...1826d404c7.jpg
!!!!! البلدية تشترط عدم تشابه الأسماء لكن هذا ليس مبرراً لأن أجد مطعماً يقدم الرز البخاري أسمة روائع القناعة !!! كيف روائع القناعة ؟ ماعلاقة الراوئع بالقناعة ثم ماعلاقة القناعة بالأكل !! أيضاً هناك منجرة نهج الرجاء !! مامعنى نهج الرجاء !! اسماء غريبة تدل على عشوائية العمل التجاري لدينا !! لاتخطيط لادراسة جدوى ولا حتى أختيار أسم يصل للناس بسهولة ويعبر عن نوعية النشاط !! الموضوع يسيء بشكل كبير للعزيزة بريدة وهو آخذٌ في التنامي بشكل مريع !! أتمنى أن تضع البلدية حداً لهذا العبث ! تحياتي |
الدعوة دعاااااااااااااااااااااااااااااااااااااااااااااية والا ايش
خبرونا صالر المنتدى برامج دعائية مسموح بها خلينى اعرض عليكم خدمات بقالتنا ههههههههههههههههه |
| الساعة الآن 01:35 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة