العميدة وكلية التربية الادبية ببريدة (موثقة بالصور)
 

أيها الناس اسمعوا وعوا ..
الحاضر يعلم الغائب ..

ياناس ياجمااعة .. نحن طالبات كلية التربية القسم الأدبي نرفع قضية احتجاج بسبب ماتفعله العميدة بنا نحن الطالبات من امور سأذكرها انفاً..

ونرجو منكم الوقوف معنا ومساعدتنا ..

لأن من ساعد اخيه المسلم له اجر << صدق عاد:eek:
المهم من هذه الأمور على سبيل المثال لا الحصر :

اولاً::: اسعـــــــــــــار الكافتيريا غالية جداً وهي اسعار دبل ونص يعني الضعف ونص :mad: ..

ايعقل كيك امريكانا ابو ريال يباع بـ2ريال:eek: والعلك ابو نص بريــال :for4:

والبطاطس المقلي خمس حبات بطاطس (اصابع يعني) بـ3 ريال ..

وورق العنب خمس اصابع بـ 5 ريالات يعني الوحدة بريال ..

والله العظيم فلسنا يعني الوحدة اذا ودها تفطر فطور محترم خمسطعش ريال اقل شي .. والفلافل اليابس يباع بريالين قالت ليش قالت عشاننا حاطينها لكم بكرتون مثل كودو :for6:

ولا تنسون اول ماتدخلون الكلية تلقون الزهور ذبلانة ومقطعة وفيها زبايل ووساخة ..

ثانيــــــــــــــا:::الغرامات المالية حرام عليهم تكثر الغرامات المالية في وقت نزول المكافأة !!
فما أن تخرج الطالبة الجوال فقط للنظر كم الساعة اخذت منها المشرفة الجوال وطلبت غرامة وقدرها 100 ريال وولا تسلم الجوال الا بعد الدوام ..

ومخالفات الزي خصم من المكافأة 100 ريال << عنبوا داركم وش بقى :mad:
وكأننا في مخالفات مروريه ..

ثــــالثـــاً:::التأخير فما أن نتأخر خمس دقائق الا ومصيرك الطرد ومايترتب عليه احياناً الحرمان من المادة ...
بل واذكر طالبة تم طي قيدها بسبب تأخير 3 دقائق !! الهذه الدرجة يسهل تحطيم مستقبلها !!

فلدى الطالبات ظروف للتأخير منهن تأخير النقل ومنهن تشاهد نفسها بالمراية وتعدل خصلات شعرها وهذا من حقها :o

راااابعــــاً:::نطلب من العميدة ان تظلل الساحة لأن الشمس حارقة جداً ومايترتب عليها من تغير لون البشرة ..

خامساً:::: العميدة منعت الدكاترة من ان ينزلوا مذكرات للبنااات حراام عليها ...لأننا نتبهذل اذا جينا نجمع المحاضرات وخصوصا طالبات الفرقة الاولى لأنهن مايدرن وين الله حاطهن !!

سادســـاً:::هل يعقل ان تشاهدوا داخل مبنى الكلية حفرياات !!
من المسؤول عن اصدار الاشاعة والتي مفادها ان الكنز موجود في الكلية !!ياللأسف..

ساااابعاً ::: الطاااولات الطااااولات الطاااولات قليلة جدأ ونصفها متكسر لدرجة ان معظم الطالبات يفترشن الارض ليجلسوا عليها .. بشرط بدون فرشة (بساط ) ولا ممنوع !!

اما انا وصديقاتي ولله الحمد احسن حظ من غيرنا لقينا نص طاولة وجريناها وشبكناها مع نص طاولة ثانية مكسورة وصار شكلهن سياميتين !! عاد مو حنا اللي سميناها كذا هذولي البنات يتطنزون فينا :( :(

ولعلمكم اشترينا طاولة من قبل على حسابنا وكراسي وجت العميدة الموقرة وقشتهن ولا ادري وينهن الى الان !!

وثلاث مرات نجيب فرشة معنا ونفس الشي مصيرهن نفس مصير الطاولة !!

ومرة شفت بنات مساكين جايبين فرشتهم وحاطين عليها شناطهم وعباياتهم وقشهم وتجي العميدة ومعها مستخدماتها ويكبوون عفشهم وياخذون الفرشة والله العظيم شوف عيني اني مااكذب عليكم !

طيب وش نسوي اذا نجيب طاولة على حسابنا ممنوع وفرشات ممنوع حتى الجلوس بالقاعات الفاضية ممنووع طيب وين نطس !!

لحظة وحتى وانا اكتب المقال مرّت من عندي مشرفة وقالت اذا مادخلتي جوالك بالشنطة اباخذه :for9:

والحين انا قاعدة على الارض بعد ان شردت طاولتنا السياميتين
:(

وهذي صور للكلية :
http://www.omdbbab.com/up/pic/hfryat.jpg
هذي الحفرياات

http://www.omdbbab.com/up/pic/bradh.jpg
والبرادات اللهم لك الحمد والشكر كلها صداا حتى التغسيل الوحدة ماتشتهي تغسل منها ..

http://www.omdbbab.com/up/pic/mabnajpg.jpg
شوفوا اتحداكم تعرفون اي مبنى هذا .. الحمدلله والشكر تدرون هاللوحة من متى لها 7 سنوات والى الان ماعندهم نية يصلحونها !!

http://www.omdbbab.com/up/pic/tawlatna.jpg
هذي نص طاولتنا التي سلبوها منا :(

http://www.omdbbab.com/up/pic/wsa5h.jpg
تصدقون ان هنا فيه بسة ولدت خمس بساسة بسم الله عليهم !!

http://www.omdbbab.com/up/pic/zhoor.jpg
وهااااذي اتحداااكم تعرفون وشي ... لالا مو زبالة (تكرمون )
هذي سلة اللي المفروض تكون زهور بس صارت مزبلة (وانتم بكرامة )

هذا غيض من فيض ..وكتبته وانا مستعجلة ..

وآملين منكم مد يد العون لنا تكفون انقذونا من هذه العميدة مع سوء اخلاقها فلا لديها احترام للطالبات ولا الاستماع لوجهة نظرهن ..

وشكرا لكم .
طالبات كلية التربية الادبية ببريدة

اختي قصيمية00
مرحباً بك عضوة معنا في منتدى بريدة

اما عن الموضوع فالحقيقة كلام اشبه بالخيال ولا يقبله العقل
هل يعقل ان هذه صور كلية ومقر للتعليم ؟؟
هل يعقل ان الطلاب محتقرين ومقهورين حتى وهم جامعيين
ثم كم هي المكافأة حتى تستنزف بهذه الاسعار والغرامات
والى متى ونحن لا ندرك اهمية الأثر النفسي للطالب وضرورة
مراعاته وتهييئته لتقبل مايطرح عليه من معلومات
اسئلة كثيرة تدور في ذهني امام هذه الصور والكلمات
الغير مقبولة من معقل من معاقل التعليم

وتقبلي مني التحية والتقديـــــــر000

ليش ماتفطري بالبيت 0


وبعدين الجوال معها حق ليش تطلعين الجوال ومعاكي ساعه

احسن ليته 500 ريال خرامة

وبعدين تقولين ابساس وغيره وشلون صورتي هذه المشاهد هاه يعني معاكي جوال ممنوع

احسن ودك والزس اكيد عاري او شبه عاري لمحتشم محتشم مهما كان
ونعرف معيدات وطالبات لم يحصل لهن الذي حصل لك لكن المستهتر لابد ان يردع

لاحول ولاقوة الابالله

أختي الكريمه قصيميه

والله ان الوضع مبكي ومميت

عموما سأتبنى موضوعكم وانقل شكوى الطالبات للمسؤلين في التعليم

وكذلك نشرها في وسائل الاعلام

أعتقد جازما ان عميدة الكلية لها نسبة من ارباح الكافتريا

دائما الطالبات يخصم من مكافائتهن بشكل دائم

على العموم سيتم تصوير مبنى الكلية بصور واضحه وسيتم تفعيل الموضوع لك الشكر

اختي قصيميه

اهلاً وسهلاً بك عضوة في منتدى بريدة

والحقيقه بدايه قويه جداً انا مااعتقد ان عميدة الكليه سوف تستمر على هذا

الوضع المزري لا من حيث مبنى الكليه ولا من حيث التعامل مع الطالبات ، لو ان

الشده مطلوبه وظروريه مع الكثير من الطالبات التي نسمع عنهن ما يندى له

الجبين وانتي تعرفين هذا الشيء اكثر مني لأن الذي يشاهد غير الذي يسمع0

والمسؤوليه مشتركه بين العميدة وبين ادارة الكليات ايعقل ان لا تعلم عن مايحدث

داخل مبنى الكليه وعن هذه الحفريات وعن تراكم الأثاث الغير صالح وعن وعن0


وهناك سؤال موجه لكي اختي كيف تم التصوير:confused:

وهذه من المصائب التي تحدثها الطالبات ، والمشكله الأكبر إذا كان جوال كيف وكيف وكيف




ابو سليمان

الله يعينكم على المهزلة

السلام عليكم ورحمه الله وبركاته .... اما بعد :

ياجماعه الخير وش جاكم على الضعيفه

هالحين خليتو موضوعها وبديتو بهالجوال ؟؟؟

انتم اكيد ماعندكم احد يدرس هناك ولا كان خليتو الجوال وانتبهتو للموضوع

وبعدين كل اللي قالته صحيح وانا قد دخلت الكليه وجاني وقت ادخلها باستمرار

والله العظيم انها مهزله

وكله كوم وافعال العميده كوم ( حسبي الله عليها )

واللي عنده احد يدرس هناك بس يقول له هالكلمتين

( وش رايك بالعميده )

وبعدين ليه انتم مستغربين من التصوير ؟؟

انتم ما تدرون ان هالجوالات كلهن يصورن

وهالكميرات حقات الكمبيوتر الصغار انا عندي كمره كمبيوتر حجمها ( 2 * 2 ) انش فقط

والله اعلم

ودمتم ...

السلام عليكم

أهلا أختي قصيمية على موضوعك الحساس جدا حيث يمس أغلب بناتنا

أختي....
تنزيل المذكرات والتأخير عن موعد المحاضرة يعتمد على الدكتور /ه وما أظن ان العميدة تتدخل بهذا الموضوع لأن دكاترنا ينزلون مذكرات
وما أظن ان البنت يطوى قيدها لأجل التأخر بل أعرف طالبات اتصلوا عليهن ببيوتهن ايام الاختبارات ليطلبوا منهن حضور الامتحان مع انهن ما داومن أغلب الترم

أما من ناحية غلاء الكافتريا والفرشات والطاولات فقد عانيننا منها أشد المعاناة
الساحات ضيقة جدا و ممنوع إحضار الفرشات والطاولات أعدادها محدودة جدا لا تكفي الكم الهائل من البنات وصدق شفت وحده من المشرفات تقوم بنات وهن يفطرن عشان تاخذ الفرشة اللي جالسات عليها

هناك ايضا معاناة تسحيب الكراسي من دور لدور ومن مبنى لمبنى وما فيها من تضيع للوقت وازعاج كبير من صوت تسحيبهن

اما من ناحية لون الزي فهم معطين الموضوع أكبر من حجمة
يعني لازم تلبس الواحده اما ابيض أو أسود أو رصاصي وإلا ستحرم من دخول المكتبة العامة ويحسب لها غياب في المحاضرة

أسلوبها وأسلوب بعض موظفات الشؤون دماااااااااار
بعضهن يعاملننا كأننا أطفال وكأن الكلية بيت ابوهن

تحياتي لك يا قصيمية على إثارة هذا الموضوع
ونطلع اللي بقلوبنا ونعاني منه
**************************************************
هذا كلام أختي 2 كلية
وأنا الحمدلله اللي طلعني منها بالسلامة

الى الجميع

اولا نشكر اختنا قصيميه على اثارة هذا الموضوع

ثانيا اعتقد ان فوائد التصوير مثل تصوير هذا المكان ونقله وفضح مايدور بداخله فائده عظيمة جدا

اما ان يترك الموضوع الرئيسي ويبحث عن نقاط تثار في الحوار

ارجوا ان نناقش وضع الكلية بعيدا عن كيفية تم نقل الموضوع لنا

لكم الشكر والتقدير

السلام عليكم ورحمة الله وبركاتة

أختي الفاضلة يعلم الله أني لا صلة لي بالعميدة ولم أدخل كلية التربية الأدبي
ولكن رأيت الموضوع من زاوية أخرى
لعلي اختصرها بما يلي....



أما من ناحية المذكرات فهذا القرار ليس من العميدة بل سألت قريبا لي - عميد - فقال
هذا القرار تم تعميمة على المملكة بشكل رسمي 2002
من باب أن الطالبة الجامعية وصلت إلى مستوى فكري وعلمي عالي
فالطالبة لابد أن تكون ذات همة عالية في طلب العلم فتبحث عن المعلومة
لا المعلومة تبحث عنها

هذا بنسبة لنقطة الأولى

أما موضوع الكافتريا سأتركة لسكب روح الشفق

أما بنسبة للغرامات المالية والجوال فأنا أقف مع الصف المنادي بتطبيق
أشد العوقبات لسبب بسيط
أخيتي إن احسنت استخدامة لا اضمن أن الأخرى كذلك

أما بالنسبة لزي فهو قرار يتم تنفيذه على الجميع
كلية الأقتصاد وكلية التربية الأدبي والعلمي والتأهيل
لأسباب لا تغيب عن أي إنسانة فطنة

أما التأخر عن المحاضرة ولمدة 3 دقائق يترتب علية طي القيد
أسالك بالله إن كان الكلام صحيحا اتمنى مراسلتي على الخاص


هذا مالدي والله الهادي إلى سواء السبيل



أختكم

:confused: :confused: :confused:




والله اني احسب الصور من التشليح ........!!!!




الحين هاذي كليه يدرسن به اوادم المفروض تقلب ورشه اوسكن عمال(بس مهب فلبينيين لأنهم مايتنزلون يسكنون بهاذي))



الــــــــــــلـــــــــــه يعين بنيـــــــــــــــــــــــــــــــات بريده ويصبرهن

بعذرهن لوفحطن بالكليه ((يعني مانجحن))10سنين:eek: :eek:


عموما الله يعينكن والمقصف ايقالهم حاطين لكم كودو على هالأسعار يعني المكافئه :for13: :for13: ...........!!

موضوع جيد في صميم قلوبنا ....

لو نظرنا الى جامعة الملك سعود للذكور في القصيم
مبنى حديث وجاري التطوير

لكن مبنى كلية البنات وضع مأساوئ ..........

ليس هنا فقط بل في الرياض .... راجعو الرابط التالي
http://www.abunawaf.ws/forum/index.p...=ST&f=4&t=9227

لمبنى كلية التربية بالملز ___((( من سئ الى أسوأ)))

------------------------------------------------------------------------------

نحتاج الى تكاتف لمطالبة حقوق البنات
في التعليم الكريم ومعالجة أوضاع الدكتاتورية لعميدات الكليات --- وعبارة ((( كل شئ تمام طال عمرك )))

لضمان المنصب لأطول فترة ممكنة ....؟؟؟

------------------------------------------------------------------------
1- المبنى متهالك
2- المستوى المهنى لدكاترة الكلية يدعو للعجب (( ضعف علمي)
حتى سبق أن أكتشفوا دكتور يدرس سنين وأخرتها صار (ميكانيكي سيارات ) في مصر ...ولا وبعد يرسب البنات ..؟؟
3- خدمات منهارة
4- صيانة ردئية
5- أستغلال الكافتريا وتوزيع كروت بدل من العملة لضمان البيع
7- عدم الألتفات لأي تطوير ....غريب .....

اللة المستعان ...
-------------------------------------------------------

السلام عليكم ...

كعادة بعض الكتاب هداهم الله ترك اساس الموضوع والإتجاه الى التدمير والتحطيم لكاتبه بشتى الوسائل :for9:

اقول وبالله التوفيق ...
فعلاً سمعنا الكثير عن إضطهاد طالباتنا في هذه الكليه لكثير من الأسباب كما ذكر الأخوه قبلي ... والغريب انه يوجد العديد من المدرسات في الكليه لاتحمل مؤهلات !!! وأجنبيات !!! أليس هناك من بنات الديره ((وياكثرهم)) لها القدره بأن تسد هذا المكان الفارغ (( وظيفة الأجنبي فارغه حتى يشغلها سعودي )) هذا نظام الديوان ....


نقول لأخواتنا في الكليه ...... الله يكون في العون ..

ونشكر الأخ / السكب على تبنيه الموضوع ...

تحياتي للجميع ...

وسلامتكم ...

.....................
 

قدموا شكوى للمسؤليين و أرفقوها بالصور

وستجدون التفاعل منهم



كان الله في عونكن يا خواتي




السموووووووووووووووحه