|
المــزيونـه .. !!
السلام عليكم ... المزيونــه .. أو المزيون .. على من تطلق .. ؟؟ هل أصبحت البهائم تحظى بالنصيب الأوفر من الزين بنظر من يعشقونها .. ؟؟ أبل ... غنم .. دجاج .. حمام .. الـــخ .. من الحيوانات والطيور اللتي أصبحت لها مهرجانات وولائم ومخيمات وتعصبات وفخر والبعض وصل به الأمر الى التغني فيها بكل مكان .. يوم الخميس الماضي .. كان هناك حادث رآح ضحيته 13 من المزآيين من الأبل .. في طريق قبه الممتد الى أم رقيبة .. بسبب خلاطة أسمنت كان يمشي في الطريق المخصص له .. بينما الأبل كانت تحتل الطريق وبمساعدة دورية أمنية بدون أي تحذير للقادمين عن ذلك التفويج .. لسعادة النياق المزآيين .. صاحب الأبل كاد أن يدفع حياته .. وذلك بأعتراض طريق صاحب خلاطة الأسمنت .. حتى لا يصطدم بالأبل أو الحلال المشاركات في الكزآيين واللتي تساوي بنظره مبالغ مالية .. كبيرة .. وسائق خلاطة الأسمنت ( الباكستاني ) الذي تفاجأ بعبور الأبل ولم يتمكن من السيطرة على تلك الناقلة ... وبعد نجاته كاد أن يدفع ثمن ذلك الحادث حياته عندما تهجم عليه صاحب الأبل .. وآربعة من جماعته بالضرب حتى أغمي عليه ونقل الى المستشفى .. نكاية فيه .. وآخر كلمة سمعها قبل أن يغمى عليه .. الناقة آغلى منك .. ؟؟؟ حادث من عرض الحوادث .. واللخبطة المستمرة في طرقنا كالمعتاد من ضحايا حوادث وباصات ومعلمات وشاحنات وسرعة بزران وغيرها .. الشاهد من هذا الموضوع : الهندوس .. يعبدون البقر .. ويقدسونها .. الغربيين يهوون تربية الكلاب والقطط .. ويعاملونها .. وحتى يصل بهم الأمر الى الوصاية بالورث لها بعد الوفاة .. ربعنا أو رعايا الأبل .. أو الغنم ولكن بحالات بسيطة .. قدسو ذلك المخلوق وآقامو له الحفلات والمناسبات وأصبح ذلك البهيمة ( الناقة ) أو ( الفحل ) .. كل عام يكون هناك مهرجانات ضخمة .. تقام فيها الولائم ببذخ والتفاخر والعنصريات والجهل ورفع سعر تلك البهائم حتى أصبحت بورصة عالمية تصل الى الملايين .. والنهاية .. الفوز بجيب شاص وشبك مليان علف .. أو كم كيس شعير ووايت .. مالفرق بين من يقدسون تلك البهائم من الأبل من رعاياها الخليجيين والسعوديين بصفة خاصة .. والهندوس اللذين يقدسون تلك البقر .. ؟؟ وهل يمكن أن يصل الأمر الى التبرك بتلك البهائم .. ؟؟ الذي يؤدي الى الشرك والكفر .. ؟؟ وخاصة أن البهائم تلك .. أصبحت مصدر تفاخر وتجارة وغيرها .. أليست الولائم اللتي تقام بمناسبة المزآآيين بأم رقيبة من الأسراف والجهل .. الذي يخالف تعاليم الشرع .. ؟؟ وتلك المخيمات ومايتبع تلك المخيمات .. من أمور خطيرة تفوق المهرجان .. من مخدرات وتجمعات وتعصبات .. وإشغال الرأي العام بتلك العادات الجاهلية .. اللتي أصبحت تكتب بالرموز .. ويتفاخر فيها الشباب بكتابتها على سياراتهم بأنه يرمز الى تلك القبيلة مما سبب مشاحنات وكل يرى بأنهم هم أصل الأصالة والفخر وكل ذلك بسبب .. تلك البهيمة اللتي .. لا ناقة له فيها ولا جمل بما يحدث .. ؟؟؟ |
تركي .. أمنيتي الوحيده بالحياة هي أن أرى الفاروق عمر بن الخطاب وأرى ردة فعله حول مايفعله هؤلاء الجهلة الأغبياء الأغنياء .
ويابلادي واصلي . بعير ارض جو .. ناقه بالستيه عابره للقارات .. دينا حاملة للطائرات . :d2: مزاين الأمريكان :بي 52 http://imagecache.te3p.com/imgcache/...930aafcf4d.jpg مزايننا أم براطم : http://www.alriyadh.com/2007/09/30/img/4444.jpg |
.. ويضحكون علي لاقلت بسيستي ملكة جمال العالم <:)> مير هي ابرك واملح من هالبعارين تروش وتعطر ونحطله فيونكات /: بس بهن وفاء هالبعارين اذكر جدي لامنه اقبل عليهن الله يرحمه نزلن روسهن لمه عشان يحبحبهن الا تركي .. ماسمعت عن ملكة جمال الدجاج ؟ :p |
اقتباس:
هلا ابوعرآده ... هنا الفرق .. شفت الدول كيف آستغلت طاقات شعوبها .. وسخرتها بالشكل الصحيح .. آمريكا .. والروس .. والهند والصين وباكستان وايران .. بالأختراعات النووية والأسلحة والطائرات والكمبيوتر والحواسب والطاقة وتحليل الحياة على كوكب المريخ .. والمنافسة الشرسة بين الشركات العالمية مثل الأيفون والجالكسي .. والمنتجات الصينية واليابانية ..وكل مايختص في عالم التقنية والتطورات وربعنا ... قمة وآقصى طموح له .. وطبعا .. فيه طاقات شبابية ودكاتره لكن لم تجد الدعم الحقيقي .. للأبداع .. والباقي طموحه الفوز بــ100 كيس شعير وجيب شاص .. عشان المزيونه فازت .. |
بأختصار لاني (مشغول) وقاعد عند البوابه انتظر وصول واحد شكل الرحله تأخرت عليه
اقتباس:
ماذكرته هو الجانب السلبي لهذه الملتقيات المنسوبه0(للأصاله والرمزيه العربيه ) وغيرها لكن يبقى هناك جانب (ايجابي) حتى وان غاب عن اذهاننا ولست هنا (أمثل الجانب الايجابي) لاني ليس لي (ناقه) بها (ولاجمل)<راكب المثل بالمقص, لكن لاتنسى ان هناك(ملتقيات) موسميه تقام ولها أثار سلبيه قد تكون اشد مثل(مايسمى بمهرجانات الصيف المزعومه) لو كنت فاضي لاسترسلات خصوصا جزئيه استغلال ملتقى ام رقيبه( لغسيل الاموال !!( |
اقتباس:
آنتي مادري وش آخرته مع هالبسه .. ههههه شكله له مصروف خاص .. شوري عليتس آطلقيه خليه ترززق .. ماضر بساسة الشوآرع .. كل عمرهن يخطمن بكل مكان .. وعبيد هو عبيد .. لا يغرتس ابوبرطم تحسبينه صزز ينزل رأسه لجدتس الله يرحمه ... ترآآ ابو برطم .. مايعرف أمه أو أبوه أو انت من انت ولد لووه .. لا صار جامعن لك .. والله أن مايترك اللي يوذيه لو يحفر لووه حفره بالأرض أن يطلعه من تحت الأرض .. والدجاج وش حيتهن ياويلي .. بكرآآ مزآآيين الضبان والجرابيع .. والقعر .. ربعنا .. جاهزين |
وعليكم السلام
تهجموا على الباكستااني وطقووه!!! من جد متخلفين الشوارع للسيارات مو لبعارينه قطيـعه احسن يستاهل ماجاه خل ينفعه المهايط ببعارينه |
في الوقت الذي قارب فيه الغرب على غزو المريخ ..نحن فاجأنا العالم بهذه المفاجأه المدويه .... إنها أجمل ناقه بالعالم :a2:
اعراب جهله معهم دراهم .. فإيش تتوقع ؟؟ مصانع اسلحه أو مصانع الكنرونيات أو منتجعات سياحيه مثلا !!!! ....بل ماتراه أمامك http://www.mekshat.com/pix/upload/images3/Miss_KSA.jpg |
لو تعيش معهن والله انك تحبهن آكثرمن عيالك جد سبحان الله اشوف اصحابه هالكائنات كيذا , باس اللي يدخلون المزايين غسيل اموال الهم فقط مو تفاخر ولاغيره , والا الجائزة تفشل ماتسوى العنوة القهر للحين ماطبيت هالمزايين شكل هالسنه ابعزم اروح اشوف هالبلاوي والتفاخر تروحي معي تركيش باس شرط ماتشوت عليهم اخاف نروح بخبر كانا وانا ماتهنيت بشبابي هه |
اقتباس:
اقتباس:
احمد .. الرعي والغنم والأبل والبر والصحراء والربيع والأمطار الكل يعشقها إذا كانت حالات فردية .. وهي عشق آغلب الجزيرة العربية .. إذا كانت مبنية على الرحلات والشجاعة والكرم والنخوة والقنص والصيد الجائر ولكن التجمعات والملتقيات .. والمهرجانات اللتي أصبحت آعلاميا عبر قنوات مخصصة ومايتبع تلك المهرجانات بسبب مزيونة بهيمة .. و غسيل أموال وغيرها .. والملتقيات الصيفية والحفلات إذا كنت تقصدها هذه مقدور عليها .. بالألغاء .. وتنتهي بوقتها .. لكن تلك الملتقيات وماخلفته من آثار .. سلبيتها آكثر من إيجابياتها بكثير .. وعندي وآحد في الدوآم .. قحطاني من المهتمين بأم رقيبة يذكر لي .. بأن نص المتواجدين في المهرجان والله مايدرون عن تلك البهائم وتلك المخيمات هي مرتع للمخدرات وتسكين المخالفين وكلها عبارة عن غبار وبقالات ومطاعم بدآئية وكأنك ماقبل 70 عام .. بالفعاليات وسط تلك الآجواء .. |
اقتباس:
ويهدد بالشكوى للسفارة يمكن تصير فضيحتنا عالمية بعد ... هم يقولون الشوارع لنا خل نفوووج المزيونات وأنتم يالآوآدم بأبليس يحلق بكم .. |
اقتباس:
ابوعرآده .. ترآآها ماوقفت على هالناقه .. فيه التيس .. مارادونا والبسه .. سوسو والدجاجة .. أم رموش والحمامة .. أم عيون .. وهلم جرآآ .. يعني ترآها ماوقفت على ناقه .. حتى شبابنا .. يعشقون الهلي الهايلوكس .. والجيب الربع .. ويغسلونهن ويوقفونهن أسبوع .. يحسبونهم مسوين إختراع .. واليابان يقولون ... ( كفووو ) .. |
اقتباس:
الأبل أو الغنم فتنه .. مثلهن مثل راعي الحمام وراعي الصيد وكل له عشقه .. آقعدي بأرضتس .. وشو ترووحين عااد .. اللي يسمعك يقول .. بترووحين تششوفين لآخر إختراع تكنلووجي .. وكله كم حوش وكم خيمة عراقي يبيع فرآآ .. ماتدرين أن ربعنا .. واحد إخترع لمحل السنيدي يركب بالجيب الشاص تانكي ماء زيادة .. وقالوو لازم تسجل له برأة إختراع وتروح لمدينة الملك عبدالعزيز وتطلع له صك إختراع .. وتسوي لهم تجربة بحضور دكاترة وإساتذه عشان يمكن يجيزون لك البرأه ... |
تركي ..
اشوفك مررت على غسيل الأموال .. مرور الكرام ولم تلقي لها بال فقط قلت مرتع .. غسل الأموال هي الأساس .. اعطيك مثال قوي في كيفية غسل الأموال .. المعروف ان بيع المخدرات وترويجها يتم بالكاش .. مثلا بعيت صفقة مخدرات با 40 مليون .. لن يستطيع الشاري تحويلها في حساب البائع .. على انها قيمة بيع مخدرات .. لكن يستطيع تحويلها على حساب البائع .. على انها قيمة اربعين ناقة من المزايين .. هنا تم تنظيق هذه الأموال من براثن المخدرات وغسلها .. وما ينطبق على المخدرات ينطبق على اموال بيع الأسلحة المهربة .. وبيع البترول المهرب ايضا .. وهناك عدة طرق لتنظيف وغسيل الأوال.. ومنها اعلانات تسديد الديون المنتشرة بجوار الصرفات .. نسدد عنك ديونك الهدف منها تنظيف هذه الأموال .. http://www.alriyadh.com/2012/10/06/img/125430896885.jpg |
اقتباس:
المنطق ... انا ماحبيت آسترسل بنقطة .. غسيل الأموال حتى مايترووع اللي مفتون بالمزآيين .. هم يحسبون هالمهرجان .. عرض أبل .. وآخرها توزيع جوائز .. لكن ما يحويه هذا المهرجان .. من غسيل أموال تحت مظلة صفقات البعارين لو تم ذكرها لا شاب منها الرأس .. وماتم ذكره بردك هي فقط مقدمه .. ولكن الخافي آعظم .. |
| الساعة الآن 07:38 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة