|
لو تقدم لك شخص تربيته أمريكيه .. توافقين ؟ " محتاره " وضايق صدري
صباح الخير ع الجميع |
صبااح الخيرات ..
الله يكتب لك مافيه خير وصالح اممم فرق العمر حلو وراح تحققين حلمك بالمآستر نقطتين ايجابيتين :) اقتباس:
كيف تربيته غربيه ..!! اهم شي الاساسيات صلاته واخــلاقه وكيف عايش هناك اقتباس:
انا عن نفسي راح اوافق بس اتاكد من محافظته ع الصلاه و كيف هي اخلاقه يعني الامورالي بسرعه مااحبها الله يوفقك واهم شي صلاه الاستخاره |
يعني مشكلتك مع الغربة فقط .
وانت ادرى واعلم بحااااالك من غيرك الله يسعدك ويوفقك وان خبرتي للي من هناك وحدة ارسليه ههههه |
أنت عادي تبعدين عن أهلتس يعني تعيشين بديرة ثانية ؟؟؟؟
أنا بالنسبة لي لا مقدر أعيش بعيدة أهلي وأنت شوفي عن نفستس .... الله يوفقتس ويسهل أمورتس |
مع ان الموضوع خاص بالبنات..
بس مايمنع اتليقف.. ورأيي أن الموضوع يعتمد على البنت نفسها.. وفكرها.. ونظرتها للحياة.. مع أني أجزم ومن خلال معايشة كثيرين عاشوا هناك... أن مثل ذلك الشاب لايتأقلمون سريعا مع بناتنا زميلي درس بأمريكا سنتين.. ويوم قرر يتزوج دور على بنت (فري) .. من عائلة منفتحة ومع ذلك... رجعت مطلقة بعد ستة أشهر... بسبب أنها لم تتحرر من حياتها التي عاشتها هنا.. وعلى الاجمال... ومع كون الامر مغري للفتاة نفسها.. إلا أني ارى ان الرفض أمر مطلوب |
اقتباس:
اقصد بتربيته غربيه من يوم تخرج من الثنوي وهو هناااك لأن ابوه مطلق امه فعلى طول تخرج من ثالث سفره ابوه والى يومك هو هناك وأخلاقه يمدحها واحد من من نفس العائله والذمه عليه أما صلاته وحتى اخلاقه ماندري عنه شيء يجي للسعوديه ان كثّر شهرين ويرجع واللي مضيق صدري اكثر انهم يبغون الرد بدري يعني الموضوع سريع سريع وزياده على عمره كويس ., الشكل وسيم وحلو .. ضايق صدري بقوه النوم م أنام :( مو بس عليه , اي موضوع خطبه يوترني وأخاف ويجيني صياح قوي :( الى درجه اني ابغا يخلص الموضوع بأي طريقه سواء بالموافقه او الرفض بس ابغا اخلص من وضعي وزياده انه قريب لي , حتى امه تقول لو رفضتوا ماراح تتغير علاقتنا يعني الوضع فرري دعواتكم احس اني مخنوقه زياده ان صديقتي اقرب وحده لي امس مسافره ومقفله جوالها وماراح ترجع الا بعد اسبوعين يارب تفرج لي :( |
اقتباس:
مااحب كلمة انتي ادرى :( اتوتر لما احد يقولها لي اعرف اني اعلم بحالي بس ابغا احد يرشدني يساعدني يقول رآيه انت زي اهلي انتي ادرى :( حتى مايقولون ايش رايهم :( ولما ارفض الشخص ويردون بالرفض بعدها كل واحد منهم يقول ايش كان رايه سواء بالرفض او القبول بس يقهروني وش عقبه قلتوا ؟ يقولون مانبغا نشتت تفكيرك :( يسمعون بالحريه :( امييين اجمعين ,, ابشر بجيب لك اطلق وحده سعوديه عندها رخصة قياده :) |
اقتباس:
امي راحت للقصيم اسبوع عشان عزاء خالتي وانجنيت حسيت نفسي بزر حتى لما نسافر كلنا وابوي يجلس بالبيت اشتاق له كثييير ولما نروح ابكي , حتى لما اكلمه واحنا بنطول ماراح نرجع اذا سمعت صوته ابكي :( حتى الحين تعبان اذا شفته يتألم ابكي :( وخايفه يكون تعبه من موضوع خطبتي :( اميين تسلمين على الدعوات الله لا يحرمني من الارواح الطيبه |
ياأخيتي
تقولين عايش بأمريكا من سن المراهقة ولا تدرون عن صلاته وأخلاقه لو أنا ماراح أوافق يجي غيره أن شاء الله طيب سؤال هو خلاص بيكمل حياته بأمريكا والا بيرجع ؟؟؟ إذا كان بتستمر حياته هناك تخيلي نفستس عايشة عندهم طول عمرتس وااااااوه |
اقتباس:
أنا خايفه من هالنقطه يكون متعود على الشقروات الطوال , وانفتاحهم ونظامهم الغريب صحيح اني متفتحه اعلى من الدرجه الوسطى لكن عندي اساسيات بالحياة مااتعداها وماابغا شريك العمر كذلك يتعداها , ومن بعده ابنائي .. انا خايفه من هالنقطه مااقدر اتعايش مع نظامه مع الحريم اخاف يكون فرري معاهم وانا لما احب اغااار :( وغير كذا ماتقبل الاشياء هذي امه تقول هو اللي طالب الزواج وانه مال من العيشه لحاله لان خوياه خلصوا ورجعوا فيبغا وحده توسع صدره , وهو اللي طالب يبغا من نفس عائلة أمه فهذي نقطه ايجابيه انا في قرارة نفسي الرفض سيد القرار , لكن اخاف اتندم اخاف تكون فرصه لي وضيعتها غير انه اذا رجع للسعوديه بتكون وظيفته عال العال وماني مشفوحه ع الزواج بالعكس لما اتذكر المسؤولية اتراجع لكن اخاف كل مره تقّل الميزات اللي راح تجيني وماننسى ان كل هذا مكتوب ومقدر الله يكتب مافيه خير وصلاح شكرا ً ع المداخله ولا مانع من مداخلة الرجال , ف فيكم من النظره الثاقبه مالم نتميز بها .. |
اقتباس:
ياحبيلك وياحبيل رجعتك .. اي والله من بعد الثنوي وهو هناك والحين عمره بيدخل الثلاثين .. وغير دراسته يشتغل هناك امه تقول ماراح يرجع هالحولات , رجعته الآن مجهوله , بس اعتقد اذا وافقنا راح يقولنا ايش نظامه بالضبط ومتى رجعته .. الله يعين بس اعرف بأمريكا اكثر من شخص هم وعوائلهم وبيني وبينك امريكا احس مافيها أمان :( لو ديره غيرها كان تنبلع استانست على رجعتك مشكوره والله يوفقك ويرزقك أطلق واحد ببريده عند أهلك |
ياسن ذيك الايام <-- ايام تقرير المصير
اذا تبين نصيحتي قولي اول شي العجله مافيه عجله ردي بيكون بعد اسبوع واذا ماراح تسمحون بهالاسبوع من اوله لا وبهالاسبوع اقعدي مع اهلك خليهم ينفظونه ومايكتفون بمدح قريبه واهم من كل شي وانا اختك استخيري كل هالاسبوع خليه استخاره مع صلاة الفجر اضيفي سنة استخاره بعد الضهر وقبل العصر وبعد المغرب وبعد العشاء ولامانع بمنتصف الليل خلي كل وقتك استخاره واستغفار بنية ان ربي يفتح على قلبك ويدلك الطريق الصحيح بعد هالاسبوع قرري سواء باليجاب او الرفض ورايي اذا الولد على خلق ودين فالغربه على شدة وقعه على النفس لكن لها مزايا اولها التقريب بين الزوجين واعرف بنات كثير لو تطلع امهن ساعه انهبلن وماعرفن يمشن جياتهن بدون الام تزوجن وتغربن ولهن فوق خمس سنوات بالغربه وبكلامهن يقولن تعودنا وكونا صداقات طبعاً اهم شي الولد بيرجع لديرته وماراح يخلي غربته وطن وبالنهايه زي ماقالوا اهلك هذي حياتك وقرار مصيرك بيدك انتي الي لازم تقررين عن سابق اقتناع او بتكون حياتك نكد لمجرد انك ما اقتنعتي او انغصبتي (لان تفكيرك بينحصر بين هالكلمتين) تمنياتي لك ولجميع المسلمين بالتوفيق تحياتي |
الله يكون بعونك وبعوني الغربه صعبه00سواء داخل المملكه ولا خارجها0
وتقرير المصير واتخاذ القرار شيء صعب وحتى لو كان عندك اخوات رح يجزمونك شوي لكن بينك وبين نفسك بتقولي انا اللي رح اعيش معاه وانا اللي رح انحط في القفص الذهبي على قولتهم واعيش لحظة الفرح والحزن واتحمل وحدي المسؤليه0 بصراحه ما فيا اوجهك برأيي..!!!! لانوا مارح تاخذي الرأي من شخص واقع في نفس الحيره!!!! يكتبلك ربي الخير وين ماكان ويوجهك لصالح امرك |
والله مادري وش اقوولك انا بحط نفسي مكانك
شوووفي اذا كاان بيتأخر بامريكاا او يعيش طوول عمره هنااك اكييييد برفض امااا باقي الاموور احس عاادي انشالله تربيته عاليه وياما شباب برا اخلاقهم اعلى من الي هنااا انتي استخيري وتوكيلي على الله |
الكلام بالموضوع طويـــــــــــــــــــــــــــــــــــــــــــــــ ـــــل
لانك تبين نتكلم عن ولد ماتعرفين عنه الا امه وعايلته وعن غربه وعن عيشته بغربه وعن حبك لهلك وعن وعن . تراي مقدره لخبطتك لاني زيك جربت الغربه وعشت برا ثلاث سنوات بس بجاوبك باالي اقدر عليه . اولا لاتستعجلين لو قالو بسرعه لاتستعجلين اولا الاستخاره ثم الاستخاره ثانيا اسالو عنه بامريكا تبين تدرين وشلون؟ انا اعلمك.. شوفو هو باي ولايه بعدين روحي لملتقى الطلاب السعوديين باامريكا او عالم حواء للمغتريبات بعدين سجلي واسالي عن رقم مدير النادي السعودي الي بولايته وخلي ابوك يدق عليه ويسال عنه ويقول له لااحد يدري ان الي سالين انتم <<ادري انك بتقولين السالفه طويله بس اسلم لك بعدين تراه ماطلب الزواج الا انه يبي يستر نفسه ويحفظه من الحرام ان شاء الله ثالثا اذا انتي ماتحبين تبعدين عن اهلك لاتوافقين انا ماارتحت الا يوم رجعت والا طول الوقت احس بغصه ومالي نفس بشي تخيلي اتمشى واروح واجي وطول الوقت اتخيل اهلي وخوذي من الصياح واحس انه كل شي ماله طعم تخيلي مااستانس بالديره الا اذا حجزت لسعوديه اقول لزوجي يالله قوه نتمشى احس انه تروح الغصه اذا انتي مثلي متعلقه بهلك لاتوافقين تراك ماراح تستانسين واذا حلمك بالدراسه ادرسي والدراسه مرحه هناك وحلوه بس علته الاختلاط الا اذا انتي عادي عندك وترى الغربه حلوه للي يحب التغيير يعني تعرفين على شي غريب وتعرفين على ناس وتقربين لزوجك اكثر والا التسوق مووووووووووووت يجنن اذا انتي تحبين الاسواق والمعيشه حلوه بالغربه شوفي انا ابختصر لك اذا سالتو عنه وطلع كويس واخلاقه حلوه وترى اكثر المغتربين مايصلون بالمسجد يعني لايضيق صدرك بسبب قلة المساجد واختلاف الاوقات والاجواء المتقلبه واذا انتي عادي تبعدين عن اهلك وحطي ببالك ترى اكثر المغتربين ماعندهم الا رحله وحده بالسنه الا اذا هو منغنغ يجيبك على احسابه كل هوليدي هههه واذا انتي منتي غيوره مره يعني عادي مع زوجك بنات بالكلاس وطقت حنك (اقولك وافقي) يعني ماعندك غيره مره ولا تعلق بهلك واخلاقه حلوه وانتي تبين تدرسين وافقي والله يكتب لك الي فيه الخير وييسر امرك ويوفقك ويهون عليك امورك |
| الساعة الآن 04:43 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة