|
دردشة خفيفة على رصيف الدائري الشمالي.
ماطريقتك في ضبط الصف ( اقتبس طريقتك الخاصة )
الطريقة الاولى .. ضبط الصف من خلال الحسم من الدرجات لكل استهبال او لعب او تحدث مع الغير وهذا له سلبياته فهناك من عيال الناس والهاوي من لا يهتم اصلا للدرجات . الطريقة الثانية .. ضبط الصف من خلال سالفة ( اطلع للمدير .. اطلع للوكيل .. اطلع للمرشد ) وهذه لها سلبياتها ماتفيد كثير وترسم صورة لمعلم او معلمة مالهم شخصية .. اضف لذلك استهانة المدير بك ورايح يستعرض عليك باومره اللي مثل خشته . الطريقة الثالثة .. استعمال اسلوب الصراخ في الوجه وهذا يفيد ولكن له سلبيات عويصة فهو سبب تهيج وتلف القولون العصبي مع مرور الوقت ( وحينها ماهوب نافعك ولد الهاوي) الطريقة الرابعة .. المرور من عند الطالب او الطالبة عيال الهاوي وفرك الاصبع الابهام من خلال الضغط ثم فركه بطريقة لولبية تجعله يتلوى مثل البس اللي موطي بوسط بطنه من غير ان يشعر اي طالب باللي صار ( تقضي شغلك بسكات ) وهذه لها سلبياتها فقد ينحرص ويدحوس اصبعه ويورم اذا زادات الجرعة . الطريقة الخامسة .. استعمال الضرب سواء من خلال العصا او دحجة مع الظهر وهذه لها سلبياتها فالضرب بالعضاء والدحج والكف مع الصابر او العلباة اوحتى تطيير العيون بوجه الطالب ممنوعات منعا باتا وعلى المقيمين خارجها مراعاة فارق التوقيت . الطريقة السادسة ... ترك الدرعا ترعى وعلى طريقة وش مكلفني اربي اعيال الناس واهم شيء يجين الراتب اخر الشهر كامل وهذه طريقة امنة ولكن لها سلبياتها العويصة فهي تجعلك مثل حصاة الرحى تطلع من الفصل تدور على نفسك وترنح وياحياة الغرابيل حياتك وردد ماطولك ياحصة ويامنيرة ويارسارة . أمامك ست طرق .. اختر طريقتك المفضلة من خلال الاقتباس .. الله يعين من عضو معنا بالمجلس (نحتفظ باسمه ) اكيد بيهاوش ويسوي لي سالفة وبيقول ماقلت لك هات مواضيع مفيدة لك |
ولاطريقه اعجبتني عشان اقتبسه :)
يمدحون قطب الحاجبين وتكشيره مع صرختين بالشهر بصوت عالي وضرب الكلب يستأدب الاسد <<يعني لازم ضحيه بالشهر تضرب لك واحد مزعج طبعا هالقرارات فقط للمتوسط .. اما الابتدائي . تطير عيوونك عليهم يخافون كلهم |
دمج الاولى والثالثه ... حلوين هههه
|
اقتباس:
تقطيب الجبين يدخل من ضمن تطيير العيون وهو ممنوع الا اذا كنت تلبس النظارة فالمسالة تحتاج لنظر ههههه .طبعا انت اخترت رقم 5 لكن من غير ماتشعرين ولك وردة تستاهلينها |
اقتباس:
تقطيب الجبين يدخل من ضمن تطيير العيون وهو ممنوع الا اذا كنت تلبس النظارة فالمسالة تحتاج لنظر ههههه والصراخ يسبب القولون كما هو واضح اعلاه .طبعا انت اخترت رقم 5 ورفم 3 لكن من غير ماتشعرين ولك وردة تستاهلينها وشكرا لك يابلى عدد تعاميم المدارس اليومية . |
اقتباس:
حلوة فكرة الدمج بين الطرق ضاعت عن بالى احسن ياشديده هههههههه |
شكرا لك الصريح على الموضوع
اقتباس:
|
ننتظر المتعوس اللي يطبق الطريقة السادسة هههههههه
|
اقتباس:
|
كفارة ذنوب ان شاء الله:( ياعزي عنكم يامروضين الجيل بالتعليم العام .., وربي اني اقف احترامآ وتبجيلاً للمعلمين والمعلمات .., ياشين تشوفونه من عيال الخلق:( قطاع عريض من العوائل تاركين موضة التربيه من زمااااااااان:( وكلوووووه براس عطي الله المودرس وعطية الله المودرسه :( . . قريبتي من المروضات بأحد المتوسطات تقول بنات قريح قلعن مروحة الفصل :( ايام نشأتي سنة السبله كنت اتلقى تعليمي بمدارس تخص ابناء العسكر وتعرفينها زين يالصمت :) المهم كانت تتعاطى معنا بصرامة العسكر رغم فخفخة المباني والزي الغير عن الناس والامكانيات الضخمه وحصص الانقليزي من الابتدائي والبوفيهات الراقيه! طلعوا رجال وحريم من ذيك المدارس رغم القسوه القريبه من ثكنات العساكر:( وكان يكفيني فخراً بذاك الوقت اني اقول اني خريجة ذولاك الحين التعليم العام يفشل كلوووه :( الجيل صعب جداً على امكانيات المروضين .. والمروضات ! |
اقتباس:
الطريقة هذه أعتقد هي المثلى ، أتذكر شريط للدكتور طارق الحبيب يقول عن نفسه أتعامل مع طلابي في الجامعة بهذه الطريقة من لا يريد أن يحضر فلا يحضر ومن يرغب في السوالف فليخرج ومن يريد أن يستمع فليجلس يقول والعجيب أن الكثير من الطلاب لا يغادر القاعة بل ربما لم يغادر أحد .. وسمعت من أحد طالب الدكتور حسن الهويمل أو الدكتور عبد الحليم العبد اللطيف لا أذكر بالضبط أيهم الوضع في القاعة مفتوح من يريد أن ينام فلينام ومن يريد أن يسولف فليفعل ومن يريد أن يستمع للدرس فليتقدم . بالطريقة هذه أعتقد الطالب سيكون له حماس في التفاعل مع الدرس . |
اقتباس:
ياحزني :( ماتنفع مع عيالنا هالطريقه يفلخون ويخلون المحاضره ! وجه نظر الدكاتره اعلاه ان طالب الجامعه طالب للعلم هو من يأتي اليه ويلتقمه بمايشاء كيفاً وكماً مو مثل التلميذ بالتعليم العام يتتلمذذ على ايدي المربين فهو محدد بما ينهلونه ويقدمونه ! اجيالنا الى مقاعد الماستر وهم متمللين متبرمين وعلمهم مجبرين عليه وليس حبآ فيه ..! |
قتالة / تخيلي مدرس بالتعليم العام طلابه مشاغبين فجأه يقف ويقول لهم ما راح أعطيكم درس ويجلس صدقين وكذا درس يجلس وسكتم بكتم شرط يمشون سيده .. إلا إن كان الزمن الأول تحول فشيء ثاني ..
|
اقتباس:
لا ياعزوتي اذا انت اعرابي .., ماهنا هالكلام الحين ! اعنبوا حيهم جيل مايستشعرون قيمة اللي هم فيه .. لو يسويها وقسم ان يبتلون يحكون يضيعون الحصه واخرتها تضيع هيبة مدرسهم :( ياحيي شوفة عينك تدني مستوى الموظفين والموظفات اللي من الاجيال الواعده ! لايكتبون زين ولايبتكرون وبس يناظرون ساعاتهم وهم بالدوام ! هذولا هم اللي بالمدارس الحين تعبت الوزاره تصاليهم ولا طلعوا شي:( |
والله كل الطرق تمشي مع الطلاب
على حسب الطالب |
| الساعة الآن 05:13 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة