|
(((الـــ فوبيا )))
مرحبا اعضاء منتدى بريده ان شاء الله انكم بخير وسعاده بصراحه انا ماعندي اي ثقافه للمقدمات المطرزه فيه موضوع شاغلني بجد واتوقع فيه كثير مثلي ,,اتوقع مدري لكن مالحل فحالتي معقده وصعبه جداا فأنا عندي فوبيا من اشياء واجد في الحياة , لدرجة اني ماعدت اتحمل حالتي , وكثير انحرج منها وخاصة امام الاخرين 00 فأنا أعاني من فوبيا (( المصعد الكهربائي )) كم مره احاول اني اصعد مع خواتي مب عارفه مع انه ركوب الطائره جدا عادي عندي وهذا اللي مستغربته ,, مع انه الدرج اسهل 0 فوبيا القطط (( حتى استغربت واجد من طرح اخوي نجداوي عن حب البنات للقطط وتربيتهن لها,, حتى من شدة خوفي منهن احلم فيهن كثير كثير 00 كذلك فوبيا الطيور ,, حتى احياناً , اخاف انه يدخل اي طير من الشباك وانا اشرح بالفصل ويجي طاير ويخرب كل البريستيج حقي .. فتلاقوني اول ماادخل الفصل اناظر الشبابيك اذا هي مسكره او لا مممم كذلك فوبيا الفئران ,, يستحيل اجلس في بيت فيه فاره ,, حتى لو هي مو بنفس المكان اللي انا فيه 0 طرحت موضوعي بالمجلس لكثرة مرتاديه ولأني ماابغاه يميل للهزل 0 بليز ساعدوني ؟ وش اسوي ,, وكيف اتغلب على هالخوف اللي فيني ؟ وفيه احد يعاني مثل حالتي ؟ |
اهلاً اختي .... نبض اذكر .... شاهدت فيلم وثائقي عن فوبيا الطيور .... حتى ان البعض .... يخاف من الريش .... والسبب غالباً .... التعرض لـ موقف في الصغر .... وكان العلاج .... بالتدريب التدريجي .... اعتقد .... انكِ تحتاجين .... لإستشارة نفسية او سلوكية .... وافضل الأعضاء هنا .... " د. روفه " .... بس من زمان منقطعة عن المنتدى .... سي يو .... |
بالنسبه للوفبيا كل واحد له فوبيا معينه أما أنه تتكرر بأمور أخرى حاولي أنك تقوين نفسك بمثل هالأمور يعني المصعد الكهربائي ممكن تحاولين تطلعين فيه وتنزلين بشكل متكرر وبكذا أتوقع تزيل بشكل مباشر لكن أنك تستلمين يزيد لمخاطر كثيره ممكن أنك تتوصلين تخافين من أشياء ماتستحق الخوف أنا معك أنا عندي فوبيا بأشياء معينه لكن أحاول أواجهها وبكذا تدريجياً أجد نفسي بمعزل عنها |
اقتباس:
يووه معقوله من الريش ,, لا انا الحمدلله حالتي اخف انا احب اشكالهن وصورهن والوانهن ,, وعادي يكونن في البيت عندي بقفص ,, مثل الكناري الببغاء والبلابل ,, لكن انا اقصد اني اخاف المسه وامسكه زي الناس يعجبني الصوص الملون وودي امسكه لكن للاسف اني اخاف 0 بصراحه مااعرفها هالدكتوره شكرا لك |
اقتباس:
طيب ماقلت لنا الفوبيا اللي عندك عشان نشوف اذا هي تستحق او لا << مع اني مااعتقد انه الرجال يصارحون احد بانهم يخافون من شي صح !! |
اقتباس:
من جد أخاف منه يعني لو القى ذيب ولا عقرب أو داب نطحي ماخفت بس ذولي من جد أكرههن وأكره الأرض اللي فيهن بس واجهت مثل هالشيئ وصرت لاشفتهن الأمر عادي بس بشكل تدريجي على فكره إذا تقصدين السلم الكهربائي ترى عادي كل القصيميات طايحات من سلم شركة مكه ماتعودن |
اقتباس:
بس الحشرات صغار ,, سبحان الله كل انسان له نقطة ضعف والقوي هو من يواجه تلك النقطه ليتم الخلاص منها 00 |
صراحة انا فوبياي بالضبان
فعندما اشاهد الضب اجن جنون كذلك لدي فوبيا من الليل |
نصيحة عن تجربة ضعي في بالك انه ماراح يضرك وجربي وكرري الركوب والنزول حتى تقتنعي انه مافي ضرر عليك
عززي ثقتك بنفسك وانك راح تواجهين هالموقف وماراح يحصل لتس شئ لاتستسلمين ولا تأيسين واعرفي ان كل شخص لابد انه يعاني من نوع من انواع الفوبيا وراح تقتنعين انه مهوب بس انت وكذا راح ترتاحين نفسيا والله يشفينا وأياك ياااااارب |
فوبيااااي ماتعد ولاتحصى .. الله يعينك ويعيننا توكلي على ربك .. |
فوبيا طبيعية موجودة في كثير من الناس وعرفنا كثير من المشاهير يعانون من فوبيا الطائرات وانا عن نفسي أعاني من ركوب الطائرة أتحاشى ركوبها وعلاج هذه الفوبيا سهل جداً عند الأطباء النفسيين وأعرف من نجح في علاج هذه الفوبيا في زيارة واحدة للطبيب النفسي شكراً نبض |
أهلا وسهلا أختي ( نبض قلب )
1- أستعيني بالله وتوكلي عليه 2- أدخلتي للبيت قولي الدعاء ( أعوذب باكلمات الله التامة من شر ماخلق ) 3 مرات شي طبيعي ببيوتنا نحصل فأرة وصورير أنا معي أني أكرهـ البس بس أكرهـ لمسه وباقي الحيوانات الطيبات : الدجاج والارنب والضب إلخ ... أفرح إذا مسكته أوصيك أتي الدعاء الي كتبته لك رقم ( 2 ) أحرصي عليه والورد بإذن الله يحفظك الله جل وعلآ بالتوفيق لك أختي |
اثرك ذروقه http://www.redcodevb.com/smiles/smil...Laugh-2053.png
نبض استحملي مابقى شي وتموتين http://www.redcodevb.com/smiles/smil...Laugh-2043.png نبض عليك بالدعاء فهو خير علاج <<< به فوبيا بالجن والخرفشه خخخخخخخخخخخخ |
[align=center][tabletext="width:70%;"][cell="filter:;"][align=right]
*مرحباً نبض القلب ... إذا كانت درجة الفوبيا التي تصاحبك شديده ولها تأثير مباشر على حياتك مما قد يتسبب في حدوث إعاقات وصعوبات تمنعك من العيش بطريقة سويه أو تؤدي بكِ الى تعطيل لمصالحك وأمورك هنا... انت في حاجة الى أستشارة طبيب نفسي بس ماذكرتيه من فوبيا ( الفئران والمصعد والقطط والطيور ) في تصوري عاديه ولكن هذا لا ينفي أنها فوبيا ولكنها لا تصل الى كما أشرت اليه في بداية الرد إلا .. إذا كانت لديك رغبة شخصيه بتخطي تلك المخاوف فهذا شأن أخر وحتى في حال الرغبه في تخطيها لا بد من أستشارة طبيب نفسي لان وسائل علاج الفوبيا متنوعه وعلى حسب درجة الفوبيا الي عندك وفيه علاج يعتمد على ( المواجهه المُفاجئه ) ولو أنه مانجح علاج المواجهة مع خالتي فمازالت تخاف الطائرات والدرج الكهربائي [/align][/cell][/tabletext][/align] |
/ أنا ماعندي فوبيا , http://www.buraydh.com/forum/images/icons/icon11.gif وإذا كان عندي فهي من البشر .. http://www.buraydh.com/forum/images/icons/icon11.gif / |
| الساعة الآن 02:48 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة