|
ياموظفات يامدرسات تعالوا شوفوا الخادمة وش تسوي بفلذات الكبد
السلام عليكم ورحمة الله وبركاته عقب هالمشهد ماأبغى خدامة ببيتي مستقبلا مهما احتدت الظروف وياموظفات ومدرسات ابحثوا لكم عن أيدي أمينه تخاف الله من السعوديات تحطون فلذات أكبادكم عندها حتى لو تاخذ نصف الراتب بس مايصير لهم اللي صار لهالطفلة البريئة المسكينة حسبي الله ونعم الوكيل أنصح ذوو القلوب الضعيفة عدم مشاهدة المقطع أنا من زمان وأنا قلقانه عجزت أنسى من شفت المقطع بس يوم شفت المظاهرات باندونسيا ووصفهم لنا بلافاتاتهم بالمجرمين وعمموا هالشي على الشعب السعودي ككل عشان حادثة تعذيب الخادمة بالمدينة المنورة مع انها حالات فردية وشفت المطالبات من حكومة اندونسيا بسفارته قلت ليش حنا مانبرز هالمقاطع ونوضحها ونبين قسوتهم وعدم رحمتهم بأضعف البشر أطفالنا وياليت اللي يقدر يوصلها لحقوق الإنسان |
حرام عليتس والله تقطع قلبي ما كملت المقطع .... الشرهة على بعض الرجال اللي يجيبون شغالات للبيت من دون حاجة ملحة ... والموظفة تجلس بالبيت عند عياله و لا يسوى فيهم كذا .... ما نقول الا حسبنا الله ونعم الوكيل .... |
انا ماادري ليه مايحطون بكل اداره نسائيه وكليه ومكان تعليم حضانه على مستوى مو زي اللي نشوفه الان بحيث تقدر الام تاخذ بزارينها معها وتترك الشغاله لشغل البيت والطبخ والنفخ ! ترا الشغاله بشر .. تجيها ام العنزين مثلنا وممكن بساعة غضب او ارتفاع هرموني تسوي اي شي ! مطلوب منها تقوم الفجر علشان الفطور وتوليم الفسحه لحقين الابتدائي وتلبيس مراييل وترنقات .. وبعد مايطلعون غسيل حمامات وملابس وترتيب غرف وغدا وبزر مايلم افموه بس يصيح .. وش تبونها تبدي !! |
اقتباس:
مهب على وش تبدي ...! وين الرحمة المنزوعة من قلبه ..... عساه للفضخ <<< من قلب طلعت |
اقتباس:
قلتلك لحظة الغضب شينه ! والله ياضرب بعض الامهات انه اشد .. |
اقتباس:
شوفي ... الضرب وقت الغضب ... مهوب بالطريقة هذي يمكن ضرب مع اليد او مع المؤخرة <<<< متعوب عليه ذي للتأديب فقط ... وبنت الكلب هالشغالة مسوية مصارعة ....! بس شوفي الفيديو .... وه بس لو امسكه |
هذي نتايج الطهبلة والخربطة
يعني ام ماضفت عيالها وعجزت تربيهم تبون حتة شغالة ماربوها اهلها تجي تربيلكم خخخ |
والله لوهي عندي لاطااه برجلي زي ماسوووت بولدي كذاااا؟؟
والله لاخليها تتفل العافيه ............؟؟ لابوك ولابو اللي جابك ...؟؟ نجيب العون ويطلع فرعوووووووووون ؟؟ |
اقتباس:
ماندري عن خفايا هالضرب .. والله يابعض المدامات لو انا شغاله عندهن تسان قطعت عيالهن بمقص تعذيباً عندنا حريم مايمسكن الوليه على شغالات << منظمة حقوق الشغالات خخخ ! |
اقتباس:
تخلينها تتفل العافيه وتخليتس تتفلين دم من السحر اذا سافرت ! على هونتس بس ترا الشغالات مب هوينات يبن سياسه الدعوى سحر مايطلعوه ولا سبعين مطوع :( |
اقتباس:
الرحمة مطلوبة دائما ..... سواء مع الورعان ولا الشغالات .... واحيانا مع الحريم |
اقتباس:
تقدر الموظفه تنسق بين وظيفتها وعيالها بدون ماتخليهم تحت رحمة الشغالة فيه ألف خيار وخيار غير تسلط الشغالات وسطوتهم شرفت |
اقتباس:
هلا بقتالة شرفتي الموضوع بالنسبه لفكرتك بإدراج الحضانات ممتازه جدا يعني ياليت بكل مدرسة يكون جواتها حضانه ومايخالف ياشيخه لاتكون على مستوى بس أهم شي الوحده تدخل وتطلع على أطفالها بكل لحظه بغت بعدين وشو ياقتالة تعذرين لهالمجرمة تطقها على خفيف تدفها بشويش بس كذا ترقص على ظهرها!!! بالله تعذرين لهالمجرمه لهالفعلة والله الحاقد حاقد من هالجنس حتى لو كانت بيبي ستر خاصة للطفل ماوراها لاشغل ولاكنس ولاطبخ ولاتنظيف ماأقول بس الله لايبلانا بقلوب مثلها هالحاقدة منزوعة الرحمة منها شرفتي قتلتل |
اقتباس:
تصدق لو هي محمية جلدة بخيزرانه لين صارت حمراء من الطق أهون بمليون مره إنه ترقص بثقلها هالمجرمة على عظامة طفلة رقيقة لينه |
اقتباس:
لاياقتالة حرام وشو ضرب الأم أشد؟!! أنتي قولي لي بس فيه أحد غير الأم يسوي بطفل حتى لو كان أطفال لعدوه بيسوي فيهم زي كذا؟؟ |
| الساعة الآن 09:24 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة