|
شبابنا إلى أين.....؟؟؟
السلام عليكم ورحمة الله وبركاته في مره من المرات في سوق بريدة وبي التحديد في شارع الصناعه عند أحد المحلات النسائه بنتظار والدتي وكان عن باب أحد المحلات فتاتان جالستان وإذ بسيارة مسرعه رمى أحدهم كرتون صغير ( من فاين ) على الفتيات ـ حتى ماهو لقي مايكتب عليه ـ أخذت إحداهما الكرتون ورمته بعيداً من باب الفضول أخذت الكرتون وإذ بي أجد مكتوب على الكرتون( سلطان ومكتوب تحته رقم جوال ) أخذت الكرتون وشققته ورميته في إحدى البيارات في الشارع,إستغربت وقتها لماذا فعل ذالك هذا الشاب ذالك الفعل بت في تفكير عميق ولم أجد لذالك إجابه محدده واضحه يا الله لماذا وصل بشبابنا ذالك الفعل المشين القبيح هل شباب المغازل قله أم هم كثر أين الوازع الديني أين الخوف من الله عز وجل شبابنا إلى أين.....؟؟؟ سؤال كبييييييييييير جد اُ يجب أن نهتم به وإلا إستغل من قبل أناس جهال أخوكم السلسله |
فكهن ربي من شي اثقل من كرتون المناديل ! واشوى ان طبلون السياره ماينقلع والا تسان كتبه على الطبلون وجدعوه عليهن ! خالتي يابعدي ياهي قاعدتن تفطر بحدا ايام الست بين السيارات ويصنه ذاك الاجودي بقارورة ماء تقول احسبوه محسنبي يبين اشرب وافك القاروره واطرقع الا هو يدور مره ثانيه ويقول ناظري وش مكتوب مب بس تطرقعينه !! |
الشكوى الله شكراً للمرور |
أجل ما قد جتك كلمة أو غمزه من بنت ...؟؟؟ ترا الشر و الإبتعاد عن الدين موجود عند البنات و الذكور ... بس حنا ما ننتبه زين |
اماالشباب حدث ولا حرج
الحين وهو مرتاح يدور بين سيارات في الجامعه يحط الورقه بعروه باب السياره خاصه اذ كان سواق هالوقت صارو كانهم اخطبوط بكل محل تشوفهم ورجعو الحاله اول بتلفون الثابت الله يهديهم هذا والله من قله الدين والعآآآطله الي مايدري الواحد وش يسوي بنفسه . |
اخي الفاضل...
فيه احد الى الان يسوي هالحركااااات!!! احسها حركات "مراهقين"... الشباب تعدوا الان هالوسائل الى ماهو ادهى وامر والسبب ان "البعض" من البنات مساعدينهم على التواصل!! |
بعضهم على خف دم واستهبال وان ماعطيتيه وجه يروح وبعضهم اللهم ياكافي ذباب ماينهش يلفت لتس انظار اللي حولتس وكلما قلتي له يالاشهب انزح وراك لآبو هالربايا لزق اكثر :( |
مثل ماقالت اختنا لعيون دودي مراهقين لاكن المشكله ان مافيه عقوبات صارمه ضد هالفئه والا ماكان تعود راعي الترقيم بكل مره يمارس نفس الاسلوب وعلى اكثر من بنت غالبا الناس الجرئيه وحتى لو كانو مراهقين يستمرون بعمل الامور لان الرادع مغيب عنهم بعض الاحيان اشوف الهئيه تنصح بعض البنات بالتستر مشاء الله جهودهم مباركه وانت بدورك اخي السلسه وبفعلك تفعل الجانب الاخر من الامن كالهئيه وغيرها لان الرقم الي كان بيوصل للبنت ممكن يسبب مشاكل كثيره والمواطن رجل الامن الاول !! شاكر ومقدر تواجدك احترامي . |
صااايرين الشباب اعوذ بالله بالمغازل اشد من قبل تقول وحدة من صديقاتي اننا طالعين بمخيم بالبر وطالعات برى مرت من عندننا سيارة وجدعت الرقم وراحت << يعني حتى بالبر ماسلمنا منهم :rolleyes: الله يهديهم ان شاء الله ويصلحهم .. |
يمكن جوال زميله كاتبه على الكرتون ويمكن يوم يرمي الكرتون ماقصده يغازل انا مره اناظر بالسوق وساهي مادريت الا عيوني على وحده مادريت الا مطيره عيونه عليه تحسبن لمه وانا الله واعلم وش افكر به منب لمه |
كم عمره ..؟ الموضوع احد شيئين .... اما ان البنات معطياته وجه " لمجرد اللعب " .... او انه مراهق ويسمع بالترقيم ..... سي يو ... |
<<ياقدمة في احد يدور بالسوق عشان يغازل
احد محارمي اطلعني على طرق الجديده لشباب بالمغازل البيبي والاميل المرزوز على شبابيك سيارتهم وايش كمان بلتوث والمنتديات تكفي الشباب عن الدوران في السوق وتجديع الارقام اما شبابنا الى اين يبي يدحدرون ويدحدرون لين يعرفون ان الله حق وربي يمهل ولا همل |
اقتباس:
يبي ينقي على عينه الدعوى شرا جح ! |
اقتباس:
شر البلية مايضحك شكراً لك على المرور الرائع وبارك الله فيك |
اقتباس:
الخطاء موجود من كلا الطرفين لكن لو إلتزم الشاب بتعاليم دينه و الفتاة كذالك لن نرى هذا أبدا |
| الساعة الآن 08:21 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة