|
بنتي تطالبني بتغيير اسمها
ماكنت اتوقع ان بنتي الصغيره الي بالصف ثاني ابتدائي تجي وتطالبني بتغيير اسمها ولما سالتها عن السبب قالت ان اسماء الي معها بالفصل حلوه واحسن مني فكيف العمل مع بنتي مع ان اسمها هبه يعني حلو
تكفون ساعدوني |
عادي اذبح وغيره<<مستعجله بتطلع
|
غيريه لها لا تخلينها تحس بالنقص و تفقد الثقة بنفسها بسبة إسم
عمرها مناسب لتغييره توها صغيره |
اقتباس:
الله يسامحك على الراي |
اقتباس:
اسمها حلو و اتصلت بالمدرسه عشان اعرف اسما زميلاتها تفاجات بانها عادية مو بالزود |
اقتباس:
بس هي مو مقتنعه فيه |
اذا اي شي يطلبونه اطفالنا
نركض نلبيه،،اكيد بنتعب وراهم،، بعيدين لاكبرو،،وتعودو مايرفض لهم طلب ،، بيصعب التعامل معهم اكثر،، كل شي بالمعقول،،، وصلت المواصيل انه تطلب يغير اسمه ،،وحنا تحت الخدمه،، اجل لو تطلب تغيير اسم العائله لو كان غير مناسب لاسمح الله عندك استعداد تغيرينه،، لا تطيعينه لكن باْسلوب حلو الا اذا كان قديم وشين |
مو لآزم آنك تطيعينهـآ وتغيرينه
بس حآآولي آنك تحببينهآ بأسمهآ وتقنعينهآ فيه ،، وخليهـآآ تقتنع باللي عندهآ ومآتقآآرن نفسهآآآ بالنآآس عوديهـآآ من الحين على كذآ دآم آنهآ صغير لآتتعود تقآرن نفسهآ بأي آحد على آنهم آحسن منهآ .. بتتعبين معهآ كذآ ~ والله يخليهـآآ لك يَ رب |
عادي غيريه لا تكسرين خاطرها
|
أشوف الإسم حلو وبالعكس رائع شكل أحد زميلاتها ماجاز له الإسم وقالت لها وهالمسكينة صدقت مباشرة حاولي إنك تقنعينها بجمال إسمها وحاولي تبحثين عن معنى مميز لإسمها ومافيه مانع لو تكلمين اللي حولك كل ماقابلوها بين فترة والثانية يمدحون إسمها بطريقة غير مباشرة قولي لها ترى باسم يقول إذا غيرتي اسمك مايخطبك لأخوه الصغير :) |
غيري اسمها وغيري ديكور البيت معها ,, وعادي ترى طلبها ,, لأن الجنس الأنثوي التغيير يمشي بدمه ماضيع بزارين هالوقت إلا صايرن لهم مثل الفانوس السحري هذا جيب ربع وهذا جوال وهذا لاب توب وهذا اسم وهذا قريح وبزنـّه http://buraydh.com/forum/images/icons/icon8.gif لون خطك مو باين على وزن موبايل اللي تبين تشرين لبنتك مستقبلا http://buraydh.com/forum/images/icons/icon10.gif |
لا تغيرنه
بل اغرسي في نفسها الثقة بالنفس والاعتزاز بخصوصياتها ومنها الاسم واذا تبي كل ماطلبت شي تلبينه لها تبي تتعبين منها |
[align=center]حكاية تغيير الاسم منتشر وبكثرة في الاوساط النسائية .. لا اعلم مالسبب .. بالنسبة لي مادام الاسم مو حصة ولا لولوة "مع تقديري لاصحاب تلك الاسماء" فالامور عادية وماشية.
بالنسبة لهبة فأعتقد ان الاسم مقبول ومعناه حلو .. ممكن لو تبينين معنى الاسم لبنتك وانها هبه من الله لهذه العائلة اتوقع ممكن تغير رأيها .. بالاضافة لمقارنة اسمها ببعض اسماء البنات .. الاسماء واجد وفي كثير منها ماله داعي. بالتوفيق للجميع .. والله يرزقك بره.[/align] |
ماشاء الله مااجمل الاســم
إسم جميل جدا ولكن ربما أن هناك من الطالبات الصغار من عيرتها بإسمها بشي مـا فكرهت الاسم لابد أن تغرسي بقلبها حب الاسم والله يحفظها لك ِ |
الصراحه الاسم مو ذاك الزود ,,
وبعدين اذا بنتك تحسينها متعقده منه غيره احسن مايجي يوم وتحط اللوم عليك يمكن ان بنتك فيه احد معقدها باسمهااا ,, ماراح يضرك شي لو تغيرينه بالعكس طفله وتسعد بعمل كهذا وبالذات ان مافيه شي من اي ناحيه, |
| الساعة الآن 10:11 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة