كحيلان اليوم مبسوط للآخر .. ثلاثية الشباب و يوم الخميس و ضحكته على مهاراة الزيلعي ..


أكيد بقلم العميد شاطئ ..

من قدك يا كحيلان تستانس اليوم و تفل الحجاج .. تطبز الشباب بثلاثية و لا أحلى ، و تخلي بعض ربيع الشباب ينلهد لهده .. لا و أزيدك من الشعر بيت يا كحيلان : أن هالثلاثية تأكد لولد البلطان منهم الكبار و خليناه يشوف منهو العالمي و منهو المحلي .. تسلم توجيهاتك يا اوووووووشطة .. عملت فيهم شوارع الليلة بلاعبينك العالميين .. و خليت الجمهور الي وراء الشاشة منهم الي مبسوط و منهم الي منغث مغثة ..

عاد يجيك هالأطخم كومة الزين و الملح و القبلة سعد .. يوم لفز هدفه بالراس وضح لحق العشرين سنة أن الراس يستخدم بأي طريقة كانت مهب لازم تصير الكورة عدال للعارضة .. و يدعدع بعد يبي كم هدف ياااااااااالله الجنة بس على وليدنا ... أجل السهلاوي اللوز بسم الله عليه من عيون الحساد .. ربي يحفظه و يخليه لنصرن يرجيه .. يوم شافه الحارس طاح من هيبته خمّ الأرض ، هذا السهلاوي وهو عنده فترة نقاهه .. و قال لنا يا جمهور العالمي راح أجيب لكم بطولة الموسم الجاي .. يعني نبي نعدم أندية الموسم الجاي بإذن الله ..

و آه يا غالب لا تعدي كورة .. هذا الأسمراني هو جوهر النصر يعني لما يكون موجود تحس أن النصر في أمان و سلامة و صحة و عافية و فلة حجاج و كل شيء .. محنب مثل غيرنا نقول الفريق كله نجوم و نلعب على أرواحنا لا يا بعدي .. كل فريق بوه الزين و الشين بس حنا شينيننا عند الجيران نجوم .. نرجع لغالب .. مرة قلت له يا غالب ما ندري وشلون نشكرك على جهدك و عطاءك بالدائرة بالفعل أنت لاعب كبير و لاعب تحير المدربين قال لي بعد عمري هو : أهازيج الجمهور تحتاج للعطاء و التضحية .. و أضمه على صدري من قلب .. ( خلون أورد عليه بظهر الغيب عمري هو ) ..

يوم شفت ولد البلطان بالتلفزيون ، قعدت أضحك قلت وين يا ولد البلطان مهايطك و هرجك عن النصر و البلايستيشن و الكبار و هالسباحين ، و أثر الدعوى ثلاثية جت من حكيم ايقالوه كحيلان ... الصراحة يا كحيلان مالك حق الي تسوي بولد البلطان هالثلاثية كان خليته تنتهي على فرق واحد و بس ... بس أدري بك تحب توسع صدورنا حنا يا جمهور الوفاء ، ضحيت بكل شيء علشاننا و ما قصرت علينا بشين أبد ، كل الموسم و أنت بس تجتهد و تخلص للفريق و تدفع ملايين بس علشان ابتسامة النصراوي الطاهرة ..

و هذي قبلة لراس كحيلان و وردة تجديد الثقة بهالعظيم كحيلان الي برّد على تسبدي من أمورن كثيرة ... و لزخت العصرية من الي ينساه لحد الحين أتطعم به .. كل ما صرت فاضي قلت يا شاطئ وين شريطه أبي أكحل هالعيون الناعسات بنصر الثمانينات ..


مبروك الثلاثية يا جمهور العالمي .... :4[1]:


تحيتي لكم